Новгородова, Мария Александровна

Новгородова Мария Александровна
Новгородова Мария Александровна
Чачома чизэ	1966-це иень сундерьковонь 21-це чи (59 иеть)
Чачома тарказо	Дюрькина, Атяшевань буе, Мордовиянь Автономной Советской Социалистической Республика[d], РСФСР[d], СССР;
Масторозо	СССР; Россиянь Федерация;
Важодемазо	кудазорава
Мирдезэ	Новгородов Сергей Валерьевич
Эйкакшонзо	10

Мари́я Алекса́ндровна Новгоро́дова (1966-це иень сундерьковонь 21-це чи, Дюрькина, Мордовиянь Автономной Советской Социалистической Республика^[d]) — ламо эйкакшонь ава, 2024-це иестэ Россиянь Федерациянь Президентэнь кармавтомасо тензэ максозель «Ава-героиня» лемесь^[1].

Эрямокизэ

Мария Новгородова чачсь Мордовия Республикань Атяшевань буень Дюрькина велесэ. 24 иесэ авась ормалгадсь, тетятне-аватне ускизь причастямо Саран ошов Иневанькс Богородицань Успениянь церьковав. Храмсо сыцянть марто теевсь содавиксэкс Иван Генералов священнослужителенть кудораськезэ. Генераловтне ёвтасть мель саемс Мариянь эсест кудораськес ды лездамс мейсэ эряви. Тетятне-аватне паро валост ёвтамодо мейле авась кадовсь эрямо Сарансо. Курок шумбрачись кармась вадрялгадомо. Косо-бути секе шкастонть храмов кармась яксеме сыця шкань мирдезэ, Сергей Валерьевич Новгородов, монастыртнева ламо якамодо мейле. Сергей чачсь Уфа ошсо, эйкакшпингензэ ды од шканзо ютавтызе Тольяттисэ, теде мейле сась Мордовияв. Сарансо сынь теевсть содавиксэкс, ютавтсть урьвакстома-мирденень лисема ды венчамо.

2024-це иентень Мариянь ды Сергеень ульнесть 10 эйкакшост: вете тейтерть ды вете цёрат. Мария матушкась вети кудонь тевть (руз.) (эрз. ды моры храмсо клироссо. Сергей — пазнэнь озныця^[2]^[3]^[4].

Эйкакшонзо

2024-це иес Иван покш цёразо военной службань ютамодо мейле тонавтнесь вузсо ды кармась эрямо Москов ошсо, косо кондиционерэнь путомань коряс панжсь эсензэ бизнес. Ксения, Ольга, Людмила ды Александра тейтертне прядызь музыкальной школанть-интернатонть ды Л. П. Кирюков лемсэ Саранскоень музыкань училищанть. Ксениянь эсензэ кудораськезэ, ули Виктория тейтерезэ. Ольга эри Крымсэ. Людмила ютась эрямо Московов ды тешкстась Россиянь Федерациянь оборонань министерстванть (руз.) (эрз. марто контракт. Служи Преображенской коммендантской 154-це башка полконь духовной оркестрасо. Александраяк Московсо, косо касты кондитерэнь тевень бизнес. Серафим цёрась — М. Е. Евсевьев лемсэ Мордовиянь тонавтыцянь государственной университетэнь тонавтниця. Екатерина лиссь мирденень ды касты цёра. Николай тонавтни колледжсэ, Валерий ды Семён — школасо^[4].

Награданзо

2024-це иень таштамковонь 18-це чистэ В. В. Путин Россиянь Федерациянь Президентэсь «Кудораськень институтонь ды эйкакшонь кастомань кемекстамосо покш теевкстнэнь кис» формулировканть коряс макссь Мария Новгородованень «Ава-героиня» (руз.) (эрз. покш лем. Казнесь невти бриллиант ды эмалированной герб марто сырнень теште; сон марто максови 1 миллион целковойсэ премия.

Тешкставкст

↑ Указ Президента Российской Федерации от 18.09.2024 № 800 ∙ Официальное опубликование правовых актов ∙ Официальный интернет-портал правовой информации (руз.). publication.pravo.gov.ru. Дата обращения: 29 Таштамковонь 2025.
↑ Александра Смирнова. Путин присвоил почетные звания матушке и двум машиностроителям из Мордовии (руз.). МордовМедиа (24 Таштамковонь 2024). Дата обращения: 29 Таштамковонь 2025.
↑ Ирина Суконкина. Мария Новгородова — мать-героиня! (руз.). ntm13.ru (26 Таштамковонь 2024). Дата обращения: 29 Таштамковонь 2025.
↑ ¹ ² Андрей Владиславлев. «Детей надо воспитывать так, чтобы они полюбили все чистое, светлое, доброе» (руз.). saransk.sm.news (18 Ожоковонь 2024). Дата обращения: 29 Таштамковонь 2025.

Ссылкат

[1] Указ Президента Российской Федерации от 18.09.2024 № 800 ∙ Официальное опубликование правовых актов ∙ Официальный интернет-портал правовой информации (руз.). publication.pravo.gov.ru. Дата обращения: 29 Таштамковонь 2025.

[2] Александра Смирнова. Путин присвоил почетные звания матушке и двум машиностроителям из Мордовии (руз.). МордовМедиа (24 Таштамковонь 2024). Дата обращения: 29 Таштамковонь 2025.

[3] Ирина Суконкина. Мария Новгородова — мать-героиня! (руз.). ntm13.ru (26 Таштамковонь 2024). Дата обращения: 29 Таштамковонь 2025.

[автоссылка-4] ¹ ² Андрей Владиславлев. «Детей надо воспитывать так, чтобы они полюбили все чистое, светлое, доброе» (руз.). saransk.sm.news (18 Ожоковонь 2024). Дата обращения: 29 Таштамковонь 2025.

[1]

[2]

[3]

[4]