Митрошин, Василий Трофимович

Василий Трофимович Митрошин
Василий Трофимович Митрошин
Чачома чизэ	1921-це иень чадыковонь 7-це чи
Чачома тарказо	Селищи, Краснослободскоень уезд[d], Пензань губерния[d], РСФСР[d];
Кулома чизэ	1992-це иень чадыковонь 2-це чи (70 иеть)
Кулома тарказо	Грязи, Липецэнь ёнкс, Россиянь Федерация;
Масторозо	СССР
Кодамо ушмосо	авиация
Служамонь иетне	1939—1946
Званиязо
Тюремат/войнат	Ине Отечественной война;
	Василий Трофимович Митрошин

Васи́лий Трофи́мович Митро́шин (1921—1992) — Советэнь Армиянь полковник, Ине Отечествань войнасо улиця, Советэнь Союзонь Откерь (1944).

Эрямокизэ

Василий Митрошин чачсь 1921-це иень эйзюрковонь 7-це чистэ Селищи велесэ (ней — Мордовия Республикань Краснослободскоень буе). 1931-це иестэ саезь эрясь Ленинградсо, косо прядсь сисем классонь школа ды торговой ученичествань школа, теде мейле важодсь микшницякс^[1]. Тонавтнесь аэроклубсо. 1939-це иестэ Митрошин тердезель служамо Важодицянь ды сокицянь-видицянь Якстере Армияв. 1940-це иестэ прядызе Балашовонь военной авиациянь пилотонь школанть. 1941-це иень аштемковсто саезь — Ине Отечествань войнань фронтнэсэль^[2].

1943-це иень ожоковонтень Василий Митрошин гвардиянь капитанось ветясь прявтонь тевтнень СССР-нь Дальней действиянь авиациянь бомбардировкань авиакорпусонь 3-це гвардиянь бомбардировкань авиадивизиянь 7-це гвардиянь бомбардировкань авиаполконь бомбардировкань 9-це гвардиянь эскадрильясо. Се шкантень тейсь 232 ливтямот боевой техникань пурнамонь ды ломантнень лангс бомбардировкань ютавтомань, мейсэ кандсь ятонтень покш ёмавкст^[2].

1944-це иень эйзюрковонь 13-це чистэ СССР-нь Верховной Советэнь Президиумонть кармавтомасо «немецень ятонть каршо виевчинь ды откерьксчинь невтеманть ды аравтозь тевень топавтоманть кис» Василий Митрошин гвардиянь капитанонтень максозель Советэнь Союзонь Откерь покш лемесь, казезель Ленинэнь орденэсь ды «Сырнень Теште» медалесь^[2]^[3]^[4].

1946-це иестэ Митрошин полковникесь кучозель запасос. Эрясь ды важодсь Липецк ёнксонь Грязи ошсо. Чавовсь 1992-це иень чадыковонь 2-це чистэ поезд алов понгомадо мейле, калмазь Грязи ошсо^[2]^[5].

Казезель Ленинэнь кавто орденсэ, Якстере Знамянь, Александр Невскиень, Отечествань войнань 1-це степенень ордентнэсэ, зярыя медальсэ^[2].

Ланганзо свалшкань ледстнема

Митрошин Василий Трофимовичнень ледстнемань лаз теезель Краснослободск ошонь Изнямонь площадьсэ Ине Отечествань войнасо чавовозь ушмантнэнень алтазь мемориальной комплекссэнть. 2019-це иестэ те таркасонть аравтозель откеренть кеврунгозо.

Тешкставкст

Ccылкат

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Воробьёв В. П., Ефимов Н. В. Герои Советского Союза: справ. — СПб., 2010.

[1] В небе родной страны

[wh-2] ¹ ² ³ ⁴ ⁵ Митрошин, Василий Трофимович (неопр.). «Масторонь маралят» вальмась.

[3] Митрошин Василий Трофимович

[4] Выставка, посвящ`нная юбилейным датам Героев Советского Союза — Бобкова В.Н., Митрошина В.Т., Озёрина А.Н., Яксаргина В.В., Полных кавалеров ордена Славы – Мещерякова Н.И. и Федотова В.Г.

[5] В Грязях открыли мемориальную доску Герою Советского Союза

[1]

[2]

[3]

[4]

[5]