Исайкина, Ольга Петровна

Исайкина Ольга Петровна
Исайкина Ольга Петровна
Чачома чизэ	1974-це иень якшамковонь 31-це чи (52 иеть)
Чачома тарказо	Утёвка[d], Нефтегорскоень буе, Самара ёнкс, РСФСР[d], СССР;
Масторозо	СССР; Россиянь Федерация;
Важодемазо	тонавтыця, кудазорава, кедьчелькев ломань
Эйкакшонзо	10

О́льга Петро́вна Иса́йкина (1974-це иень якшамковонь 31-це чи, Утёвка^[d], Самара ёнкс) — ламо эйкакшонь ава, 2023-це иестэ Россиянь Федерациянь Президентэнь кармавтомасо тензэ максозель «Ава-героиня» лемесь^[1].

Эрямокизэ

Ольга Исайкина чачсь 1974-це иень якшамковонь 31-це чистэ Самара ёнксонь Нефгорскоень буень Утёвка (руз.) (эрз. велесэ. Школадо мейле «Филология. Англань кель ды педагогика» специальностенть коряс кармась тонавтнеме М. Е. Евсевьев лемсэ тонавтыцянь государственной институтсо (ней — университет) ды прядызе якстере диплом марто.

Васня важодсь лаборантокс кафедрасо, мейле тоско тонавтыцякс.

1997-це иестэ лиссь мирдененень, кармась кудазоравакс. Касты эйкакшт ды вечки стамо-викшнеме.

Александр Васильевич Исайкин мирдезэ важоди строямонь (руз.) (эрз. сферасо витницякс-петницякс.

2018-це иес Исайкинтнэнь кудораськесь эрясь Саран ошсо, седе тов кармась эрямо эсензэ кудосо Мордовия Республикань Лямбирень буень Берсеневка велесэ.

Кудораськесь вети шумбра эрямо, лезды велень мероприятиятнень ютавтнемасо^[2]^[3].

Эйкакшонзо

Исайкинтнэ кастыть 10 эйкакшт — кото тейтерть ды ниле цёрат.

Сынст кудораськесэ кемень ломантнень эйстэ кавксотне явить покш мель седямонтень.

Виктор ды Пётр — Л. П. Кирюков лемсэ Саранскоень музыкань училищань струнно-смычковой отделениянь тонавтницят, теде башка сынь музыкань Весе Россиянь ды Раськеютконь пелькстамонь лауреатт. Пётрнэнь вечкеви конструированиянь тевеськак. 2024-це иестэ Артём Здунов Мордовиянь Прявтось казсь сыненст кайгат.

Анна покш тейтересь — предприниматель, лезды аванстэнь кедьчелькевень тевсэ. Наталья ды Ирина лия тейтертне — «Лецямонь тев» Н. П. Огарёв лемсэ Мордовиянь государственной университетэнь Медицинань институтонь тонавтницят. Наталья — вузсо ютавтневиця наукань конференциятнесэ улиця, арси улемс эндокринологокс.

Ольга, Екатерина, Николай, Илья ды Валентина — Берсеневкань средней общеобразовательной школань тонавтницят. Невтнить содамочист олимпиадатнесэ ды школань тевтнесэ, явить мель музыкантень.

Ольга невтни содамочинзэ школань предметтнэнь коряс эрьва кодат олимпиадатнесэ, историянь коряс школасо тонавтницятнень ютксо Весе Россиянь олимпиадань муниципальной пельксэнь изниця, обществознаниянь коряс призёр, историянь коряс Весе Россиянь олимпиадань республикань пельксэнть участник. Екатеринанень парсте максовить виде наукатне, конатнень ютксо математикась ды информатикась, невтни содамочинзэ школань тевтнесэ, тонавтни седямо кайгасо^[2]^[4]^[3].

Награданзо

2023-це иень тельня В. В. Путин Россиянь Федерациянь Президентэсь «Кудораськень институтонь ды эйкакшонь кастомань покш теевкстнэнь кис» формулировканть коряс казизе Ольга Исайкинань «Ава-героиня» (руз.) (эрз. покш лемсэ. 2022-це иестэ Россиянь Президентэсь тешкстась кармавтома, конань кармась максомо «Ава-героиня» лементь Россиянь аватнень туртов, конат кастыть кемень эйкакшсто саезь. Казнесь невти бриллиант ды масторонь эмалированной герб марто сырнень теште; сонзэ марто максови 1 миллион целковойть ярмаконь премия. Истямо лем ульнесь Советской Союзсо 47 иеть; сон максозель 430 000 ламо аватненень.

Зярдо карминь содамо монень покш лементь максомадо, кенярксонть эйстэ куватьс эзинь са эсень ёжос. Ули мелемс ёвтамс сюкпря минек Президентэнтень Россиянь кудораськетненень, ламо эйкакшонь кудораськетненень мелень явоманть кис ды ламонь туртов минек анеявикс важодеманть кис. Мон кеман, эйкакшонь кастомасо салавачись — вечкемасо, парочисэ ды чарькодемасо. Ды теке марто а эряви стувтнемс эсь прянь трямонть-кастоманть ланга. Улемс тетякс-авакс — покш тев! Ансяк авась ды тетясь путыть эйкакшонь кастомантень покш юр. Эйкакштне весементь саить теке губка, секскак ансяк эсеть невтемасо мереви путомс паро мельть, важодемантень мелень кепетема, ломантненень арнема, Масторонтень вечкема ды лия мезе. Мон свал кортан эсень цёратненень ды тейтертненень, эрямосонть эрси ламо мезе, ансяк эрьва мейсэ эряви ветямс прянть паро ломанекс. Монь ды мирденть туртов эйкакштне — покш уцяска. Бажатано путомс эйзэст сехте вадрянть, аравтомс сынст виде ки лангс ды теемс весементь, мезесь эряви минек пельде.
— Ольга Исайкина^[5].

Тешкставкст

↑ Указ Президента Российской Федерации от 04.09.2023 № 651 ∙ Официальное опубликование правовых актов ∙ Официальный интернет-портал правовой информации (руз.). publication.pravo.gov.ru (14 Сундерьковонь 2022). Дата обращения: 24 Таштамковонь 2025.
↑ ¹ ² Многодетной маме из Мордовии Ольге Исайкиной присвоено звание Мать-героиня (руз.). www.infomordovia.ru (5 Таштамковонь 2023). Дата обращения: 24 Таштамковонь 2025.
↑ ¹ ² Наталья Крылова. Владимир Путин присвоил жительнице Мордовии звание «Мать-героиня» (руз.). Известия Мордовии (5 Таштамковонь 2023). Дата обращения: 24 Таштамковонь 2025.
↑ Юлия Кондратьева. Глава Мордовии подарил скрипки детям из многодетной семьи Исайкиных (руз.). ГТРК «Мордовия». Дата обращения: 24 Таштамковонь 2025.
↑ Официальный портал органов государственной власти Республики Мордовия. Владимир Путин присвоил звание «Мать-героиня» жительнице Мордовии (руз.). e-mordovia.ru (5 Таштамковонь 2023). Дата обращения: 24 Таштамковонь 2025.

Ссылкат

[1] Указ Президента Российской Федерации от 04.09.2023 № 651 ∙ Официальное опубликование правовых актов ∙ Официальный интернет-портал правовой информации (руз.). publication.pravo.gov.ru (14 Сундерьковонь 2022). Дата обращения: 24 Таштамковонь 2025.

[автоссылка1-2] ¹ ² Многодетной маме из Мордовии Ольге Исайкиной присвоено звание Мать-героиня (руз.). www.infomordovia.ru (5 Таштамковонь 2023). Дата обращения: 24 Таштамковонь 2025.

[автоссылка2-3] ¹ ² Наталья Крылова. Владимир Путин присвоил жительнице Мордовии звание «Мать-героиня» (руз.). Известия Мордовии (5 Таштамковонь 2023). Дата обращения: 24 Таштамковонь 2025.

[4] Юлия Кондратьева. Глава Мордовии подарил скрипки детям из многодетной семьи Исайкиных (руз.). ГТРК «Мордовия». Дата обращения: 24 Таштамковонь 2025.

[5] Официальный портал органов государственной власти Республики Мордовия. Владимир Путин присвоил звание «Мать-героиня» жительнице Мордовии (руз.). e-mordovia.ru (5 Таштамковонь 2023). Дата обращения: 24 Таштамковонь 2025.

[1]

[2]

[3]

[4]

[5]