Кривошеева, Ефимия Петровна
| Кривошеева, Ефимия Петровна | |
|---|---|
 | |
| Чачома чизэ | 1867-це иень аштемковонь 1-це чи |
| Чачома тарказо | |
| Кулома чизэ | 1936-це иень аштемковонь 24-це чи (69 иеть) |
| Кулома тарказо | |
| Масторозо | |
| Важодемань ёрокчизэ | сёрмадей |
 Ефимия Петровна Кривошеева | |
.svg){kind=small}
.svg){kind=small}
Ефи́мия Петро́вна Кривоше́ева (1867-це иень аштемковонь 1-це чи — 1936-це иень аштемковонь 24-це чи) — эрзянь сёрмадыця, раськень ёвтниця, эрзянь кельсэ ёвтницянь тевень ушодыцятнестэ вейкесь.
Эрямопингезэ
Чачсь 1867-це иень аштемковонь 1-це чистэ Пенза ёнксонь Камешкирэнь буень Тарасовка велесэ[1] Пётр Фёдорович Адамов сокицянь-видицянь кудораськесэ. Раськень коряс — эрзя.
Содамочинзэ арасельть. Важодсь косо лиси, топавтсь стака важодема. Кривошеевтнень ламо эйкакшонь кудораськесь эрясь кажовсто. Ойменть шождалгавтомга Ефимия Петровна ладсесь морот ды морась эйсэст ялгатнень ды малавикстнэнь ютксо. Тейтерьксчистэ саезь сон марявсь паро морыцякс, седе покшсто касомсто содавсь кода лайшиця, коень-кирдань ды аволь коень-кирдань фольклоронь вадря морыця ды содыця.
Ефимия Петровнань шкинемань ёрокчинзэ панжомась сюлмазь Илья Петрович Кривошеев цёранзо марто, конась 1922-це иестэ саезь сёрмалесь моронзо[2]. Масторонть келес Кривошеевань лемезэ кармась содавомо 1936-це иестэ «Правда» кулялопасо «Лайшема Кировдо» произведениянть нолдамодо мейле. Пек вадрясто содавить «Одов чачсь, мирэсь-масторось» ды «Эсь эрямодон» сонзэ гражданской ёвтамонзо-поэманзо.
Ефимия Петровна калминзе сисем эйкакшонзо. Авась кодаяк эзь юта эзь юта покш ризксэнзэ вакска ды весементь ёвтызе лайшемасо:
…Как весны краса-цветы яркие,
Как в саду плоды — плоды сладкие,
Вас одиннадцать народила я,
К свету радости всех растила я,
Где одиннадцать моих деточек?
Вас осталось мне только четверо…
Как я выскажу, как напомню я,
Каким голосом горе выведу?
Пять лебёдушек — дочерей моих,
Два орла-сынка похоронены…
Не вместить мне скорбь в песню скорбную,
Мне не вылить гнев в слово гневное,
Мое сердце жжёт горе-озеро,
Клонит спинушку гора тяжкая….
Кулось 1936-це иень аштемковонь 24-це чистэ Саран ошсо.
Библиографиязо
Весемезэ Е. П. Кривошеевань лововить ведьгеменде ламо ёвтамонзо. «Лайшемат ды морот» васенце пусмозо нолдазель 1937-це иестэ. Теде башка сёрмадовксонзо ульнесть нолдазь «Авань вайгель» (1950), «Тынь кунсолодо, тиринь тякам монь» (1968) ды лия пусмотнесэ. Весеме ёндо сехте домкасто сонзэ шкинемазо невтезь «Кочказь произведениятнесэ» (1968).
Кудораськезэ
Мирдезэ — Кривошеев Пётр Васильевич — сокиця-видиця, кузницясо важодиця.
Эйкакшт
- Кривошеев Илья Петрович — сёрмадыця, Мордовиянь заслуженной тонавтыця.
- Кривошеев Никифор Петрович
- Кривошеев Иван Петрович
- Одерова (Кривошеева) Александра Петровна
Нуцькат
- Одеров Константин Антонович
- Одеров Михаил Антонович — Ине Отечествань войнасо улиця, РСФСР-нь велень хозяйствань заслуженной важодиця.
- Одеров Анатолий Антонович
- Одеров Юрий Антонович
Ледстнема
- 2014-це иестэ Саран ошсо Мокшонь куронь 16-це кудонть икеле, косо ютасть Е. П. Кривошеевань эрямосто меельце иетне, панжозель ледстнемань лаз.
Тешкставкст
- ↑ О. М. Савин, 2001.
- ↑ Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 762. — 840 с. — ISBN 5-7595-1662-0.
Литература
- Кривошеева, Ефимья Петровна // Корзинка — Кукунор. — М. : Советская энциклопедия, 1953. — С. 390. — (Большая советская энциклопедия : [в 51 т.] / гл. ред. Б. А. Введенский ; 1949—1958, т. 23).
- Савин О. М. Кривошеева Ефимия Петровна // Пензенская энциклопедия. — М.: Большая Российская энциклопедия, 2001. — С. 270.