Мотин, Иван Никитович
| Иван Никитович Мотин | |||
|---|---|---|---|
 | |||
| Чачома чизэ | 1917-це иень якшамковонь 17-це чи | ||
| Чачома тарказо | Тазина веле, Ардатовань уезд, Россиянь империя | ||
| Кулома чизэ | 1962-це иень панжиковонь 13-це чи (45 иеть) | ||
| Кулома тарказо | |||
| Масторозо |
 СССР |
||
| Кодамо ушмосо | Пехота[d] | ||
| Служамонь иетне | 1941—1945 | ||
| Званиязо |
 |
||
| Тюремат/войнат | |||
| Казнеть ды премият |
|
||
Ива́н Ники́тович Мо́тин (1917—1962) — Важодицянь ды сокицянь-видицянь Якстере Армиянь старшина, Ине Отечествань войнасо улиця, Советэнь Союзонь Откерь (1944).
Эрямокизэ
Чачсь 1917-це иень якшамковонь 17-це чистэ Тазина велесэ (ней — Мордовия Республикань Покш Березникень буе). Прядсь средней аволь пешксе школа. Армияв туемадо икеле эрясь Нижней Тагилсэ, важодсь Уралвагонзаводсо[1][2].
1941-це иень медьковсто Мотин тердезель Важодемань ды сокицянь-видицянь Якстере Армияв. Тюрематнесэ ульнесь ранязь[3].
1944-це иень аштемковонтень Иван Мотин гвардиянь старшинась ульнесь Прибалтикань 1-це фронтонь гвардиянь 6-це армиянь гвардиянь стрелковонь
71-це дивизиянь гвардиянь стрелковой 219-це пулемётной расчётонь прявтсо. Пек парсте невтизе эсь прянзо Белорусень ССР-нь Витебск ёнксонь олякстомтомасо. 1944-це иень аштемковонь 25-це чистэ Мотинэнь расчётозо сех васенцетнень ютксто ютась Бешенковичень буень Дворище велень малава Западонь Двинань пачк ды пек виевстэ тюрсь плацдармонь саемасо ды леенть чивалгомань чиресэ, кирдевсь прявт вийтнень самонтень[4][3].
1944-це иень медьковонь 22-це чистэ СССР-нь Верховной Советэнь Президиумонь кармавтомасо «немецень ятонть каршо виевчинь ды откерьксчинь невтеманть ды аравтозь тевень топавтоманть кис» Иван Мотин гвардиянь старшинантень максозель Советэнь Союзонь Откерь покш лемесь, казезель Ленинэнь орденсэ ды 3856-це номерэнть ало «Сырнень Теште» медальсэ[3].
Войнадо мейле ульнесь демобилизовазь. Васня эрясь ды важодсь Нижней Тагилсэ, мейле Тазинасо. Кулось 1962-це иень панжиковонь 13-це чистэ, калмазь Тазинасо[3][5].
Теде башка казезель зярыя медальсэ[3].
Мотинэнь лемсэ Тазинасо ды Нижней Тагилсэ лемдязельть курот[3].
Тешкставкст
Ссылкат
- «К 100-летию со дня рождения Героя Советского Союза-Мотина И.Н.»
- Мотин Иван Никитич- герой Советского союза
- Выписки из личных и наградных дел Героев Советского Союза, уроженцев Мордовии. Мотин Иван Никитович. 13 июля 1944 г.
- 55 лет назад, по решению горисполкома в Нижнем Тагиле были переименованы улицы в честь Героев Советского Союза
- Исследовательская работа «Что в имени твоём?»
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.