Пожарский, Иван Алексеевич

Иван Алексеевич Пожарский
Чачома чизэ	1905-це иень медьковонь 27-це чи
Чачома тарказо	Орданьбуе ош, Симбирской губерния, Россиянь империя
Кулома чизэ	1938-це иень умарьковонь 7-це чи
Кулома тарказо	Хасан эрькенть маласо, Приморской край, СССР
Масторозо	СССР СССР
Кодамо ушмосо	стрелковой ушмот
Служамонь иетне	1928—1938-це
Званиязо
Частезэ	стрелковой 40-це дивизиянь разведывательной отдельной 5-це батальон
Тюремат/войнат	Хасанонь тюремат
Казнеть ды премият
Иван Алексеевич Пожарский

Ива́н Алексе́евич Пожа́рский (1905—1938) — Советэнь Союзонь Откерь, стрелковой 40-це дивизиянь разведывательной отдельной 5-це батальононь военной комиссар.

Эрямокизэ

Чачсь 1905-це иень умарьковонь 27-це чистэ Симбирской губерниянь Орданьбуе уездной ошсо (ней Мордовия Республикань Ардатовань буе) важодицянь кудораськесэ. Руз.

1925-це иестэ прядызе Ульяновскоень профтехшколанть. Армияс тердемадо икеле ульнесь волостень комсомолонь комитетэнь секретарекс, уездэнь комитетс совицякс ды сонзэ пинстэ ревизиянь комиссиянь прявтокс, кочкавкшнось Ардатовань Ошонь Советэнь депутатокс. 1926-це иестэ саезь — Коммунистэнь Весе Союзонь (большевикень) партияс (ВКП (б-с)) совиця.

Якстере Армиясо 1928-це иестэ саезь. Ушманонь служамонть ушодызе Новосибирск ошсо. Ютась анокстамо политикань важодицянь курсасо. Кармась кавалериянь частень партийной бюронь секретарекс, седе тов эскадрононь комиссарокс. Теде мейле служась поликань важодицякс Дальней Востоконь пограничной ушмотнесэ. Тиринь масторонь ванстомасо кемечинть кис казезель Якстере Тештень орденсэ.

1937-це иень умарьковсто И. А. Пожарский прядынзе В. И. Ленин лемсэ Военно-политической академиянть пингстэ политикань составонь коряс содамочинь кастомань курсатнень.

Служась Дальней Востоксо. 1938-це иень кизна ульнесь Хасан эрькенть маласо тюрематнесэ. А. Ф. Ласкин стрелковой дивизиянь разведывательной
40-це батальононь прявтонть марто вейсэ япониянсетнень кемекстазь таркаст лангс эртевемань шкасто ветясь батальононь прявтонь тевтнень. Каявомсто батальонось яжизе ятонь ванстомань тарканзо, ансяк теде мейле ятонть пельде виев леднемась кармавтынзе весень мадеме. И. А. Пожарский тагояк кепетинзе ушмантнэнь каявомас. Ранявоманть лангс апак вано мольсь лепштицятнень ютксо васенце рядтнэсэ, тюремань стака шкасто кепетинзе ушмантнэнь омбоцеде. Колмоце каявомань ушодовомадо мейле кадовсь стройсэ омбоце ранявоманть лангс апак вано, кона кармась куловтыцякс. 1938-це иень умарьковонь 7-це чистэ чавовсь тюремань паксясо Заозёрной кувсипандонь (сопкань) саемстэ.

Ледстнема

Иван Пожарскиень лемсэ лемдязельть Приморской крайсэ Пожарской буесь, Пожарской велесь, Пожарской совхозось, Пожарской разъездэсь, Владивостоксо, Пермьсэ, Ульяновскойсэ, Дзержинскойсэ (Обран ёнкс), Орданьбуесэ куротне. Орданьбуе ошсо сонензэ стявтозь обелиск, лемезэ максозь Ардатовань аграрной техникумонтень.

Иван Пожарскийнень алтазь «Пожарский комиссардо моро» («Песня о комиссаре Пожарском») (музыкась К. Листовонь, валтнэ В. Гусевень).

Казнеть ды званият

• Советэнь Союзонь Откерь — максозь куломадо мейле 1938-це иень ожоковонь 25-це чистэ
• Ленинэнь орден
• Якстере Тештень орден

Тешкставкст

Литература

• Нюнько А. П. Песня о капитане Пожарском // Легендарная, непобедимая. / сб., сост. А. П. Нюнько, Л. В. Стариков, А. И. Чусовитина. — М.: ДОСААФ, 1968.

Ссылкат

• Иван Алексеевич Пожарский
• Подвиг комиссара И. А. Пожарского
• Памяти Героя Советского Союза, уроженца Республики Мордовия Ивана Алексеевича Пожарского посвящается…
• Пожарский Иван Алексеевич
• Бессмертный подвиг комиссара
• Выписки из личных и наградных дел Героев Советского Союза, уроженцев Мордовии. Пожарский Иван Алексеевич
• Пожарского ул. (1953)