Ларин, Михаил Фёдорович
| Михаил Фёдорович Ларин | ||||||
|---|---|---|---|---|---|---|
 | ||||||
| Чачома чизэ | 1911-це иень ожоковонь 11-це чи | |||||
| Чачома тарказо | ||||||
| Кулома чизэ | 1945-це иень якшамковонь 29-це чи (33 иеть) | |||||
| Кулома тарказо | Чилисемань Пруссиясо | |||||
| Масторозо |
 СССР |
|||||
| Кодамо ушмосо | Пехота[d] | |||||
| Служамонь иетне | 1933—1935; 1942—1945 | |||||
| Званиязо |
 |
|||||
| Частезэ |
113-й стрелковый полк 32-й стрелковой дивизии |
|||||
| Тюремат/войнат | ||||||
| Казнеть ды премият |
|
|||||
Михаил Фёдорович Ларин (1911—1945) — Важодицянь ды сокицянь-видицянь Якстере Армиянь лейтенант, Ине Отечествань войнасо улиця, Советэнь Союзонь Откерь (1945).
Эрямокизэ
Михаил Ларин чачсь 1911-це иень ожоковонь 11-це чистэ Надеждина велесэ (ней — Мордовия Республикань Ельникень буе). Школань ниле класстнэнь прядомадо мейле важодсь леспромхозсо. 1933-це иестэ тердезель служамо Важодицянь ды сокицянь-видицянь Якстере Армияс, прядсь полконь школа. 1935-це иестэ кучозь запасос. Эрясь Обран ошсо, важодсь милициясо.
1942-це иень умарьковсто Ларин эсь мелензэ коряс тусь Важодемань ды сокицянь-видицянь Якстере Армияв служамо. Секе иень таштамковсто саезь — Ине Отечествань войнань фронстнэсэль, ульнесь ранязь ды кавксть контузязь.
1945-це иень якшамковонтень Михаил Ларин ульнесь Прибалтикань
1-це фронтонь вачкодемань 4-це армиянь стрелковой 32-це дивизиянь стрелковой 113-це полконь пулемётонь взводонь прявтокс[1]. Пек парсте невтизе эсь прянзо Чилисемань Пруссиясо. 1945-це иень веть якшамковонь 28-це чистэ якшамковонь 29-це чис Ларинэнь прявтсо штурмонь отрядось эенть ланга ютызе Куршкой ведьулонть ды ятонь коммуникациятнень керямсто саизе Куршской киксэнть. Сеть тюрематнесэ Ларин кавксть ранязель, ансяк ялатеке поладызе тевензэ. Ларинэнь отрядозо идесь 5 каявомат. Котоце каявоманть шкасто Ларин чавсь немецень 15 ушмант ды офицерт, ансяк чавовсь сонськак. Калмазь вейсэнь калмазырьсэ Литвань Клайпеда ошсо[2].
1945-це иень чадыковонь 19-це чистэ СССР-нь Верховной Советэнь кармавтомасо «немецень ятонть каршо виевчинь ды откерьксчинь невтеманть ды аравтозь тевень топавтоманть кис» Михаил Ларин лейтенантонтень куломадо мейле максозель Советэнь Союзонь Откерь лемесь. Теке марто казезель Ленинэнь орденсэ, Якстере Тештень кавто орденсэ, Славань 3-це степенень орденсэ, зярыя медальсэ.
Ларинэнь лемензэ кандтни Обран ошсо вейке курось, Надеждина велесэ стявтозь кеврунго[3].
Тешкставкст
Ссылкат
- Герой Нижнего Новгорода - Михаил Федорович Ларин
- «Имя героя - школе» Надеждинская ООШ имени Героя Советского Союза Михаила Ларина
- Михаил Федорович Ларин
- Ларин Михаил Федорович
- Мой дедушка
- Ларин Михаил Федорович
- Ларин Михаил Федорович
- Ларин Михаил Фёдорович
- Герой Советского Союза Ларин Михаил Фёдорович. К 79 годовщине победы советского народа над всей фашистской Европой
- Нижегородские полицейские почтили подвиг земляка - Героя
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- За Отчизну, свободу и честь! — Горький, 1967. — Кн. 3.
- Мордовия. Энциклопедия. — Саранск, 2007.
- Тюльников Л. К. Герои Советского Союза — горьковчане / Л. К. Тюльников, Я. И. Басович. — 2-е изд., перераб. и доп. — Горький: Волго-Вятское книжное издательство, 1981. — 366 с.