Мордовиянь заповедник

Мордовиянь заповедник
Мордовиянь заповедник
Категория Пертьпельксэнь ванстомань раськеютконь вейсэндявкс — Ia (Пертьпельксэнь строгой резерват (Пертьпельксэнь государственной заповедник))
Прявт информация
Площадесь	32 148 гектарт
Пурнамонь-теемань шкась	Эйзюрковонь 5 чи 1936
Тевень ветиця вейсэндявксось	«Заповедной Мордовия» федеральной бюджетной государственной учреждения
Аштема тарказо
	54°49′16″ с. ш. 43°20′26″ в. д.HGЯO
Страна	Россия;
РФ-нь субъектэсь	Мордовия
Буесь	Темниковань буе
	zapoved-mordovia.ru
	Мордовиянь заповедник

Пётр Гермогенович Смидович лемсэ Мордовиянь пертьпельксэнь государственной заповедник — заповедник(ru), кона ашти Мордовия Республикань Темниковань буень Мокша леенть вить чиресэ, пичень-кузонь ды келей лопань виртнень ды вирень стептнень границасо.

Заповедникесь теезь-пурназь 1936-це иень эйзюрковонь 5-це чистэ. Кандтни Пётр Гермогенович Смидовичень лемензэ, кона пек ламо мель явсь масторсо пертьпельксэнь ванстомань кевкстематненень.

Заповедникень вейсэнь площадесь — 32 148 гектарт. Ванстомань площадень вейсэнь таркась — 6200 гектарт^[1].

Заповедникень тевтнень вети «Смольной» ды «П. Г. Смидович лемсэ Мордовиянь пертьпельксэнь государственной заповедникень вейсэндязь дирекция» федеральной бюджетной государственной учреждениясь («Заповедной Мордовия» ФГБУ-сь)^[2].

Заповедникень администрациясь ашти Пушта посёлкасо. Тоско ули Мордовиянь пертьпельксэнь государственной заповедникень пертьпельксэнь музей, косо пурназь флорань ды фаунань невтематне, фотонь снимамотне. Заповедникень прявтось — Александр Борисович Ручин биологиянь наукань докторось, доцентэсь^[3]^[4].

Климатось

Заповедникень аштема таркась кандови умеренной поясонь атлантико-континентальной ёнксонтень. Кельмевтеме шкась тесэ юты панжиковонь ушодкссто саезь таштамковс (120—135 чить). Невтезь сехте покш температурась 40 °C, сехте вишкинесь −48 °C. Ловонь вельвксось 50—60 сантиметрат. Иень перть осадкатнеде прыть малав 530 миллиметрат.

Модась ды рельефесь

Васняяк заповедниксэ ульнесть эрьва кодамо сэрень ниле парсте неявиця террасат, ансяк кувака шкань эрозиясь малав весень сынст валакавтынзе Мокша леень алов пандонь аволь покш вейке ёнов молиця равнинанть видьс. Террасатнень туртов улить модань зярыя типть: васенцесэнть — чернозёмт ды перегнойно-глеевой почват, омбоцесэнть ды колмоцесэнть — слабодерново-подзолистойть, нилецесэнть — ведьсэ кирдезь ацавиця сёвонев модань кварцонь човартнэсэ почват^[5].

Ведень ресурт

Заповедниксэ чудить зярыя вишка лейнеть (Пушта, Арга ды лият) ды чудикерькст. Лембе ды чивалгома ёнкссо улить малав комсь эрькеть, конат ветить Мокша леень лайментень (Инорки, Таратинское, Вальза, Пичёрки ды лият).

Чувтот-тикшеть

Заповедникень покш таркасо (96,6 %) аштить вирть, сех ламо пичень ды човорязь (куз, пой, пекше, раужо лепе), пичевиртне саить аволь покш тарка. Теде башка Мокша леень лаймесэ улить тумопулот ды черноольшаникть. Лугатне сех сеедьстэ вастневить лаймень, коське лугатнеде аламо.

Заповедникень касовкстнэ невтезь сосудистой 778 видэнь касовкссо, нупонень 77 видсэ, килейнупонень 136 видсэ, макромицетэнь 290 видсэ. Чуросто вастневиця касовкстнэнь ютксо: венерань котыне тикше, якстере пыльцеголовник, ведьпеште, вельмевтезь лунник.

Унжат-ракшат

Заповедниксэ улить ловсосо потиця 60 ракшань видт, калонь 32 видт, модань-ведень ракшань 10 видт, ёзныця ракшань 6 видт, нармунень 215 видт, насекомоень малав 1500 видт. Ванстовиця видтнэнь ютксо: чара, раужо сенксь, мия, сярдо ды лият.

Заповедникень унжатнеде (2020-це иень даннойтнень коряс) Coleoptera 88 кудораськестэ аштиця 2145 видт. Эйстэст ламотне кандовить Стафилинидэнь кудораськентень (9436 видт), Кувака судынень (282), Вень унжань (231) ды Лопа ярсыцянь (188). Кавксо видтнэ совавтозь Россиянь Якстере книгас. Ловови од таркасо эрямонь (интродукциянь) 31 вид, мезесь вейсэнь колеоптерофаунанть эйстэ невти 1,44 %^[6].

Ракшатнень од таркасо эрямост[витнемс | витнемс-петнемс лисьмапрянзо]

1930-це иетнестэ Мордовиянь заповедникесь тевс нолдтнезель кода масторонь Европань пелькссэ ракшань од видэнь эрямонь од тарка. 1937-це иестэ усксть 4 маралт, 1940-це иестэ — 5 маралт. 1944-це иентень эйстэдест кармасть 32. 1938-це иестэ ускозельть сёрмав сярдот. Се шкань иетнестэ сярдотнень ламолгавтомга ютавтневсь телень андома, макснесть сал, киртязель верьгизэнь ламочись^[7].

Пертьпельксэнь ванстома

Пертьпельксэнь ванстомань туризма[витнемс | витнемс-петнемс лисьмапрянзо]

«Тееведе содавиксэкс: Мордовиянь заповедник!» пертьпельксэнь ян

2013-це иень ацамковсто саезь Мордовиянь заповедникесь ловови Россиянь туристэнь операторокс, невти экскурсиянь ды содамочинь зярыя турт, конатнень ютксо вейкесь сюлмазь пертьпельксэнь ванстомань янтнэва якамонть марто. Теде башка заповедникень кордонтнэсэ мереви сиведемс инжень кудынеть^[8].

2010-це иестэ толонь палома[витнемс | витнемс-петнемс лисьмапрянзо]

2010-це иестэ пек пси кизэнть кис Мордовиянь заповедниксэ ульнесь толонь покш палома. Кирваземась яжась заповедниксэ вирень ды пертьпельксэнь лия объектэнь
12 тёжадо ламо гектарт, ловозь ёмавтомась лиссь — 383 миллионт целковойде аволь седе аламо. Паломадо мейле чувтотнень одов кастомась ютавтневи кузонь-пичень виртнесэ. Вере паломань 300 гектаронь площадень покшолмась савкшны 50-60 иень озавтозь пичетнень лангс, конат паломань икелень таркатнесэ озавтозельть
1950-1960-це иетнестэ. Чивалгома ёнкссо паломань теевемась сюлмазь антропогенной ёнксонть марто — Саров пекстазь ошонь периметранть эйстэ аволь васоло заповедниксэ муезель оймсема таркасо витезь толбандя. Чилисемань пелькссэ кирваземась лиссь «коське пурьгинеде» мейле. Куншка пельксэнь лембе ёно паломась совась чувтотнень коське кадовкстнэнь, лиякс меремс, кодозь паксятнень ёндо, конат кирвазсть торфяниктнень эйстэ.

2021-це иестэ толонь палома[витнемс | витнемс-петнемс лисьмапрянзо]

2021-це иень умарьковонь 3-це чистэ коське пурьгинень вачкодемадо мейле Саров пекстазь ошонть эйстэ аволь васоло кирвазсть торфяниктне^[9].

Тешкставкст

↑ Статья о заповеднике (руз.). oopt.info. Дата обращения: 12 Панжиковонь 2008. Архивировано 12 Панжиковонь 2008 года. Информационно-справочная система «Особо охраняемые природные территории России»
↑ Общие сведения (руз.). Сайт «Заповедная Мордовия». Дата обращения: 10 Якшамковонь 2019. Архивировано 10 Якшамковонь 2019 года.
↑ У директора «Заповедной Мордовии» Александра Ручина появилась именная муха!
↑ «Ну вот зачем лезть туда, где законы запрещают?!»
↑ Особо охраняемые природные территории Мордовии (Под общей редакцией В. И. Астрадамова): Монография. — Саранск: Мордовское книжное издательство, 1997.
↑ Egorov L. V., Ruchin A. B., Semenov V. B., Semionenkov O. I., Semishin G. B. Checklist of the Coleoptera of Mordovia State Nature Reserve, Russia // ZooKeys : Журнал. — Sofia: Pensoft Publishers, 2020. — Vol. 962. — P. 13—122. — ISSN 1313-2970. — doi:10.3897/zookeys.962.54477.
↑ Олигер И. М. Мордовский заповедник имени П. Г. Смидовича. // Заповедники СССР. Т. 1, М.: Географгиз. 1951, с. 193—200.
↑ Экологический туризм (руз.). Сайт «Заповедная Мордовия». Дата обращения: 10 Якшамковонь 2019. Архивировано 10 Якшамковонь 2019 года.
↑ Пожар в Мордовском заповеднике перешел на территорию Сарова (руз.). РИА Новости (20210807T1525). Дата обращения: 8 Умарьковонь 2021. Архивировано 7 Умарьковонь 2021 года.

Литература

Васильев Н. Г., Горин Д. А., Рашек В. Л. и др. Заповедники СССР: Справочник / под ред. Бородина А. М. и Сыроечковского Е. Е. — 2-е изд., перераб. и доп.. — М.: Лесн. пром-сть, 1983. — С. 75—76. — 248 с.
И. С. Терешкин, Н. Н. Соколова, А. М. Шалыбков. Мордовский заповедник // Заповедники европейской части РСФСР. II / Под ред. В. В. Соколова, Е. Е. Сыроечковского. — М.: Мысль, 1989. — С. 76—95.

Ссылкат

Информация о заповеднике. Официальный сайт заповедника (руз.). Архивировано из оригинала 17 Аштемковонь 2011 года.
Полная цифровая копия гербария заповедника (руз.). Архивировано из оригинала 14 Сундерьковонь 2012 года.
Карта заповедника (руз.). zapoved-mordovia.ru. Дата обращения: 7 Ожоковонь 2022.
В национальном парке Смольный прошел зимний фестиваль «Глухомань фест»
Заповедная Мордовия: Мордовский государственный заповедник им. Петра Гермогеновича Смидовича
Мордовский заповедник
Что может предложить туристам старейший заповедник Мордовии
В Мордовии с размахом прошёл фестиваль народных промыслов «Вирень — арт»
Мордовский заповедник провёл гастрофестиваль «Пятнистый Фест»
В Мордовском заповеднике стало больше лосей
Од иень оймсема читне туить весень мельс

[1] Статья о заповеднике (руз.). oopt.info. Дата обращения: 12 Панжиковонь 2008. Архивировано 12 Панжиковонь 2008 года. Информационно-справочная система «Особо охраняемые природные территории России»

[2] Общие сведения (руз.). Сайт «Заповедная Мордовия». Дата обращения: 10 Якшамковонь 2019. Архивировано 10 Якшамковонь 2019 года.

[3] У директора «Заповедной Мордовии» Александра Ручина появилась именная муха!

[4] «Ну вот зачем лезть туда, где законы запрещают?!»

[5] Особо охраняемые природные территории Мордовии (Под общей редакцией В. И. Астрадамова): Монография. — Саранск: Мордовское книжное издательство, 1997.

[Egorov2020-6] Egorov L. V., Ruchin A. B., Semenov V. B., Semionenkov O. I., Semishin G. B. Checklist of the Coleoptera of Mordovia State Nature Reserve, Russia // ZooKeys : Журнал. — Sofia: Pensoft Publishers, 2020. — Vol. 962. — P. 13—122. — ISSN 1313-2970. — doi:10.3897/zookeys.962.54477.

[oliger-7] Олигер И. М. Мордовский заповедник имени П. Г. Смидовича. // Заповедники СССР. Т. 1, М.: Географгиз. 1951, с. 193—200.

[8] Экологический туризм (руз.). Сайт «Заповедная Мордовия». Дата обращения: 10 Якшамковонь 2019. Архивировано 10 Якшамковонь 2019 года.

[9] Пожар в Мордовском заповеднике перешел на территорию Сарова (руз.). РИА Новости (20210807T1525). Дата обращения: 8 Умарьковонь 2021. Архивировано 7 Умарьковонь 2021 года.

[1]

[2]

[3]

[4]

[5]

[6]

[7]

[8]

[9]