Россиянть ды Украинанть ютксо кортамот (2025-це ие)

Википедиясто материал - аорев содамкундосто
Россиянть ды Украинанть ютксо кортамот
Российско-украинские переговоры в Стамбуле 16-05-2025.jpg
Ютавтома шкась 2025-це иень панжиковонь
16-це чи; 2025-це иень аштемковонь 2-це чи
Таркась Стамбул, Долмабахче; Чыраган

Росси́янть ды Украи́нанть ютксо́ кортамо́тне — Украинасо конфликтэнь лоткавтомань коряс виде кортамот, конатнень ушодомс 2025-це иень панжиковонь 15-це чистэ саезь Стамбулсо ёвтась мель Владимир Путин РФ-нь Президентэсь[1]. Россиянь делегациясь аноколь ушодомс кортамотнень панжиковонь 15-це чистэ валскестэ, ансяк Украинасто сыцятне вастовомантень эзть са, ды кортамотне Турциянть лездамонзо вельде ушодовсть Долмабахче (руз.) (эрз. покш кудосо чинь ютазь — панжиковонь 16-це чистэ[2]. Кавто часонь кортамотнень ды седе тов телефононь пачк Путинэнь ды Трампонь ютксо кортамотнень ланга тосонь улицятне, лия кирдивийтне ды политологтне ёвтасть паро арсемат.

Омбоцеде кортамотне ютасть аштемковонь 2-це чистэ Стамбулсо[3] Чыраган (руз.) (эрз. покш кудонть эйсэ[4].

Мейстэ весемесь ушодовсь

2025-це иень панжиковонь 11-це чистэ Владимир Путин РФ-нь Президентэсь пурнынзе журналисттнэнь Кремлянь Покш кудонь Малахитовой фойесэ Московов Ине Отечественной войнасо Изнямонь 80 иень тешкстамо сакшныця лия масторонь ветицятнень марто вастовоматнень цётамотнень ёвтамо[5].

Россиянь Президентэсь ледстизе, Украинась эзь кирде энергетикань объекттнэнь ланга 30 чинь вачкодемань а нолдамонть, кона мольсь эйзюрковонь 18-це чистэ саезь чадыковонь 17-це чис. Теде башка Киевесь малав 5 тёжаксть колызе Инечинь сэтьмечинть. Изнямонь чинтень алтазь Россиянь пельде сэтьмечинь кирдеманть лангс Украинась ютавтсь покштояк покш каявомат. Эйсэст ульнесь пилоттомо ливтнемань 524 аппаратт ды экипажтэме 45 катерт.

Тень лангс апак вано Россиясь ёвтась мель Киевень кирдивийтнень туртов 2025-це иень панжиковонь 15-це чистэ Стамбулсо одов ушомс виде кортамотнень, конатнень лоткавтынзе Украинась, икелепелев тувталтомо[6].

2025-це иень панжиковонь 11-це чистэ Путин ды Эрдоган, Реджеп Тайип (руз.) (эрз. Турциянь Президентэнть ютксо кортамонь шкасто меельцесь кирдизе Московонть ды Киевенть ютксо виде кортамотнень одов ютавтоманть, алтась максомс тарка Стамбулсо ды лездамс эрьва мейсэ[7].

Владимир Зеленский X социальная сетьсэ сёрмадсь: «Мон карман учомо Путинэнь Турциясо цетьверьгстэ [2025-це иень панжиковонь 15-це чистэ]»[8]. Тень пингстэ Турциянь Президентэнь администрациясо ёвтасть, панжиковонь 15-це чистэ Зеленскиень плансо Турцияв самось арась[9]. Д. Песков Россиянь ветицянть пресс-секретаресь мерсь, панжиковонь 15-це чистэ Путинэнь Московсо аравтозь важодемань зярыя вастовомат, Президентэсь эзь арсе улемс кортамотнесэ Турциясо; Россиять арсеманзо коряс, Президенттнэнь вастовомань ютавтомантень эряви покш ды кувака анокстамо[10].

2025-це иень панжиковонь 13-це чистэ Дональд Трамп ёвтась, Марко Рубио США-нь госсекретаресь ды Американь лия кирдивийтне сыть Стамбулсо кортамотненень[11].

Панжиковонь 14-це чистэ Путин ютавтсь Стамбулсо Украинанть марто кортамотнень коряс анокстамонь промс. Вастовомасонть Россиянть пельде кучозь кортыцятнеде башка, конатнень кармавтомасо аравтынзе масторонь прявтось, ульнесть: Сергей Лавров омбомасторонь тевтнень коряс министрась, Андрей Белоусов оборонань министрась, Виктор Золотов Росгвардиянь прявтось, Сергей Шойгу Зыянтомочинь советэнь прявтось, Валерий Герасимов Генеральной штабонь прявтось, Александр Бортников Зыянтомочинь федеральной службань прявтось ды Специальной военной операциянь ютавтома таркасо группировкатнень весе прявттнэ[12].

Панжиковонь 25-це чинь вестэнть Россиянь кирдивийтнень усксиця «Россия» ливтнемань башка отрядонь менельвенчесь ливтясь Стамбулов. Авиациянь службатнесэ «Интерфаксонтень» пачтясть, Россиянь делегациясь рана валске сась Ататюрк аэропортонтень[13]. Васня арсевсь, вастовомась ушодови Москововонь шканть коряс 10:00 чассто Долмабахче покш кудосо, ансяк Украинань дегациянть арасьчиденть кортамотне аравтозельть лия чис[14].

Панжиковонь 15-це чистэ Стамбулсо РФ-нь Генеральной консульствасо прессанть туртов Владимир Мединский ёвтась, Россиянь делегациясь ванны ютавтовиця кортамотнень кода сэтьмечинь аравтомань тевдеема, кона сезезель 2022-це иестэ, делегациянть улить весе эрявикс содамочитне ды полномочиятне[15]. Виде кортамотнень прявт смустесь — седе икеле эли седе позда аравтомс кувака сэтьмечи, тень пингстэ лоткавтомс конфликтс пачтиця васенце тувталтнэнь[16].

Секе чистэнть Хакан Фидан Турциянь омбомасторонь тевтнень коряс министрась ютавтсь вастовома Россиянь делегациянть марто[17].

Панжиковонь 15-це чистэ ТАСС-онтень пачтясть, Стамбулсо Россиянь ды Украинань делегациятнень ютксо кортамотне ушодовить панжиковонь 16-це чистэ[2]. Дмитрий Литвин коммуникациятнень коряс Зеленскиень советникезэ пачтясь, Украинасто сыцятне кармить Стамбулсо панжиковонь 15-це чистэ чокшне[18].

«The Guardian» кулялопань даннойтнень коряс, Стамбулсо кортамотнесэ США-нть пельде ульнесть Майкл Антон Государственной департаментэнь политикань планированиянь прявтось[19].

Панжиковонь 16-це чистэ эрьва кодамо лувсо ютасть зярыя вастовомат: Россия, Украина ды Турция колмо мастортнэнь ютксо кортамот, США — Украина — Турция колмо масторонь вастовома[20], косо ульнесть Марко Рубио США-нь госсекретаресь ды Кит Келлог Украинань коряс спецпосланникесь. Украинанть пельде ульнесь Андрей Ермак Президентэнь офисэнь прявтось ды Андрей Сибига омбомасторонь министрась. Кортамотнесэ Турциянть пельде ульнесь Фидан омбомасторонь тевтнень коряс министрась[21].

Панжиковонь 16-це чистэ Владимир Мединский Россиянть ды Украинанть ютксо кортамотнеде ушодовоманть икеле ютавтсь
США-сто сыцятнень марто вастовома[22].

2025-це иень панжиковонь 28-це чистэ Сергей Лавров омбомасторонь тевтнень коряс министрась пачтясь, РФ-нть ды Украинанть ютксо омбоце кортамотне кармить ютамо аштемковонь 2-це чистэ Стамбулсо[3].

2025-це иень панжиковонь 29-це чистэ Мария Захарова Россиянь Федерациянь омбомасторонь тевтнень коряс министерствань официальной представителесь ёвтась, аштемковонь 2-це чистэ Россиянть пельде делегацияс совицятне кармить секеть, конат ульнесть 2025-це иень панжиковонь 16-це чистэ[23]. Украинань делегациянь составось ульнесь полавтозь. Владимир Зеленскиень кармавтоманзо коряс делегациясто саезель Алексей Маловацкий Украинань военной вийтнень Генеральной штабонь Центральной юридической управлениянь раськеютконь ды операционной правань управлениянь прявтось. Теде башка Украинань делегацияс соватозельть сеть, кить эзть ульне вастовомасонть панжиковонь 16-це чистэ. Те Юрий Ковбаса Верховной радасо ломанень праванзо коряс зыянтомочинь ды оборонань секторонь органонь системасо уполномоченной представитель, Евгений Острянский Украинань военной вийтнень Генеральной штабонь прявтонь полавтыцясь ды Андрей Фомин Украинань вооружённой вийтнень Генеральной штабонь Центральной юридической управлениянь раськеютконь ды операционной правань управлениянь прявтонь полавтыцясь – раськеютконь правань отделэнь прявтось[24].

2025-це иень аштемковонь 1-це чистэ Россиянь делегациясь сась Стамбулов[4], Владимир Зеленский кемекстызе эсь делегациянть улеманзо[25].

2025-це иень аштемковонь 2-це чистэ Стамбулсо Чыраган покш кудосо ютасть омбоце кортамотне[26]. Сынст ушодовомадо икеле Владимир Мединский ды Рустем Умеров ютавтсть вастовома, кона мольсь 2,5 част[27].

Кода мольсть кортамотне

Васенце вастовома

2025-це иень панжиковонь 16-це чистэ Россиянь, Турциянь ды Украинань делегациятнень ютксо кортамотне ютасть Стамбулсо. Вастовомадонть икеле Хакан Фидан Турциянь омбомасторонь тевтнень коряс министрась ёвтась шумбракстнемань вал[28]:

2022-це иень эйзюрковсто саезь мастортнэнь ютксо те васенце вастовома. Миненек эряви весементь ванномс. Шкань кирдемань эрьва чись вети седеяк покш калавтоматненень ды зыянтнэнень. Торпингесь моли седе тов, эряви лоткавтомс толонть. Вейсэ минь арсетяно од мельть-арсемат. Те вастовомась невтьсы мастортнэнь прявттнэнь ютксо сыця шкань вастовоманть[29].

Кортамотнеде икеле — ушодксонь вал Хакан Фидан Турциянь омбомасторонь тевтнень коряс министранть пельде

Россиянть ды Украинанть ютксо кортамотне мольсть малав кавто част[30] ды прессанть эйстэ пекстазельть[31].

Мейсэ прядовсь вастовомась

Кортамотнень прядовомадо мейле Мединский ёвтась, Россиянь делегациянтень вечкевсть цётамотне ды сон анок поладомс кортамонь ветямонть[32], теде башка:

  • Россиясь ды Украинась домкастот кортызь сень, кода эрьвась несы сыця шкасто толонь лоткавтоманть[33];
  • Украинань делегациясь вешсь ютавтомс мастортнэнь прявттнэнь ютксо виде кортамот, Россиясь тень карми кирдеме мельсэ-превсэ[34];
  • маласо шкасто Россиясь ды Украинась ютавтыть полонсо аштицятнень ютксо полавтома — эрьванть пельде полавтовить
    1000 ломанть[35].

2025-це иень панжиковонь 17-це чистэ Марко Рубио США-нь госсекретаренть марто телефононь кортамсто Сергей Лавров
РФ-нь омбомасторонь тевтнень коряс министрась кемекстызе Россиянь меленть важодемс США-нть марто Украинань конфликтэнь лоткавтоманть коряс. Теде башка Лавров тешкстызе Американь Вейсэндязь Штаттнэнь лездамонть, конань вельде Киевесь ёвтась мель-арсема одов ушодомс кортамотнень Стамбулсо. Эсензэ пельде Рубио тешкстызе Вашингтононть анокстамонзо седе товгак лездамс Украинасо конфликтэнь лоткавтомантень[36]. Седе мейле госсекретаресь ёвтась панжиковонь 19-це чистэ Путинэнь ды Трампонь ютксо телефононь кортамодо ды кодамо-бути шкань ютазь Россиянь ды США-нь ветицятнень ютксо вастовомань анокстамодо[37].

2025-це иень панжиковонь 23-це чистэ РФ-нь оборонань министерствась ёвтась полонс понгозетнень ютксо полавтомадо. Ведомствань информациянть коряс, Стамбулсо панжиковонь 16-це чистэ кортамотнеде мейле Киевенть пельде саезь территориясто велявтозельть Россиянь 270 ушмант ды гражданской 120 эрицят, конатнень ютксо Украинань вооружённой вийтне саизь Курск ёнксонь эрицятнень[38].

2025-це иень панжиковонь 24-це чистэ Россиянь 307 ушмант велявтсть кудов, зняро ломанть максозельть Украинань вооружённой вийтнененнь[39].

2025-це иень панжиковонь 25-це чистэ Россиянь оборонань министерствась пачтясь, Киевенть пельде саезь территориятнень эйстэ велявтозь россиянь 303 ушмант, сынст таркас максозь полонс 303 понгицят[40]. Истямо койсэ, прядозель полонс понгозь
1000 ломантнень полавтомась.

Омбоце вастовома

2025-це иень аштемковонь 2-це чистэ Стамбулсо Чыраган покш кудосо ютась кортамонь омбоце вастовомась. Хакан Фидан Турциянь омбомасторонь тевтнень коряс министрась ёвтась шумбракстнемань вал, арсесь кемема «нурька шкас тевтнень пароглавтомасо»[41]. Теде башка сон мерсь, арсеви ванномс кавто мастортнэнь ветицятнень вастовомадо кевкстеманть[42].

Делгациятнень вастовомась мольсь вейке чассто аволь седе ламо[26] ды ютась рузонь кельсэ[43].

2025-це иень аштемковонь 2-це чистэ Россиянть ды Украинанть ютксо омбоце кортамотне

Мейсэ прядовсь вастовомась

Кортамотнень прядовомадо мейле Владимир Мединский Россиянь делегациянь прявтось тешкстась, Россиянь делегациянтень вечкевсь вастовомань прядовомась. Сон пачтясь[44][45]:

  • Россиясь максызе Украинанень лоткавтомадо меморандумонь проектэнть, Киевесь саизе тевконёвонть ды парсте карми ванномо; тевконёвонть прявт положениятне[46][47]:
    • толонь лоткавтомадо кавто вариантт:
      • Украинань военной вийтнень Россиянь Донецкой Раськень Республикань, Луганской Раськень Республикань, Запорожьянь ды Херсосонь ёнкстнэнь Украинань ушмантнэнь ливтемась РФ-нь границатнень эйстэ кемекстазь эрявикс таркас;
      • мель-арсема, конасонть ёвтазь ушмотнень лия таркав ютамонь кардамодо, мобилизациянь ды Киевентень омбомасторсто военной лездамонь лоткавтомадо, мобилизациянь ушодомадо, лия мастортнэнь пельде военной улемань арасьчиде, Россиянть каршо диверсиянь теемадо;
    • Россиянть составсо Крыменть, Луганской Раськень Республикань, Донецкой Раськень Республикань, Запорожьянь ды Херсононь областтнень международно-правовой кемекстамо;
    • Украинань нейтралитет, воееной блоктнес совамодо отказамо;
    • Украинасо лия мастортнэнь пельде военной тевтнень лангс кардамо;
    • Украинанть ядерной статусозо аулемазо;
    • Украинань вооружённой вийтнень ды Украинань воинской формированиянь эрявикс ламочинь, леднемапелень, военной техникань ды нолдавиця сынст эрявикс характеристикатнень аравтома, теде башка Украинань вооружённой вийтнес ды Раськень гвардияс совиця Украинань раськень формированиятнень нолдамо;
    • Россиянть каршо экономикань кардамотнень саема;
    • боевой тевдеематнень эйстэ зыянонь кандомань эйстэ пеняцямотнень эйстэ кавто ёндонь отказамо;
    • Украинасо рузонь кельсэ кортыця эрицятненень правань ды олячинь максома, рузонь келентень официальной статусонь максома;
    • нацизмань героизациянь кардамо;
    • Украинань православиянь церькованть важодеманзо лангс кардамотнень каямо;
    • Украинанть марто аламонь-аламонь дипломатиянь ды экономикань сюлмавоматнень вельмевтема;
    • кудораськетнень ды туиця лия ломантнень вейсэндявоманть марто кевкстематнень топавтома;
    • Украинасо Президентэнь ды лия кочкамонь ютавтома[48];
    • сэтьмечинь тевконёвонь тешкстамо, Вейсэндянь Раськентнень Вейсэндявксонь Зыянтомочинь советэнь юридической резолюциясо кемекстамо[49].
  • РФ-сь макссынзе Украинанень чавовозь 6 тёжат ушмантнэнь;
  • кортыцятне ёвтасть мель полавтомс вейкест-вейкест ютксо полонс пек ламо саезетнень (эрьва ёндо полавтовить 1 тёжадо аволь седе ламо ломанть, ансяк покшолмась, паряк, карми кастозь; ормалгадозетне ды стакасто ранязетне кармить полавтовомо «весе весень лангс» лувонть коряс; карми 25 иес ушмантнэнь полавтовома «весе весень лангс» лувонть коряс);
  • кавто ёндо тееви комиссия ды политикань арсемавтомо кармить полавтозь стакасто ранязь ушмантнэ;
  • Россиясь ёвтась Украинанень фронтонь кой-кона таркатнесэ кавто-колмо чис «толонь лоткавтомадо» мель-арсема чавовозь эсь ушмантнэнь саемга, Украинась арсесь ёвтамс тень коряс каршо вал маласо шкасто;
  • кортамотнесэ прявт темакс ульнесь эйкакштнень велявтомась: Россиянтень Украинань пельде максозель конфликтэнь шкасто стака тевс понгозь эйкакшонь 339 фамилия марто списка, Московось велявтсы Киевентень эйкакштнень, бути муевить сынст тетяст-аваст эли закононь коряс лия малавиксэст.

Мединский ёвтась, Киевесь эйкакштнень «саламонть» вельде тейсь «Европасо ризныцятнень туртов шоу», Московонь пельде арась вейкеяк салазь эйкакш, улить ансяк Россиянть пельде идезь эйкакшт. Россиянь делегациянь прявтось корты, Россиясь важоди Украинасо конфликтэнь шкасто явововозь кудораськетнень марто кевкстеманть лангсо вейсэндявоманть кис[44].

Журналисттнэнь марто нурька вастовомасо Рустем Умеров оборонань министрась пачтясь, вастовомасонть кортыцятне ёвтасть мель полавтомс ве ёндо 6 тёжат чавовозтнень лия ёндо 6 тёжат чавовозтнень лангс[50]. Теде башка Украинань делегациянь Прявтось мерсь, те ковонь прядовомас Украинась ёвтась мель ютавтомс од кортамот — аштемковонь 20—30 читнень перть[51].

Кить ульнесть Россиясто

Панжиковонь 14-це чистэ чокшне Владимир Путин кемекстызе Стамбулсо Россиянь делагациянь составонть. Прявтокс кармась Владимир Мединский РФ-нь Президентэнть полавтыцязо[52]. Сон ульнесь Россиянть пельде кортыцятнень прявтокс
2022-це иестэяк[53]. Теде башка делегациянь составс совасть:

  • Михаил Галузин РФ-нь омбомасторонь тевтнень коряс министрань полавтыцясь,
  • Игорь Костюков РФ-нь вооружённой вийтнень Генеральной штабонь прявтонь полавтыцясь,
  • Александр Фомин оборонань министранть полавтыцязо[54].
Россиянь делегациясь
(кортамотне 2025-це иень панжиковонь 16-це чистэ)

Делегациянь прявт совицятнеде башка Стамбулсо Россиянть невтсть ниле экспертт:

  • Александр Зорин Генеральной штабонь управлениянь информациянь коряс прявтонь полавтыцясь,
  • Елена Подобреевская Гуманитарной сферасо государственной политикань коряс РФ-нь Президентэнь Управлениянь, прявтонь полавтыцясь,
  • Алексей Полищук Россиянь омбомасторонь тевтнень коряс министерствань Олячисэ Мастортнэнь Содружествань Омбоце департаментэнь прявтось,
  • Виктор Шевцов РФ-нь оборонань министерствань Военной раськеютконь вейсэнь важодемань коряс прявт управлениянь прявтонь полавтыцясь[55].

Кить ульнесть Украинасто

Панжиковонь 15-це чистэ чокшне Владимир Зеленскиень офисэзэ яволявтызе Стамбулсо Украинасто кортыцятнень делегацияс совицятнень[56]. Прявтокс аравтозель Рустем Умеров оборонань министрась.

Украинань делегациясь
(кортамотне 2025-це иень панжиковонь 16-це чистэ

Теде башка делегацияс совасть:

  • Сергей Кислица омбомасторонь тевтнень коряс минстрань васенце полавтыцясь,
  • Александр Поклад Украинань зыянтомочинь советэнь прявтонь васенце полавтыцясь,
  • Олег Луговский Внешней разведкань службань прявтонь васенце полавтыцясь,
  • Алексей Шевченко Украинань вооружённой вийтнень генеральной штабонь прявтонь полавтысь,
  • Вадим Скибицкий разведкань прявт управлениянь прявтонь полавтыцясь,
  • Евгений Шинкарёв Коштонь вийтнень командованиянь штабонь прявтонь полавтыцясь,
  • Александр Дьяков Военно-морской вийтнень командованиянь штабонь прявтонь полавтыцясь,
  • Алексей Маловацкий Украинань воооружённой вийтнень генеральной штабонь Центральной юридической управлениянь раськеютконь ды операционной правань управлениянь прявтось,
  • Александр Шерихов Украинань вооружённой вийтнень генеральной штабонь оперативной прявт управлениянь старшей офицерэсь,
  • Георгий Кузьмичёв Украинань вооружённой вийтнень протоколонь аппаратонь обеспечениянь офицерэсь, прявт ветицясь,
  • Александр Бевз Украинань Президентэнь офиисэнь прявтонь советникесь[57].

Украинань технической кавто улицятне оргодсть Стамбулсо кортамотнень ютавтома шкасто. Спиридон Килинкаров Верховной радань икелень депутатось пачтясь, Головко ютавтыцясь ды Самойленко лездыцясь-секретаресь истя оргодсть мобилизациядо ды Киевев эзть велявто[58].

Омбоце кортамотненень Украинань делегациянь составось полавтозель. Зеленскиень кармавтоманзо коряс, делегациянть эйстэ саизь Маловацкиень; сонзэ таркас совавтозельть Верховной радасо ломанень праванзо коряс зыянтомочинь ды оборонань секторонь органонь системасо уполномоченной представителесь, Евгений Острянский генеральной штабонь прявтонь полавтыцясь ды Андрей Фомин Украинань вооружённой вийтнень Генеральной штабонь Центральной юридической управлениянь раськеютконь ды операционной правань управлениянь прявтонь полавтыцясь – раськеютконь правань отделэнь прявтось[24].

Вастовомадо мейле кортамот

2025-це иень панжиковонь 17-це чистэ Дмитрий Песков РФ-нь Президентэнь пресс-секретарезэ ёвтась, Владимир Путинэнь ды Владимир Зеленскиень ютксо вастовоманть Кремлясь лови топавтовицякс, «ансяк кода кавто мастортнэнь пельде ютавтовиця важодемань коряс кой-кодат цётамотнеде мейле»[59].

Дональд Трамп США-нь Президентэсь парсте кортась Владимир Путинэнь пельде молиця Украинанть марто виде кортамотнень одов ушодовоманть ланга[60]:

Паряк, те ине чи Россиянть ды Украинанть туртов. Арседе сядо тёжадо ламо ломантнеде, конат кармить идезь, зярдо те певтеме «тевесь» прядови. — Truth Social

Теде башка Трамп тердизе Украинанть «сеске молемс» Стамбулсо кортнематнес[61] ды мерсь, эряви ютавтомс вастовома. Трамп ёвтась, сонськак арси улемс Стамбулсо[62].

Мон арсян, тосо эряви улемс кавонест ветицятненень (РФ-нь ды Украинань). Мон арсинь тов ливтямодо. Мон а содан, косо мон карман цетьвергстэ, монь пек ламо вастовомат, ансяк мон алкукскак арсинь тов ливтямс. Арсян, истямо тевесь пек эрявикс[63].

Скотт Риттер Американь икелень разведчикесь ды ООН-нь инспекторось ёвтызе Путинэнь арсеманзо «пек паро тевекс»[64]:

Виде кортамотнеде мелесь-арсемась каизе повесткастонть 30 чинь сэтьмечиде кевкстеманть. Монь койсэ, тек пек паро тевсь Владимир Путинэнь пельде. Сон велявты мекев Россиянь мельтнень-арсематнень, максы тензэ невтемс эсь прянть Украинань-Американь-Европань блоконтень, кона аволь анок ды тензэ а тееви истямо эскельксэсь.

2025-це иень аштемковонь 2-це чистэ Реджеп Тайип Эрдоган Турциянь Президентэсь лемдизе РФ-нть ды Украинанть ютксо вастовоманть «пек вадрякс», паро мельсэ вастызе промксонь цётамотнень ютксо полонс понгозетнень ды кулозетнень полавтоманть, лемдинзе неть цифратнень «пек покшокс». Теде башка Турциянь ветицясь пачтясь, ули мелезэ неемс «Путинэнь ды Зеленскиень вастовоманть Стамбулсо эли Анкарасо»[65].

2025-це иень панжиковонь 19-це чистэ Путинэнь ды Трампонь ютксо кортамо

2025-це иень панжиковонь 19-це чистэ ютась телефононь кортамо Владимир Путинэнь ды Дональд Трампонь ютксо, кона Россиянь ветицянть мелензэ коряс алтазель 2025-це иень панжиковонь 16-це чистэ Стамбулсо сэтьмечинь кортамотненень[66]. Америкась ёвтась, кортамонть лувсо Украинасо конфликттэнть башка кортазель кавто мастортнэнь ютксо экономикасо вейсэнь важодемась[67]. РФ-нь ды США-нь ветицятнень ютксо телефононь кавто чассто ламо кортамонть Путин лемдизе «парокс». Россиянь Президентэсь тешкстась, Московось ды Киевесь кармить важодеме сэтьмечинь коряс арсевиця меморандумонть коряс[68].

2025-це иень аштемковонь-це чистэ Путинэнь ды Трампонь ютксо кортамо

2025-це иень аштемковонь 4-це чистэ ютась Владимир Путинэнь ды Дональд Трампонь ютксо телефононь кортамо, конасонть токазельть Россиянь аэродромтнень лангс Украинань вооружённой вийтнень террористэнь каявомаст[69]. РФ-нь Президентэсь ёвтась, истямо койсэ Украинась арсесь сеземс конфликтэнь лоткавтоманть коряс кортамотнень. Тень пингстэ тешкстазель, Киевень режимесь теевсь террористэнсекс. Эсензэ пельде Трамп ёвтась, РФ-нь аэродромтнева арсевиця вачкодематнень ланга тензэ кияк мезеяк эзь ёвта[69]. США-нь Президентэсь сёрмадсь соцсеттнесэ, кортамось мольсь вейке чассто седе ламо, весе ютась парсте. Трампонь валонзо коряс, Россиясь алтась максомс каршо вал Украинань вооружённой формированиятнень каявомаст лангс[70]. Юрий Ушаков Президентэнть лездыцязо Россиянь информациянь агенстватненень Трампонь марто кортамонть ланга ёвтась:

Сон парсте кунсолынзе минек весе мельтнень-арсематнень. Тень коряс минек Президентэсь весемеденть ёвтнесь пек домкасто. Мон арсян, Трампнень ульнесь лезэвекс кунсоломс лисезь тевенть коряс минек арсеманок... Америкась ды Россиясь кармить кортамо террориристэнь неть кавоматнень коряс седе товгак[71].  

Тешкставкст

  1. ↑ Путин предложил прямые переговоры с Киевом 15 мая в Стамбуле, РБК (11.05.2025). Ваннозь 11 Панжиковонь 2025.
  2. ↑ 1 2 ТАСС: переговоры РФ и Украины в Стамбуле стартуют 16 мая, TACC (15 Панжиков 2025). Ваннозь 15 Панжиковонь 2025.
  3. ↑ 1 2 Лавров анонсировал второй раунд переговоров между РФ и Украиной в Стамбуле, Известия (28 Панжиков 2025). Ваннозь 29 Панжиковонь 2025.
  4. ↑ 1 2 Российская делегация вылетела в Стамбул на переговоры с Украиной, РБК (1 Аштемков 2025). Ваннозь 1 Аштемковонь 2025.
  5. ↑ Прямые переговоры без промедления и условий в Стамбуле. Главные заявления Путина, TACC (11.05.2025). Ваннозь 11 Панжиковонь 2025.
  6. ↑ Заявление Президента России для СМИ, Президент России (11.05.2025). Ваннозь 11 Панжиковонь 2025.
  7. ↑ Путин обсудил с Эрдоганом свою инициативу возобновления переговоров с Киевом, TACC (11 Панжиков 2025). Ваннозь 11 Панжиковонь 2025.
  8. ↑ Зеленский заявил, что будет ждать Путина в Турции, РИА Новости (11 Панжиков 2025). Ваннозь 11 Панжиковонь 2025.
  9. ↑ В Турции заявили, что не знают о планах Зеленского посетить страну, РИА Новости (11 Панжиков 2025). Ваннозь 11 Панжиковонь 2025.
  10. ↑ От Владимира Путина ждут участия. Как идет подготовка к встрече РФ и Украины в Стамбуле, Коммерсантъ (17 Панжиков 2025). Ваннозь 13 Панжиковонь 2025.
  11. ↑ Трамп: Рубио и другие эмиссары США полетят на встречу по Украине в Стамбуле, TACC. Ваннозь 13 Панжиковонь 2025.
  12. ↑ Песков рассказал о совещании у Путина по переговорам с Украиной, РБК (15 Панжиков 2025). Ваннозь 15 Панжиковонь 2025.
  13. ↑ Стали известны время и место переговоров России и Украины в Стамбуле, РБК (15 Панжиков 2025). Ваннозь 15 Панжиковонь 2025.
  14. ↑ Начало переговоров в Стамбуле запланировано на 10 утра - Российская газета, Российская газета (15 Панжиков 2025). Ваннозь 15 Панжиковонь 2025.
  15. ↑ Мединский высказался о делегации России в Стамбуле, РИА Новости (15 Панжиков 2025). Ваннозь 15 Панжиковонь 2025.
  16. ↑ Мединский назвал цель прямых контактов с Украиной, TACC (15 Панжиков 2025). Ваннозь 15 Панжиковонь 2025.
  17. ↑ ТАСС: в Стамбуле началась встреча главы МИД Турции с российской делегацией, TACC (15 Панжиков 2025). Ваннозь 15 Панжиковонь 2025.
  18. ↑ Украинская делегация приедет в четверг вечером, заявил советник Зеленского, РИА Новости (15 Панжиков 2025). Ваннозь 15 Панжиковонь 2025.
  19. ↑ The Guardian узнала имя представителя США на переговорах России и Украины, РБК. Ваннозь 16 Панжиковонь 2025.
  20. ↑ ТАСС: 16 мая в Стамбуле намечена трехсторонняя встреча Турции, России и Украины, TACC (15 Панжиков 2025). Ваннозь 15 Панжиковонь 2025.
  21. ↑ ТАСС: в Стамбуле завершилась встреча представителей Турции, США и Украины, TACC (16 Панжиков 2025). Ваннозь 16 Панжиковонь 2025.
  22. ↑ Мединский встретился с представителями США в Стамбуле, Коммерсантъ (16 Панжиков 2025). Ваннозь 16 Панжиковонь 2025.
  23. ↑ МИД рассказал о составе российской делегации на переговорах 2 июня, РИА Новости (29.05.2025). Ваннозь 29 Панжиковонь 2025.
  24. ↑ 1 2 Зеленский изменил состав украинской делегации для второй встречи в Турции, РБК. Ваннозь 2 Аштемковонь 2025.
  25. ↑ Зеленский подтвердил участие Украины в переговорах в Стамбуле 2 июня, РБК (1 Аштемков 2025). Ваннозь 1 Аштемковонь 2025.
  26. ↑ 1 2 ТАСС: переговоры России и Украины завершились, TACC (2 Аштемков 2025). Ваннозь 2 Аштемковонь 2025.
  27. ↑ Стало известно о двусторонней встрече Мединского и Умерова до начала переговоров, Известия (2 Аштемков 2025). Ваннозь 2 Аштемковонь 2025.
  28. ↑ Встреча представителей России, Украины и Турции началась в Стамбуле. 1tv.ru (16 Панжиковонь 2025). Дата обращения: 16 Панжиковонь 2025.
  29. ↑ Полная расшифровка слов главы МИД Турции перед переговорами, РБК (16 Панжиков 2025). Ваннозь 16 Панжиковонь 2025.
  30. ↑ Встреча российской и украинской делегаций в Стамбуле завершилась, РИА Новости (16 Панжиков 2025). Ваннозь 16 Панжиковонь 2025.
  31. ↑ Переговоры России и Украины проходят без прессы, РИА Новости (16 Панжиков 2025). Ваннозь 16 Панжиковонь 2025.
  32. ↑ Мединский: РФ удовлетворена результатом переговоров и готова продолжать контакты, Коммерсантъ (16 Панжиков 2025). Ваннозь 16 Панжиковонь 2025.
  33. ↑ Мединский: РФ и Украина представят свое видение возможного прекращения огня, TACC (16 Панжиков 2025). Ваннозь 16 Панжиковонь 2025.
  34. ↑ Мединский: Украина запросила прямые переговоры между Зеленским и Путиным, Коммерсантъ (16 Панжиков 2025). Ваннозь 16 Панжиковонь 2025.
  35. ↑ Мединский подтвердил подготовку крупнейшего обмена пленными с Украиной, РБК (16 Панжиков 2025). Ваннозь 16 Панжиковонь 2025.
  36. ↑ Лавров и Рубио обсудили итоги переговоров в Стамбуле, РИА Новости (17 Панжиков 2025). Ваннозь 17 Панжиковонь 2025.
  37. ↑ Рубио заявил о желании Трампа встретиться с Путиным как можно скорее, РБК (17 Панжиков 2025). Ваннозь 17 Панжиковонь 2025.
  38. ↑ Россия вернула из плена 270 военных и 120 гражданских, TACC (23 Панжиков 2025). Ваннозь 23 Панжиковонь 2025.
  39. ↑ Россия и Украина обменялись пленными по стамбульской договоренности, РБК. Ваннозь 24 Панжиковонь 2025.
  40. ↑ Россия и Украина завершили обмен пленными по формуле 1000 на 1000, РИА Новости (25.05.2025). Ваннозь 25 Панжиковонь 2025.
  41. ↑ Фидан: во 2-м раунде переговоров планируется изучить вопрос о встрече лидеров, TACC (2 Аштемков 2025). Ваннозь 2 Аштемковонь 2025.
  42. ↑ ТАСС публикует видео выступления Фидана перед началом переговоров РФ и Украины, TACC (2 Аштемков 2025). Ваннозь 2 Аштемковонь 2025.
  43. ↑ ТАСС: переговоры РФ и Украины шли на русском языке, TACC (2 Аштемков 2025). Ваннозь 2 Аштемковонь 2025.
  44. ↑ 1 2 Мединский рассказал о переговорах в Стамбуле, РИА Новости (2 Аштемков 2025). Ваннозь 2 Аштемковонь 2025.
  45. ↑ Заявления глав делегаций России и Украины по итогам второго раунда переговоров, Коммерсантъ (2 Аштемков 2025). Ваннозь 2 Аштемковонь 2025.
  46. ↑ Опубликован полный текст российского меморандума по Украине, РИА Новости (2 Аштемков 2025). Ваннозь 2 Аштемковонь 2025.
  47. ↑ Предложения РФ (Меморандум) по урегулированию украинского кризиса. Текст, Interfax.ru (2 Аштемков 2025). Ваннозь 2 Аштемковонь 2025.
  48. ↑ Меморандум РФ предполагает выборы на Украине и подписание мирного договора, TACC (2 Аштемков 2025). Ваннозь 2 Аштемковонь 2025.
  49. ↑ Меморандум России предусматривает одобрение резолюцией СБ ООН, РИА Новости (2 Аштемков 2025). Ваннозь 2 Аштемковонь 2025.
  50. ↑ Умеров: Украина и РФ договорились о новом обмене телами погибших, TACC. Ваннозь 2 Аштемковонь 2025.
  51. ↑ Украина предложила провести новый раунд переговоров с Россией до конца июня, TACC. Ваннозь 2 Аштемковонь 2025.
  52. ↑ Путин утвердил состав делегации России на переговорах с Украиной, TACC (14..05.2025). Ваннозь 15 Панжиковонь 2025.
  53. ↑ Путин утвердил состав российской делегации на переговорах в Стамбуле, РБК (14.05.2025). Ваннозь 15 Панжиковонь 2025.
  54. ↑ Путин утвердил состав делегации для переговоров с Украиной в Стамбуле, Известия (14 Панжиков 2025). Ваннозь 15 Панжиковонь 2025.
  55. ↑ Кто вошел в переговорную группу России в Стамбуле. Инфографика, РБК (14.05.2025). Ваннозь 15 Панжиковонь 2025.
  56. ↑ Зеленский утвердил состав делегации для переговоров с РФ в Стамбуле, Известия (15 Панжиков 2025). Ваннозь 15 Панжиковонь 2025.
  57. ↑ Состав делегации Украины для участия в переговорном процессе с РФ в Стамбуле, TACC (15 Панжиков 2025). Ваннозь 15 Панжиковонь 2025.
  58. ↑ Килинкаров: члены украинской делегации сбежали в Стамбуле от мобилизации, AiF (19.05.2025). Ваннозь 20 Панжиковонь 2025.
  59. ↑ В Кремле назвали условие для встречи Путина и Зеленского, РИА Новости (17 Панжиков 2025). Ваннозь 17 Панжиковонь 2025.
  60. ↑ Трамп приветствовал предложение Путина возобновить прямые переговоры с Украиной, TACC (11.05.2025). Ваннозь 11 Панжиковонь 2025.
  61. ↑ Трамп потребовал от Украины немедленно согласиться на переговоры с Россией, РИА Новости (11 Панжиков 2025). Ваннозь 11 Панжиковонь 2025.
  62. ↑ Трамп допустил свой визит в Стамбул во время встречи делегаций России и Украины - Газета.Ru | Новости, Газета.Ru (12 Панжиков 2025). Ваннозь 12 Панжиковонь 2025.
  63. ↑ Трамп допустил поездку в Стамбул в четверг, РИА Новости (12 Панжиков 2025). Ваннозь 12 Панжиковонь 2025.
  64. ↑ В США назвали предложенные Путиным прямые переговоры Киеву блестящим маневром, Известия (11 Панжиков 2025). Ваннозь 11 Панжиковонь 2025.
  65. ↑ Эрдоган назвал встречу России и Украины в Стамбуле великолепной, РБК (2 Аштемков 2025). Ваннозь 2 Аштемковонь 2025.
  66. ↑ Мир по телефону, Коммерсантъ (18 Панжиков 2025). Ваннозь 19 Панжиковонь 2025.
  67. ↑ Песков подтвердил, что телефонный разговор Путина с Трампом готовится, TACC (17.05.2025). Ваннозь 19 Панжиковонь 2025.
  68. ↑ Заявление Путина после разговора с Трампом. Текст, РБК. Ваннозь 19 Панжиковонь 2025.
  69. ↑ 1 2 В Кремле раскрыли подробности телефонного разговора Путина и Трампа, РИА Новости (04.06.2025). Ваннозь 4 Аштемковонь 2025.
  70. ↑ Трамп обсудил с Путиным атаки ВСУ на российские аэродромы, РИА Новости (04.06.2025). Ваннозь 4 Аштемковонь 2025.
  71. ↑ Трампу было полезно выслушать оценки Путина по атакам Киева, заявил Ушаков, РИА Новости (04.06.2025). Ваннозь 4 Аштемковонь 2025.
Саезь "https://myv.ruwiki.ru/w/index.php?title=Россиянть_ды_Украинанть_ютксо_кортамот_(2025-це_ие)&oldid=541516"-стэ