Маар

Мар - ине тарка, кона теевсь кандымодасто. Мар лангсо эрзятне ютавтыльть эрьва кодат озномат.

Косо улить март

Сеть таркатнесэ, косо ульнесть покштянок-сырькаенек эрямо паксяст ды масторост, неень шкасто улить кандозь модасто, вирь кужосто, лушмосто, лей чирестэ март.

Истят март вастневить Равонь томбале од паксясояк, ков савсь ютамс минек покштятненень. Саемга, Оренбург ёнксонь Северной буесэ ули Ознума лей, конань ушодома лисьмаприненть чиресэ ули мар ашко. Ды содави сонсь мароськак, куш маласо виртне керязь ды модась соказь. Ялатеке те иневанькс таркась содави. Тесэ озкстнэ ютавтневильть 20-це пингень ушодовома иетнестэяк.

Мар ды сонзэ смустезэ

Кодамо смустезэ "мар" валонть, седе видестэ сонзэ эряви сёрмадомс - Мар. Нама, "мар" валось вастневи рузонь кельсэяк, ды келень кой-кона тонавтыцятне ловить сонзэ славянонь кельстэ лисевксэкс. Финнэнь-угрань раськетнень кельсэ ули («маа», «муу», «мастор», «мланде») вал, конань смустезэ "мода", "эрямо пакся".

Ней ёвтасынек Мар валонть истя - иневанькс тарка, косо эрямось, ютазь пингенть, неень шканть, икелечинть марто сюлмави сонсь Инешкипазонть, пертьпельксэнь кирдийтнень-аштийтнень ды покштятнень-покшаватнень эрьменть марто, нурькинестэ мертяно - эрямо пандо.

Кезэрень шкане покштянок терявтнесть теемс истят март масторост весе буетнесэ. Мекс те эрявсь? Нама, чарькодицясь - чарькодьсы. Ванькскавтомс весе масторонть, теемс вейке, вейсэнь раськень эрямонь пандо-пакся. Теде башка кемекстамс-вейсэндямс буетнень, теемс кеме раське ды мастор, чанстямс тень Инешкипазонть эрьмесэ, покштятнень-покшаватнень эрямо содамочинь сюпавчисэ.

Мар шкинемасо

• Илька Морыця сёрмадсь «Ине-Мар Аля» валморо. Весемесь сёрмадозель 1931 иень якшамковонь 21 чистэ. Валморосо Ине-Мар Аля - те Владимир Ильич Ленин. Мар - марсо (ве таркасо, куцясо). Те покш курганонь (губоронь-пандонь) лем.