Озерин, Алексей Николаевич
| Алексей Николаевич Озерин | ||||
|---|---|---|---|---|
 | ||||
| Чачома чизэ |
1924-це иень чадыковонь 8-це чи |
|||
| Чачома тарказо |
Кочкуровань буень Дурасова веле |
|||
| Кулома чизэ | 1944-це иень якшамковонь 13-це чи | |||
| Кулома тарказо | Калинковичи ош | |||
| Масторозо |
 СССР |
|||
| Кодамо ушмосо | Пехота[d] | |||
| Служамонь иетне | 1942—1944-це | |||
| Званиязо | сержант | |||
| Частезэ |
гвардиянь леднемань 237-це полк |
|||
| Тюремат/войнат | ||||
| Казнеть ды премият |
|
|||
Алексей Николаевич Озерин (1924-це иень чадыковонь 8-це чи, Дурасова веле, Пензань губерния — 1944-це иень якшамковонь 13-це чи, Калинковичи ош, Полесск ёнкс) — Советэнь ушман, Ине Отечественной войнасо улиця, Советской Союзонь Герой, гвардиянь ледстнемань 237-це полконь отделениянь прявт (гвардиянь ледстнемань 76-це дивизия, 61-це армия, Центральной фронт), гвардиянь сержант.
Эрямокизэ
Чачсь 1924-це иень чадыковонь 8-це чистэ Дурасова велесэ (ней — Мордовия Республикань Кочкуровань буе) важодицянь кудораськесэ. Руз.
1927-це иестэ саезь эрясь Иванова ёнксонь Вичуга ошсо Колхозонь куросо, кудось 9/10. 13-це № средней школань прядомадо мейле важось слесарекс Н. Р. Шагов лемсэ фабрикасо[1].
1942-це иень умарьковсто саезель Важодицянь ды сокицянь-видицянь Якстере Армияв. Фронтсо 1943-це иень таштамковсто саезь.
Парсте невтизе прянзо Днепра леень саеманть кис тюрематнесэ. 1943-це иень таштамковонь 28-це чинь вестэнть Озерин сержантось ушманонь группанть марто кедь ало улиця лездамопельтнень вельде ютызе Днепранть Мысы веленть маласо (Чернигов ёнксонь Репкинэнь буе), панизе ятонть чувозь окопсто, мезесь лездась ютамс леенть пачк полконь лия подразделениятненень[2].
Чавовсь 1944-це иень якшамковонь 13-це чистэ Белоруссиясо Калинковичи ошонть кис тюремасо.
Калмазь Калинковичи ошсо (ней — Гомель ёнкс)[3].
Казнензэ
- 1944-це иень якшамковонь 15-це чистэ «Якстере Армиянь генералтнэнень, офицерэнь, сержантонь ды рядовой составонтень Советской Союзонь Героень лементь максомадо» СССР-нь Верховной Советэнь Президиумонь кармавтомасо «Днепра леенть саемстэ прявттнэнь пельде кармавтоматнень парсте топавтомань ды тень пингстэ невтезь виевчинь ды геройксчинь кис» Озерин Алексей Николаевич гвардиянь сержантонтень куломадо мейле максозь Советской Союзонь Героень лемесь[4].
- Казезь Ленинэнь орденсэ, «Отвагань кис» медальсэ.
Ледстнема
- Вичуга ды Калинковичи оштнесэ Героенть лемензэ кандтнить куротне, Вичугасо лемензэ кандтни 13-це № школась.
- Калинковичи ошсо аравтозь обеслиск ды ледстнемань лаз.
- Московсо Поклонной пандонть лангсо СССР-нь Вооружённой Виень центральной музейсэ ванстови А. Н. Озерин сержантонь ды автоматчикень отделениянь прявтонь, ротань комсомолонь организаторонь комсомолонь билетэзэ.
- Гомель ёнксонь Калинковичи ошонь 6-це № школань пионерэнь дружинась кандтни Алексей Озеринэнь лемензэ.
Тешкставкст
- ↑ Краеведческий проект «Созвездие Героев»: Озерин Алексей Николаевич
- ↑ К 100-летию со дня рождения Героя Советского Союза Озерина Алексея Николаевича (08.04.1924 - 13.01.1944)
- ↑ Алексей Николаевич Озерин
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 Якшамковонь (№ 4 (264)). — С. 1.
Литература
- Акулов П. Подвиг Алексея Озерина // Рабочий край. — 1980. — 23 февр.
- Борисов Н. Растут патриоты на земле Белорусской // Воен.-ист. журн. — 1971. — № 11. — С. 101—105.
- Горб М. Г. Страну заслоняет собой. — М.: Воениздат, 1976. — С. 172, 174, 175.
- Иванов А. Мужественный сын Отчизны // Рабочий край. — 1980. — 11 нояб.