Мещеряков, Павел Матвеевич

Павел Матвеевич Мещеряков
Павел Матвеевич Мещеряков
Чачома чизэ	1912-це иень ацамковонь 13-це чи
Чачома тарказо	Парцат, Инсаронь уезд[d], Пензань губерния[d], Россиянь империя;
Кулома чизэ	1989-це иень панжиковонь 1-це чи (76 иеть)
Кулома тарказо	Гомель, Белорусскяй ССР[d], СССР;
Масторозо	СССР
Кодамо ушмосо	артиллеррия[d]
Служамонь иетне	1935—1967 (оймсема марто)
Званиязо
Тюремат/войнат	Ине Отечественной война;
	Павел Матвеевич Мещеряков

Па́вел Матве́евич Мещеряко́в (1912—1989) — Советэнь Армиянь подполковник, Ине Отечествань войнасо улиця, Советэнь Союзонь Откерь (1943).

Эрямокизэ

Павел Мещеряков чачсь 1912-це иень ацамковонь 13-це чистэ Парцат велесэ (ней — Мордовия Республикань Кадошкинань буе). Школань вейксэ классонь прядомадо мейле важодсь счетоводокс. 1935-це—1937-це иетнестэ ютась служамо Важодицянь ды сокицянь-видицянь Якстере Армияв^[1]. Демобилизовамодо мейле важодсь бухгалтерэкс Туркмениянь ССР-сэ.
1942-це иень панжиковсто Мещеряков таго тердезель армияв. Секе иень ацамковсто прядызе Харьковонь артиллериянь училищанть. 1943-це иень эйзюрковсто саезь — Ине Отечествань войнань фронтнэсэль. 1944-це иестэ прядынзе командань составонь кастомань курсатнень. Тюрематнесэ ульнесь ранязь^[2].

1943-це иень ожоковонтень Павел Мещеряков лейтенантось ветясь прявтонь тевтнень Центральной фронтонь 65-це армиянь стрелковой 106-це дивизиянь стрелковой 43-це полконь артиллериянь взводсо. Пек парсте невтизе эсь прянзо Днепрань кис тюремасо. 1943-це иень ожоковонь 15-це чистэ Мещеряков икелев молиця куронть марто Белорусень ССР-нь Гомель ёнксонь Лоев посёлканть маласо сыргась Днепранть пачк ды путынзе весе виензэ чивалгомань чиресэ плацдмармань саемасо ды кирдемасо, тень пингстэ тапазельть ятонь леднемань ламо таркатне^[2]^[3].

1943-це иень ожоковонь 30-це чистэ СССР-нь Верховной Советэнь Президиумонь кармавтомасо «немецень ятонть каршо виевчинь ды откерьксчинь невтеманть ды аравтозь тевень топавтоманть кис» Павел Мещеряков лейтенантонтень максозель Советэнь Союзонь Откерь покш лемесь, казевсь Ленинэнь орденэсь ды 2205 номерэнть ало «Сырнень Теште» медалесь^[2].

Войнань прядовомадо мейле Мещеряков полады Якстере Армиясо служамонть. 1967-це иестэ подполковникень званиясо кучозель запасос. Васня эрясь ды важодсь Рыбинск, мейле Гомель ошсо. Кулось 1989-це иень
панжиковонь 1-це чистэ, калмазь Гомельсэ^[2]^[4].

Теде башка казезель Отечествань войнань 1-це ды 2-це степенень орденсэ, Якстере Тештень кавто орденсэ, зярыя медальсэ^[2]^[5].

Тешкставкст

Ссылкат

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

[1] Павел Матвеевич Мещеряков - Герой Советского Союза

[wh-2] ¹ ² ³ ⁴ ⁵ Мещеряков, Павел Матвеевич (неопр.). «Масторонь маралят» вальмась.

[3] Мещеряков Павел Матвеевич

[4] Они форсировали Днепр

[5] Память о герое живёт в наших сердцах

[1]

[2]

[3]

[4]

[5]