Мордовиянь герб

Мордовия Республикань государственной герб
Гербенть ланга
Зярдо кемекстазь	1995-це иень эйзюрковонь 30-це чистэ
Ваксарось	Пшти юр марто французонь колмоужо
Гербенть авторось	Чикринёв Н.Д.

Мордо́виянь герб (руз. Герб Мордо́вии) — Мордовия Республикань (масторкодстонть ды гимнанть марто) государственной тешкс, конань 1995-це иень эйзюрковонь 30-це чистэ кемекстызе Мордовиянь Парламентэсь.

Гербенть ланга

Гербенть лангсо невтезь Саран республикань прявтошонь гербенть марто геральдикань ваксар, косо алов велявтозь колмо нал марто чииця якстере ривезесь ашти Мордовиянь масторкодстонь куншкасо.

Гербесь мазылгавтозь сырнень товзюропрясо ды сырнень сюлгамосо. Товзюропрятне невтить эрзятнень ды мокшотнень ёндо велень хозяйствантень вечкеманть, сюлгамось — те авань раськень мазылгавтомапель.

Товзюропрятне сюлмазь чопода-якстере, ашо ды чопода-сэнь тюссо (Мордовиянь масторкодстонь тюссо).

Сюлгамонть лангсо аштить раськень сисем тешкст, конат невтить республикань сисем ошт:

• Орданьбуе;
• Инсар;
• Ковылкина;
• Краснослободск;
• Рузаевка;
• Саран;
• Темников.

Гербень верце пельксэнть эйсэ ашти якстере тюсонь кавксо ужонь розетка (октаграмма) — прявт тешкс, чипаень тешкс.

Ссылкат

• Закон Республики Мордовия «О Государственном Гербе Республики Мордовия»
• Проект закона Республики Мордовия "О внесении изменений в Закон Республики Мордовия «О Государственном гербе Республики Мордовия»
• Герб Республики Мордовия
• «Геральдическое единство»
• Герб дня: Мордовия