Ламбамкань масторлангонь чи
| Ламбамкань масторлангонь чи | |
|---|---|
 | |
| Аравтозь | 2009-це иестэ |
| Тешкстамонь чись | ожоковонь 18-це чи |
Ла́мбамкань масторла́нгонь чи (руз. Всеми́рный день конфе́т) — общественной мель-арсема, кона касты кондитерэнь тевдеемантень ды ламбамкатнень историянтень вечкеманть. Ютавтома чись — ожоковонь 18-це чи[1]. Ютавтневи эрьва иестэ.
Ламбамкань масторлангонь чинть содасызь ансяк интернетэнь рузонь кельсэ пелькссэнть.
Покшчинть ланга
Покшчинь ютавтомадо меленть-арсеманть ёвтызе Ламбамкань раськеютконь вейсэндявксось. Весемесь ушодовсь 2009-це иестэ[2].
Вейсэндявксонть ульнесь мелезэ ёвтнемс сех тантей, ламбамо индустриядонть ды вастневиця стакачитнеде.
Ули арсема, келя те чись сюлмавозь американь Sweetest Day (эрз. Сехте ламбамо чи) марто, кона тешкстави ожоковонь зярыя читнестэ. Покшчись Американь Вейсэндязь Штаттнэсэ арсезель ламбамопелень теицятнесэ паро тевень тееманть ютавтомга — сынь макснесть эсь теевкстнэнь урозтнэнень, кажовтненень, сыре ломанень кудотненень[3].
Сундерьковонь 4-це чистэ Американь Вейсэндязь Штатсо ды Великобританиясо тешкстыть Ламбамкань раськень чи (англ. National Candy Day)[4].
Мероприятиятне
Коень коряс те шкастонть масторлангонь эрьва кодамо ужинетнесэ ютавтневить фестивальть, флешмобт, карнавалт, тематикань невтемат, мастер-класст, конат алтазь вечкевикс ламбамопельтненень. Казнекс максовить конфеткань набортнэ.
Россиясо
Покшчись тешкстави Россиянь эрьва кодамо ужинесэ. Эйкакшонь кужосо ютавтневить «Ламбамкань покшчи» налксемань эрьгелемань программат[5][6]. Мероприятиятнень шкасто эйкакштне аволь ансяк теевсть содавиксэкс вечкевикс тантейкатнень историянть марто ды кармасть содамо ламо од ды мельстуиця тевть, теде башка невтизь виест «Тапардык конфетканть», «Конфеткань кандтниця» мельстуиця налксематнесэ.
Кенярксчинь сценарийтнес совить налксемат, косо явшевить конфеткатне фантикень тюсонь коряс, максовить понгавтомка вельде, кандовить пенчсэ ве таркасто омбоцес ды теде башка теить эйсэст пластилинстэ.
Тешкставкст
- ↑ Ирина Макеева. Всемирный день конфет празднуется 18 октября (руз.). Парламентская газета (18 Ожоковонь 2023). Дата обращения: 1 Ожоковонь 2025.
- ↑ Ольга Чудина. 18 октября сладкоежки отмечают самый вкусный праздник – Всемирный день конфет (руз.). Учительская газета (18 Ожоковонь 2023). Дата обращения: 1 Ожоковонь 2025.
- ↑ Всемирный день конфет, День женского счастья, День Харитины: Праздники и приметы 18 октября (руз.). life.ru. Дата обращения: 1 Ожоковонь 2025.
- ↑ NATIONAL CANDY DAY - November 4 (англ.). National Day. Дата обращения: 1 Ожоковонь 2025.
- ↑ Наталья Зайцева. В Большой Екатериновке в День конфет устроили праздник малышне (руз.). Аткарский уездЪ (18 Ожоковонь 2022). Дата обращения: 1 Ожоковонь 2025.
- ↑ Всемирный день конфет отметили в Биробиджане (руз.). РИА Биробиджан (23 Ожоковонь 2021). Дата обращения: 1 Ожоковонь 2025.