Миронов, Вениамин Борисович

Вениамин Борисович Миронов
Вениамин Борисович Миронов
Чачома чизэ	29 ацамковонь 1912
Чачома тарказо	Константиновка (Рамаданбуе), Саранонь уезд[d], Пензань губерния[d], Россиянь империя;
Кулома чизэ	20 умарьковонь 1980 (67 лет)
Кулома тарказо	Саран ош, РСФСР[d], СССР;
Масторозо	СССР
Кодамо ушмосо	артиллеррия[d]
Служамонь иетне	1934—1955
Званиязо
Тюремат/войнат	Ине Отечественной война;

Вениамин Борисович Миронов (1912—1980) — Советэнь Армиянь полковник, Ине Отечествань войнасо улиця, Советэнь Союзонь Откерь (1945).

Эрямокизэ

Вениамин Миронов чачсь 1912-це иень ацамковонь 29-це чистэ Константиновка велесэ (ней — Мордовия Республикань Ромодановань буе). Омскоень тонавтыцянь техникумонь прядомадо мейле важодсь тонавтыцякс Томск ошсо. 1934-це иестэ Миронов тердезель служамо Важодицянь ды сокицянь-видицянь Якстере Армияв. 1936-це иестэ прядызе Томскоень артиллериянь училищанть, 1941-це иестэ —
М. В. Фрунзе лемсэ Военной академиянть^[1].

1941-це иень аштемковсто саезь — Ине Отечествань войнань фронтнэсэль^[2].
1942-це иень панжиковсто-медьковсто коштонь-десантонь 211-це бригадань миномётонь башка дивизиононь прявтокс улемстэ тюрсь немецень тылсэ Вязьма ошонть ало П. А. Белов генералонь ушмонть куросо^[3].

1945-це иень чадыковонтень Вениамин Миронов гвардиянь подполковникесь ульнесь прявтокс Белоруссиянь 1-це фронтонь танкань армиянь 2-це гвардиянь механизированной 1-це корпусонь стака артиллериянь самоходонь гвардиянь
34-це полксо. Пек вадрясто невтизе эсь прянзо Берлинэнь саемстэ. Мироновонь полкозо парсте сезизе немецень оборонанть Вайсензее Берлинэнь буесэ.
1945-це иень чадыковонь 21-це чистэ Миронов сонсь ветясь немецень оборонань опорань пунктонь саеманть, ранязель, ансяк прянзо эзизе максо. Истя полкось лиссь тюреме немецень прявтошонь куншкантень^[2].

1945-це иень панжиковонь 31-це чистэ СССР-нь Верховной Советэнь Президиумонь кармавтомасо «фронтсо немецень ятонть каршо виевчинь ды геройксчинь невтеманть ды прявттнэнь пельде аравтозь тевень топавтоманть кис» Вениамин Миронов гвардиянь подполковникентень максозель Советской Союзонь Героень покш лемесь, казезель Ленинэнь орденэсь ды 7369-це номерэнть марто «Сырнень Теште» медалесь^[2]^[4].

Войнань прядовомадо мейле Миронов поладызе служамонзо Советэнь Армиясо. 1955-це иестэ полковникень званиясо кучозель запасос. Эрясь ды важодсь Саран ошсо, ветясь общественной тевть. Кулось 1980-це иень умарьковонь 20-це чистэ, калмазь Сарансо^[2].

Теде башка казезель Якстере Знамянь колмо орденсэ, Отечествань войнань
1-це степенень орденсэ, Якстере Тештень колмо орденсэ ды зярыя медальсэ^[2].

Мироновонь лемсэ ули Саран ошсо куро^[2]^[5].

Вениамин Борисович Миронов Советэнь Союзонь Откеренть лемезэ максозь Саранонь 20-це гимназиянтень, косо сон зярыя кемень иеть тонавтсь военной тевтнень ветямосо ушодксонь анокстамонть.

Сёрмадовкст

Миронов В. Б. За счастье Родины. — Саранск, 1968.
Миронов В. Б. Стальная гвардия. — Саранск, 1971.
Миронов В. Б. Крылатый дивизион. — Саранск, 1973.
Миронов В. Б. Воспоминания о полковой школе. — Саранск, 1984.

Тешкставкст

↑ Миронов Вениамин Борисович
↑ ¹ ² ³ ⁴ ⁵ ⁶ Миронов, Вениамин Борисович (неопр.). «Масторонь маралят» вальмась.
↑ Ефимов Н. В тылу врага. // Военно-исторический журнал. — 1974. — № 3. — С. 117—118.
↑ Исполнилось 100 лет со дня рождения Героя Советского Союза В.Б. Миронова
↑ Подполковник Миронов сражался на семи фронтах и четверть века преподавал в саранской школе

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Герои огненных лет. — М.: Московский рабочий, 1984. — Кн. 7.

Ссылкат

[1] Миронов Вениамин Борисович

[wh-2] ¹ ² ³ ⁴ ⁵ ⁶ Миронов, Вениамин Борисович (неопр.). «Масторонь маралят» вальмась.

[3] Ефимов Н. В тылу врага. // Военно-исторический журнал. — 1974. — № 3. — С. 117—118.

[4] Исполнилось 100 лет со дня рождения Героя Советского Союза В.Б. Миронова

[5] Подполковник Миронов сражался на семи фронтах и четверть века преподавал в саранской школе

[1]

[2]

[3]

[4]

[5]