Разгуляева, Татьяна Васильевна
| Татьяна Разгуляева | |
|---|---|
| Чачомсто лемезэ | Татьяна Васильевна Разгуляева |
| Чачома чизэ | 1957-це иень умарьковонь 30-це чи (68 иеть) |
Татьяна Васильевна Разгуляева (тейтерькс Ладыгина) (1957 умарьковонь 30 чистэ Мордовиянь Орданьбуень Чукало веле) — эрзянь сёрмадыця, валморонь сёрмадыця. «Сятко» журналонь прявт редактор[1][2].
Чачсь умарьковонь 30 чистэ 1957 иень Орданьбуень Чукало[3] велесэ. Школань прядомадо мейле поладызе тонавтнеманзо М.Е. Евсевьев лемсэ МГПИ–нь филологиянь факультетсэ. Тосо мельспаросо яксесь литературань кужос, конань прявтсоль А.Г. Борисов фольклористэсь.
Васень сёрмадовксонзо туртов питне путсть тонавтыцянзо, эрзянь содавикс литературоведэсь Г.И. Горбунов ды Мордовиянь заслуженный сёрмадеесь В.К. Радаев. Сынст «чанстямодо» мейле, 1977 иестэ саезь, Т.В. Разгуляевань сёрмадовксонзо кармасть печатавомо «Эрзянь правдасо», «Сяткосо» ды «Чилисемасо». Шкань ютазь ламотне эйстэст лиссть «Тештине» (1982 ие) ды «Оцёр» (1997 ие) вейсэнь пусмотнесэ.
Институтонть прядомадо мейле (1981 ие[3]) Т.В. Разгуляева малав 20 иеть важодсь «Эрзянь правдасо» корреспондентэкс. Мейле, – «Сятко» журналонь прявтонть полавтыцязо. Совси мордовской (мокшань ды эрзяннь) келтьнень республиканской термино-орфографической комиссияс[4]. Ней сон – «Сятконть» прявтредактор[1].
2008 иестэ сонзэ лись книгазо – «Певердезь човалят»[3].
Сёрмады очеркть, ёвтнемат, новеллат.
- ↑ 1 2 МОО «Содружество финно-угорских журналистов». «СЯТКО» («ИСКРА») (руз.), (эрз.)
- ↑ Официальный портал органов Государственной власти РМ // ГБУ РМ «Редакция журнала «Сятко»(руз.)
- ↑ 1 2 3 Филиал ГРДНТ им. В.Д. Поленова "ФУКЦ РФ". Татьяна Васильевна Разгуляева(руз.)
- ↑ Правительство РМ ПОСТАНОВЛЕНИЕ от 25 октября 2010 года N 405 О РЕСПУБЛИКАНСКОЙ ТЕРМИНО-ОРФОГРАФИЧЕСКОЙ КОМИССИИ ПО МОРДОВСКОМУ (МОКШАНСКОМУ И ЭРЗЯНСКОМУ) ЯЗЫКУ (руз.)