Пряхин, Иван Савельевич

Иван Савельевич Пряхин
Иван Савельевич Пряхин
Чачома чизэ	1922-це иень ацамковонь 30-це чи
Чачома тарказо	Шокш (Теньгушбуе), Темниковань уезд[d], Тамбовонь губерния[d];
Кулома чизэ	1983-це иень аштемковонь 13-це чи (60 иеть)
Кулома тарказо	Олодимэр ош, РСФСР[d], СССР;
Масторозо	СССР
Кодамо ушмосо	Пехота[d]
Служамонь иетне	1942—1946
Званиязо	лейтенант
Частезэ	520-це стрелоконь полк 167-це стрелоконь дивизия
Тюремат/войнат	Ине Отечественной война;

Иван Савельевич Пряхин (1922—1983) — советской военной. Ине Отечественной войнасо улиця. Советской Союзонь Герой (1943). Лейтенант.

Эрямо кизэ

Иван Савельевич Пряхин чачсь 1922-це иень ацамковонь 30-це чистэ РСФСР-нь СССР-нь Тамбовонь губерниянь Темниковань уездэнь Шокша велесэ (ней Российской Федерациянь Мордовия Республикань Теньгушевань буень Шокша веле) сокицянь-видицянь семиясо. Шокша. Прядсь ушодксонь школа. Важодсь велень хозяйствасо. 1938-це иестэ Иван Савельевич тусь эрямо Иванова ёнксонь Ковров ошов. Важодсь модань чувицякс Ковровской стройконторасо Ивановань строительной трестсэ, ки лангсо важодицякс Горьковской чугункань кинь строительно-монтажной конторасо, эрьва мезекс важодицякс К. О. Киркижэнь лемсэ № 2 Ковровской заводсо^[1].

1941-це иень сёксестэнть немецэнь-фашистэнь вийтне мольсть Московонтень ды советэнь правительствась сайсь мель анокстамс Ковровской пулемётонь заводонть эувакуацияс. И. С. Пряхин заводонь важодицятне марто кучозель Тюменев промышленной площадкань анокстамо, козонь арсевсь путомс заводонь цехтнень. Московонь битвасонть ятось ёртозель прявтошонть эйстэ ды предприятиянтень эзь эряво теемс эвакуация. 1942-це иень даволковсто Омск ёнксонь Тюменской райононь военкоматось^[2] саизе И. С. Пряхинэнь Важодицянь ды сокицянь-видицянь Якстере Армияв. Иван Савельевич прядсь младшей командирэнь школа, теде мейле кучозель Сухой Логов, косо мольсь 167-це стрелковой дивизиянь пурнамось, ульнесь аравтозь 520-це стрелковой полконь пулемётной ротань станковой пулемётонь наводчикекс. 1942-це иень медьковонь 2-це чистэ 167-це стрелковой дивизиясь пачкодсь Воронежской фронтонтень ды совавтозель Н. Е. Чибисов генерал-лейтенантонь оперативной группантень. Васенце тюремазо Иван Савельевичэнь ульнесь 1942-це иень медьковонь 21-це чистэ Малая Верейка ало. Воронежско-Ворошиловградской оборонительной операциянть ушодовоманзо марто двизиянь пелькстнэ саизь оборонанть Воронеж ошсто седе плевеёнов Большая Верейка веленть маласо ды кирдсть саезь позициятнесэ 1943-це иень ушодовомас 38-це армиянть составсо. Воронежско-Касторненской операциянть ушодовомас Иван Савельевич ульнесь пулемётонь расчётонь командирэкс.

1943-це иень телестэнть И. С. Пряхин сержантось ульнесь операциясонть, конась эрьва ёндо сайсь ды маштсь вермахтонь 2-це армиянь Кастрона ало частнесэ, мейле тюрсь Харьковонь кис Колмоце тюремасонть. 1943-це иень эйзюрковсто саезь 167-це стрелковой дивизиясь кирдсь оборона Курской дугань юго-западной фассо Сумской областень Сумской районсо. 1943-це иень кизэнтень Иван Савельевич аравтозель старшой сержантокс ды саизе эсь лангс командованиянть эсь полконть пулемётной отделениянть 3-це стрелковой батальононть. 1943-це иень кизэнтень Иван Савельевич аравтозель старшой сержантокс ды саизе командованияс пулемётной отделениянть эсь полконь 3-це стрелковой батальононть. Весе батальонось прянзо невтизе 1943-це иень аштемковонь 19-це чистэ Бтица веленть кис тюремстэ, невтизе, кода эряви кеместэ ды апак пеле аштемс седе виев ятонть каршо. Батальононь ламот тюрицятне казезельть «Отвагань кис» медальсэ, сынст ютксо И. С. Пряхин старшой сержантоськак, конась эсь пулемётсо леднезь маштсь вермахтонь 27 солдатт ды ятонь леднема точка. 1943-це иень умарьковсто Иван Савельевич ульнесь Белгородско-Харьковской икелев молема операциясонть, конанть пингстэ 167-це стрелковой дивизиясь сезизе ятонь оборонанть Великая Чернетчина веленть вакссо ды лиссь Псёл леенть рубежтнэс. Теньсэ пекстызе икелев молиця Воронежской фронтонть вить флангонзо. И. С. Пряхин старшой сержантось пародояк парсте невтизе прянзо Днепрань кис Тюремасонть..

Зярдо колазельть немецэнь-фашистэнь войскатне Курской битвасо, Якстере Армиясь апак оймсе сеске ушодызе Кершберёконь Украинань олякстомань операциянть, конань пингстэ Воронежэнь фронтонь войскатне топавтызь Сумско-Прилукской фронтонь операциянть.

1943-це иень таштамковонь 1-це чистэ 520-це стрелоконь полконь пулемётонь ротась васенцетнень ютксо форсировизе Псёл леенть Великая Чернетчина веленть маласо ды саинзе высотатнень Зелёный Гай веленть маласо, мезесь лездась ютавтомс тона ёнов полконь прявт вийтнень. 1943-це иень таштамковонь 2-це чистэ полкось штурм вельде саизе Топали хуторонть, конась аштесь Сум таркадонть седе пелевеёнов, мезесь лездась парсте ютавтомс ошонть пелеве ёндо саема операциянть. Зярдо ятось малав понгсь эрьва ёндо саемас, сон ушодсь областной центрасто войскань потавтомо ды весе Суматне ульнесть олякстомтозь. Парсте аравтозь каршо тюрема немецэнь войскатненень аравтовсь ансяк Ромны ошонтень малав само таркантень. Ромна ало кежей тюреманть пингстэ 1943-це иень таштамковонь 15-це чистэ И. С. Пряхин старшой сержантось отделениянзо марто пек малав савсь ятонть позициятнес ды пулемётонь виев леднемасо маштсь малав 30 ятонь солдатт. Немецтнэ саизь а пелиця ломантнень эрьва ёндо, ансяк Пряхинэнь пулемётчиктне парсте аравтозь леднеманть вельде шождасто ллиссть окружениясто ды эзть ёмавто вейкеяк боец, ванстызь весе материальной частенть. Ромнатнень маласо ятось лемтеме высотасо аравтсь ДЗОТ, конась апак лотксе леднесь полконть подразделениятнень лангс, эзь максо сыненст молемс икелев. Ятонть леднема тарканть маштомс мель сась Пряхин старшой сержантонтень. Иван Савельевич пек виев леднема ало савсь ДЗОТонь малас ды сезизе сонзэ гранатасо. 1943-це иень таштамковонь 15-це чинь чокшнестэнть 3-це стрелковой батальонось форсировизе Сулу леенть ды кармась ветямо тюрема ошто икеле таркасонть. Парсте арамс ошсонть сонензэ эзь максо лендема точкась, конанть ятось путызе вейке кудонть кудо пряс. Икелев молезь Иван Савельевич каршо леднемасо маштызе ятонь пулемётонть расчёт марто, мейсэ лездась батальононтень арамс ды кемекставомс ошонть ало. Немецтнэ арсесть ёртомс советской частнень ошсто ды сыргасть кежей атакас. Таркантеть, конанть эйсэ оборона кирдсь И. С. Пряхин старшой сержантонть отделениясь, ятось ёртсь пехотань рота, ансяк ламоксчись эзь лезда ятонтень эскелькскеяк молемс икелев. Леднемапельтнень парсте аравтнемаст ды личной составонть виевчист коряс Иван Савельевич солдатонзо марто кридинзе саезь таркатнень полконь прявт вийтнень самос. 1943-це иень таштамковонь 15-це чинь ве куншкантень Ромны ошось ульнесь педе пес ванькскавтозь немецэнь-фашистэнь яттнэде.

Потыця ятонть мельга молезь 38-це армиянь подразделениятне 1943-це иень таштамковонь прядовомсто лиссть Днепрантень ды колызь тесэ, леенть керш ёно, лиядозь немецэнь-фашистэнь войскатнень, конатнеде Дарницы маласо ульнесть малав сисем дивизият. 1943-це иень ожоковонь 2-це чинь вентень васенцетнеде вейкекс И. С. Пряхин старшой сержантось отделениянзо марто форсировизе Днепранть Вышгород веленть вакссо. Плацдарманть саемстэ пулемётсо леднезь сон чавсь ятонь малав 50 солдатт ды лоткавтсь ниле леднема таркань леднема. Пряхин старшой сержантонть отделениясь кемекставсь саезь плацдармасонть, мезесь лездась 3-це стрелковой батальононь прявт вийтненень форсировамс Днепранть аламо ёмавкс марто. Днепр леенть парсте форсировамонть, Днепр леенть чивалгома ёно плацдарманть виевстэ кемекстамонть ды тень пингстэ отвагань ды геройствань невтемань кис 1943-це иень суньдерьковонь 13-це чистэ Верховной Советэнь Президиумонь кармавтоманзо коряс Пряхин Иван Савельевич старшой сержантонтень ульнесь максозь Советской Союзонь Героень покш лемесь.

Каземадонть Иван Савельевич кармась содамо медсанбатсто нодамсто, козонь сон понгокшнось ранениядо мейле 1943-це иень ожоковонь 11-це чистэ Новые Петровцынь кис тюремадонть мейле. И. С. Пряхинэнь кучизь младшой лейтенантонь нурькине армейской курсас, прядомадост мейле сон велявтсь эсь полконтень ды саизе командования алов 3-це стрелковой батальононь пулемётной ротань взводонть.

Од таркасонть Иван Савельевич сеске прянзо эзизе невте. Васенце тюремасонь 1944-це иень даволковонь 11-це чистэ сон ранязель ды таго понгсь болницяс. Пичкамодо мейле велявтсь эсь частентень, конась воёвась 1-це гвардейской армиянь 1-це Украинань фронтонь составсо, ды тюрсь Проскуровско-Черновицкой операциясонть. Якстере Армиянть кизэнь наступлениянть анокстамонь пингстэ Западной Украинасо 167-це стрелковой дивизиянь 520-це стрелковой полкось ветясь позициянь бойть Тарнополень ёнксонь Чортковской буесэ. 1944-це иень аштемковонь 26-це чистэ И. С. Пряхин младшой лейтенантось улнесь бойсэ разведкасонть Палашовка веленть маласо. Зярдо ятось тейсь контратака минек подразделениятне лангс, Пряхинэнь пулеметчикензэ виев леднемасо лездасть потамс эсь частненень ды эзть максо ятонтень теемс настпуления, тень пингстэ чавозь ятонь 40 солдатт ды офицерт.

1944-це иень умарьковонь 5-це чистэ 1-це гвардейской армиясь ульнесь максозь 4-це Украинань фронтонтень. Львовско-Сандомирской операциянть пингстэ Иван Савельевич боецэнзэ марто олякстомсть Дрогобыч ошонть. Мейле сон тюрсь Чехословакиясо ды южной Польшасо, ульнесь Восточно-Карпатской, Западно-Карпатской ды Моравско-Остравской операциятнесэ, эсь подразделениянь составсо олякстомсь Новы-Тарг ды Моравска-Острава оштнэсэ. Боевой кинзэ Иван Савельевич пекстызе 1945-це иень панжиковонь 9-це чистэ Прагасо. 1946-це иень даволковсто И. С. Пряхин лейтенантось тусь запасос. Зярыя шка эрясь Мордовской АССР-нь Шокша велесэ, ансяк 1954-це иестэ кудораськензэ марто тусь эрямо Владимир ошов. Кулось Иван Савельевич 1983-це иень аштемковонь 13-це чистэ. Калмазь Владимирсэ Улыбышевской калмолангсо.

Казнензэ

«Сырнень Теште» медаль (13.11.1943);
Ленинэнь орден (13.11.1943);
Якстере Тештень орден (09.07.1944);
медальть, сынст ютксо:
- «Отвагань кис» медаль (03.07.1943).

Лемень кундамо

Мемориалонь лаз Советский Союзонь Героень И. С. Пряхинэнь барельефензэ марто аравтозь «Вечный огонь» мемориалонь комплекссэ Владимир ошсо.
И. С. Пряхинэнь Советской Союзонь Героенть лемс памятной стелась аравтозь Владимирэнь ёнксонь Ковров ошонь Изнямонь Площадьсэ.

Тешкставкст

↑ https://warheroes.ru/hero/hero.asp?Hero_id=12488
↑ С 1935 года и до образования Тюменской области в 1944 году город Тюмень входил в состав Омской области.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Геройская быль: очерки и зарисовки о Героях Советского Союза — уроженцах Мордовии / сост.: В. С. Ионова, А. Д. Ширяев; под ред. М. П. Глебова. — 2-е изд. — Саранск: Мордовское кн. изд-во, 1985. — С. 266—269. — 367 с.
Шёл парнишке в ту пору…: герои-комсомольцы в боях за Советскую Украину в годы Великой Отечественной войны 1941–1945 гг. / авт.-сост. В. Н. Немятый и др. — К.: Молодь, 1985. — С. 246. — 367 с.
Солдаты Победы: книга о фронтовиках Владимирской области — ветеранах Великой отечественной войны 1941-1945 гг. В 5-ти томах / редкол.: Е. А. Завьялов и др.; сост. Е. И. Селиверстов и др. — Владимир: Фолиант, 2005. — Т. 1. — С. 27. — 496 с.

Тевконёвт

Общедоступный электронный банк документов «Подвиг Народа в Великой Отечественной войне 1941—1945 гг.» (неопр.)(недоступная ссылка — история). Дата обращения: 25 Аштемковонь 2013. Архивировано 13 Эйзюрковонь 2012 года.

Представление к званию Героя Советского Союза и указ ПВС СССР о присвоении звания. Дата обращения: 25 Аштемковонь 2013. Архивировано 30 Аштемковонь 2013 года.

Орден Красной Звезды (наградной лист и приказ о награждении). Дата обращения: 25 Аштемковонь 2013. Архивировано 30 Аштемковонь 2013 года.

Медаль «За отвагу» (приказ о награждении). Дата обращения: 25 Аштемковонь 2013. Архивировано 30 Аштемковонь 2013 года.

Ссылкат

Пряхин Иван Савельевич на www.az-libr.ru (неопр.). Дата обращения: 25 Аштемковонь 2013.
Владимирский край (неопр.)(недоступная ссылка — история). Дата обращения: 25 Аштемковонь 2013. Архивировано 30 Аштемковонь 2013 года.
14 строк о Пряхине. Ковровские вести (неопр.). Дата обращения: 25 Аштемковонь 2013. Архивировано 30 Аштемковонь 2013 года.

[1] ttps://warheroes.ru/hero/hero.asp?Hero_id=12488

[2] С 1935 года и до образования Тюменской области в 1944 году город Тюмень входил в состав Омской области.

[1]

[2]