Россиянь раськетнень келень чи
| Россиянь раськетнень келень чи | |
|---|---|
 | |
| Тешкстамонь чись | таштамковонь 8-це чистэ |
Росси́янь ра́ськетнень ке́лень чи (руз. День языко́в наро́дов Росси́и) — покшчи, конань тешкстамодо ёвтась мель Владимир Путин РФ-нь Президентэсь 2025-це иень аштемковонь 5-це чистэ Рузонь келень ды Россиянь раськетнень келест кастомань коряс государственной политикань советэнь промкссо[1]. Покшчинть меревсь тешкстамс таштамковонь 8-це чистэ — Расул Гамзатов валморонь сёрмадыцянть чачома чистэнзэ[2].
Россиянь наукань академиянь Келень институтонь даннойтнень коряс, Россиясо тевс нолдавить весемезэ 277 кельть ды кортавкст[3].
Кода весемесь лиссь
2025-це иень аштемковонь 5-це чистэ Рузонь келень ды Россиянь раськетнень келест кастомань коряс государственной политикань советэнь промкссо ёвтазель мель тешкстамс Россиянь раськетнень келень чи[1]. Владимир Путин ёвтась арсема тешкстамс те чинть Расул Гамзатов валморонь сёрмадыцянть чачома чистэнзэ — таштамковонь 8-це чистэ[2].
Тень пингстэ масторонь прявтось ледстясь РФ-нь раськетнень келест ванстомань ды кастомань эрявиксчиде, государстванть пельде кирдемадо ды масторонть эйсэ кельтнень идемадо[1]. Теде башка Владимир Путин ёвтась мель одкстомстомс Россиянь раськетнень кельдест закононь анокстамонть ды теемс Россиянь кельтнень коряс государственной реестра[1].
Ловома
- Россиянь наукань академиянь Келень институтонь даннойтнень коряс, Россиясо эрить 193 раськеть, тевс нолдавить 277 кельть ды кортавкст[3].
- Кельтнеде раськетнень коряс седе ламо, секс мекс кой-кона раськетнень кавто официальной келест, саемга, маритнень, эрзятнень, мокшотнень ды алтаецтнэнь[3].
- Россиянь тонавтомань системасо тевс нолдавить 105 кельть, эйстэст 24-тне — кода тонавтомань кельть, 81-сь — кода тонавтнемань предмет[3].
Тешкставкст
- ↑ 1 2 3 4 Заседание Совета по реализации госполитики в сфере поддержки русского языка и языков народов России, Президент России (05.06.2025). Ваннозь 5 Аштемковонь 2025.
- ↑ 1 2 Путин предложил учредить День языков народов России, РБК (05.06.2025). Ваннозь 5 Аштемковонь 2025.
- ↑ 1 2 3 4 277 языков и диалектов используют народы России. Минобрнауки (21 Даволковонь 2021). Дата обращения: 5 Аштемковонь 2025.