Михеев, Владимир Михайлович

Владимир Михайлович Михеев
Владимир Михайлович Михеев
Чачома чизэ	1915-це иень медьковонь 24-це чи
Чачома тарказо	Малые Манадыши, Ардатовскяй уездсь[d], Симбирской губерния[d], Россиянь империя;
Кулома чизэ	1986-це иень чадыковонь 19-це чи (70 иеть)
Кулома тарказо	Самар ош, РСФСР[d], СССР;
Масторозо	СССР
Кодамо ушмосо	Пехота[d]
Служамонь иетне	1937—1946
Званиязо
Тюремат/войнат	Хасанскяй тюрематне[d]; Ине Отечественной война;
	Владимир Михайлович Михеев

Влади́мир Миха́йлович Михе́ев (1915—1986) — Советэнь Армиянь майор, Ине Отечествань войнасо улиця, Советэнь Союзонь Откерь (1943).

Эрямокизэ

Чачсь 1915-це иень медьковонь 24-це чистэ Вишка Манадышка велесэ (ней — Мордовия Республикань Атяшевань буе). Прядсь ушодксонь школа.
1937-це—1940-це иетнестэ служась Важодемань ды сокицянь-видицянь Якстере Армиясо, ульнесь Хасан эрькенть вакссо тюрематнесэ^[1]. 1941-це иестэ одов тердезель армияс^[2]. Секе иестэнть прядсь политикань составонь курсат.
1942-це иень медьковсто саезь — Ине Отечествань войнань фронтнэсэль.
1943-це иень якшамковонтень Владимир Михеев лейтенантось ульнесь Юго-Западонь фронтонь 64-це армиянь стрелковой 29-це дивизиянь стрелковой
128-це полконь политикань пельксэнть коряс автоматчикень ротань прявтонь полавтыцякс. Пек парсте невтизе эсь прянзо Сталингадонь тюреманть шкасто^[3].

1943-це иень якшамковонь 10-це чистэ саезь 11-це чинь вестэнть Михеевень прявтсо разведкань курось понгсь Начко латконтень, ванстыця ушмантнэнь чавомадо мейле ёртнинзе гранатасо немецень модань кудотнень ды истя ванькскавтызе латконть ятонть эйстэ. Те макссь весе полконтень ютамс вете вайгельбеть икелев ды саемс Човаронь латконть. 1943-це иень якшамковонь
23-це—27-це читнестэ Михеевень прявтсо кемготово ломаньстэ разведкань курось саинзе кемгавксово кемекстазь кекшема таркатнень. Яжазельзь артиллериянь 4 орудият, чавозельть ятонь 165 ушмант ды офицерт, 277 ломанть саезельть полонс. Сеть тюрематнесэ Владимир Михеев тапась чувтосто ды модасто теезь колмо леднема таркат, чавсь 60 ушмант ды офицерт, 85 ломанть сайсь полонс^[3].

1943-це иень панжиковонь 18-це чистэ «Якстере Армиянь прявтонь ды рядовой составонтень Советэнь Союзонь Откерь лементь максомадо» СССР-нь Верховной Советэнь Президиумонь кармавтомасо «немецень ятонть каршо виевчинь ды откерьксчинь невтеманть ды аравтозь тевень топавтоманть кис» Владимир Михеев лейтенантонтень максозь Советэнь Союзонь Откерь покш лемесь, казевсь Ленинэнь орденэсь ды 881-це номерэнть ало «Сырнень Теште» медалесь^[3]^[4].

1946-це иестэ майоронь званиясо кучозель запасос.

Эрясь Куйбышевсэ, Советэнь партиянь школанть ды Куйбышевень тонавтыцянь институтонть прядомадо мейле важодсь СССР-нь Внутренней тевень министерствань органтнэсэ^[5]. Кулось 1986-це иень чадыковонь 19-це чистэ, калмазь Самарань Рубежной калмазырьсэ^[3].

Казнензэ

«Сырнень Теште» медаль (18.05.1943)^[6]
Ленинэнь орден (18.05.1943)^[6]
Якстере Знамянь орден (01.05.1943) (03.02.1943)^[6]
Якстере Знамянь орден (11.05.1945)^[6]
Якстере Тештень орден (12.08.1943)^[6]
Ине Отечествань войнань I-це степенень орден (06.04.1985)^[7]
«Сталинградонь оборонань кис» медаль (22.12.1942)^[6]
«Будапештэнь саемань кис» медаль (?)
«1941-це—1945-це иетнестэ Ине Отечествань войнасо Германиянть лангсо изнямонь кис» медаль (09.05.1945)^[6]

Ледстнема

Самарасо Ленинградонь куронь
1-це № кудосо В. М. Михеевень ледстнемга мемориальной лаз

Самарасо Ленинградонь куронь 1-це № кудосо, косо эрясь В. М. Михеев, аравтозь мемориальной лаз.
2017-це иень сундерьковонь 10-це чистэ Самарасо Лев Толстоень куронь
47-це кудосо панжозь Советэнь Союзонь Откертненень (косо В. М. Михеевгак) — Куйбышевень тонавтыцянь институтонь прядыцятненень мемориальной лаз.

Тешкставкст

↑ Михеев Владимир Михайлович
↑ Герои земли атяшевской
↑ ¹ ² ³ ⁴ Михеев, Владимир Михайлович (неопр.). «Масторонь маралят» вальмась.
↑ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 18 мая 1943 года // Ведомости Верховного Совета Союза Советских Социалистических Республик : газета. — 1943. — 25 Панжиковонь (№ 19 (225)). — С. 1.
↑ Михеев Владимир Михайлович
↑ ¹ ² ³ ⁴ ⁵ ⁶ ⁷ Наградная карта В. М. Михеева (неопр.). Дата обращения: 4 Даволковонь 2021. Архивировано 14 Чадыковонь 2010 года.
↑ Архивированная копия (неопр.). Дата обращения: 5 Медьковонь 2022. Архивировано 14 Чадыковонь 2010 года.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Сталинградская битва. Хроника, факты, люди.: 2 кн. — М.: ОЛМА-ПРЕСС, 2002.

Ссылкат

[1] Михеев Владимир Михайлович

[2] Герои земли атяшевской

[wh-3] ¹ ² ³ ⁴ Михеев, Владимир Михайлович (неопр.). «Масторонь маралят» вальмась.

[4] Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 18 мая 1943 года // Ведомости Верховного Совета Союза Советских Социалистических Республик : газета. — 1943. — 25 Панжиковонь (№ 19 (225)). — С. 1.

[5] Михеев Владимир Михайлович

[Награды-6] ¹ ² ³ ⁴ ⁵ ⁶ ⁷ Наградная карта В. М. Михеева (неопр.). Дата обращения: 4 Даволковонь 2021. Архивировано 14 Чадыковонь 2010 года.

[7] Архивированная копия (неопр.). Дата обращения: 5 Медьковонь 2022. Архивировано 14 Чадыковонь 2010 года.

[1]

[2]

[3]

[4]

[5]

[6]

[7]