Россиясо ключевой ставка

Википедиясто материал - аорев содамкундосто
Ключевой ставкань полавтома
Прявт событиясь: Ярмаконь-кредитэнь политика
Ключевая ставка в России.jpg
Ютавтома шкась 2025-це иень медьковонь 25-це чи
Таркась Россиянь Банк
Тувталось Инфляциянь паролгавтома ды экономикань кельмевтемань ёнкстнэ
Кодат мастортнэ Россиянь Банконь прявтонь совет
Цётамотне Ключевой ставкань алкиньгавтома
Теде икелень ставка 20%
Од ставка 18% ↘
Алкиньгавтома 2%
Сайтэсь cbr.ru

 Росси́янь Ба́нконь Ключево́й ста́вка (руз. Ключева́я ста́вка Ба́нка Росси́и) — Россиянь Федерациянь Центральной Банконь ярмаконь-кредитэнь политикасо прявт ёнкс, конань эйстэ аштить экономикасо процентэнь ставкатне, инфляциясь ды национальной валютань курсось — те процентэнь ставка, конань коряс Россиянь Банкось максы кредитт коммерческой банктненень ды саи пельдест депозиттнэнь. Россиясо ключевой ставкась совавтозель 2013-це иестэ. Теде икеле Россиянь Банкось нолдась тевс рефинансированиянь ставканть кода прявт инструментэнть ярмаконь-кредитэнь политикасо[1]. Россиянь Банконь директоронь советэсь максы ключевой ставкань покшолманть иезэнзэ кавксоксть[2].

Россиянь Банкось 2025-це иень аштемковонь 6-це чистэ алкиньгавтызе ключевой ставканть 20 %-с иезэнзэ, мезесь 2022-це иень таштамковсто саезь кармась васенце чевтелгавтомакс ярмаконь-кредитэнь политикасо[3]. 2025 иень аштемковонь 25-це чистэ Россиянь Банкось тагояк валгстызе ключевой ставканть — 18 %-с иезэнзэ[4].

Россиянь Банконь операциятне, конат ютавтневсть ключевой ставкань коряс

Россиянь Банкось (руз.) (эрз. ёвты мелензэ ключевой ставканть сэрензэ коряс ярмаконь-кредитэнь политиканть тёкшмелензэ лангс ванозь — иень инфляциянть 4 % маласо ванстозь. Питнетнень кемечист кисэ центральной банконтень мереви пштилгавтомс эли чевтелгавтомс ярмаконь-кредитэнь политиканть. Банковской секторонть ликвидностенть дефицитэнзэ пингстэ центральной банкось келейгавты рефинансированиянть ды максы банкатненень ликвидность ключевой ставканть коряс, конанень вейке таргос вейкетьстяви сехте вишине процентной ставкась Россиянь Банконь РЕПО-нь аукционтнэсэ. Ды мекевлангт, банковской секторонть ликвидностенть профицитэнзэ пингстэ центральной банкось сайсы сонзэ кадовозь пельксэнть ды нолды тевс банктнень пельде депозиттнэнь ключевой ставкань коряс, конанень вейке таргос вейкетьстяви сехте покш процентной ставкась Россиянь Банконь депозитной аукционтнэсэ. Россиянь Банкось ярмаконь-кредитэнь политикань эсь инструментнэнь лезксэст вельде вети ве чинь процентной ставкатнесэ, конань коряс банкатне тейнить операцият вейкест-вейкест марто ярмаконь рынкасо. РЕПО-нь ставкатнень ды депозитэнь коряс ставкатнень ютксо ярмаконь рынкань ставкатнень процентной ютконть пирявкстнэсэ кирдезь, Россиянь Банкось бажи малавгавтомс сынст ключевой ставканть сэрьс, кона невти ярмаконь-кредитэнть политикань ёнксонть[5].

Ключевой ставкань коряс Россиянь Банконть арсемазо

Россиянь Банконь прявтнэнь советэсь (руз.) (эрз. витни ключевой ставканть покшолманзо кавксоксть иезэнзэ. Решениятне примавить ниле «нежедемань» заседаниятнесэ, конат ютавтовить весть кварталс, ды ниле ютконсетнесэ, конат ютавтовить нежедемансетнень ютксо. Эрьва заседаниянть цётамотнень коряс Россиянь Банкось нолды ключевой ставканть коряс пресс-релиз. «Нежедемань» заседаниятнеде мейле пресс-релиздэ башка нолдави «Доклад о денежно-кредитной политике», ды Россиянь Банконь Председателесь ёвты вал пресс-конференциясо, косо ёвтни примазь решениядонть ды максы каршо вал журналисттнэнь кевкстемаст лангс[6].

Ключевой ставкань эффекттнэ

Банковской секторонь процентной ставкатнень лангс ключевой ставканть влияниязо сёрмадстневи ярмаконь-кредитэнь политикань истя меремс «процентной каналонть» трокс. Ключевой ставкань коряс решениятне полавтыть весе банкань максовкстнэнь. Россиянь банконть операционной целекс ашти ключевой ставканть маласо ярмаконь рынканть кирдемась. Россиянь банкось вишкалгавты RUONIA ставкань спредэнть (явовоманть) ды ключевой ставканть. Бути инфляциянь таргетированияс (руз.) (эрз. ютамсто спредэсь 2013—2014-це иетнестэ ульнесь 2 %, то ютамодо мейле, 2019-це иень прядовомас, сон киртявсь 0,5 %-с. Спредэнь вишкалгавтомась корты банковской секторонь ликвидностьсэ управлениянь эффективностензэ касомадо [7].

Ключевой ставканть полавтомазо сеске редяви банктнень кредитной ды депозитной ставкатнесэяк. Ансяк сон ловови аволь пешксекс: корпоративной кредиттнэнь сегментсэ ставкатнес кандови 50-стэ саезь 80 %-с ключевой ставканть полавтомазо, а розничной кредитэнь ды депозитэнь сегментнэсэ — 40 %-тэ а седе ламо. Банконь максовкстнэнь коряс процентной ставкатнень полавтомась саи зярыя шка, акенеремась моли кавто-колмо ковсто саезь вейке иес. Процентной каналонь эффектэнть авейкетьксчись неяви аволь ансяк максовкстнэсэ, сроктнэсэяк. Кредитэнь ды депозитэнь рынканть седе ламо сегментнэнь лангс нурька шкань ставкатне редить ключевой ставканть полавтоманзо седе куроксто, куватень шкансетнень коряс. Кредитэнь ды депозитэнь рынкань прявт сегменттнэсэ неяви покш авейкетьксчись ключевой ставканть тевс нолдамонзо коряс. Депозитэнь коряс ставкатне ключевой ставканть касоманзо редить седе састо сонзэ алкиньгадомадонзо коряс, се шкане кода кредитэнь рынкасо весе мекевлангт. Ансяк ключевой ставкань процентной каналонть аволь пешксечись ды авейкетьксчись а кортыть сонзэ алкине эффективностензэ ланга. Истят жо центральной банконь процентной ставкань ёнкст редявить лия экономикатнесэяк[8].

Россиянь банконть процентной политикась канды лепштямо макроэкономической динамиканть лангс ды учовты экономической агентнэнь. Теде башка, промышленной производствань индексэнь вайгельксэсь эрси аволь паро ды покш. Вайгельксэнть кувалмозо ускови зярыя шкас ды ёми колмо иень перть. Теде башка, редяви алкалгадома инвестициятнень покшолмаст, микшнемань-рамсемань покшолматне, экспортонть ды импортонть, реальной зарплататнень ды касы важодемавтомочись. Зярыя видэнь экономикань тевтнень потсо ключевой ставкань эффекттнэ эрсить аволь вейкеть. Экспортно-ориентированной сектортнэ Россиянь банконь ключевой ставканть а марясызьгак, сестэ кода потсо чарыця экономикань ёнксонь тевтне, истят, кода строительствась, мекевлангт, пек марить ключевой ставканть полавтоманзо. Истят жо эффектт редявить ключевой ставкань алкалгавтомсто. Процентной политикань чевтелгавтомась максы стимул деловой активностенть туртов. Ансяк ключевой ставканть коряс решениянь влияниянть лангс а эрси зеркальноекс: политиканть пштилгавтоманзо макроэкономической динамикась мари седе пек чевтелгавтоманть коряс[9].

Нейтральной ключевой ставка

Прявт кевкстематнеде вейкекс, кона токи куш кодамо центральной банконь процентной ставканть, карми сонзэ вейкетьксэнь значениязо. Вейкетьксэнь лемдить алкуксонь невтевкссэ «естественной» эли «нейтральной» процентной ставканть ярмаконь-кредитэнь политикасо, конань пингстэ пачкодеви нулевой явовксос потенциальной ды фактической ВВП-тнень ютксо, а инфляциясь ашти целевой ориентирэнть вакссо. Номинальной нейтральной ставкась вейкеть реальной нейтральной ставканть ды учовикс инфляциянть суммань покшолмантень. Инфляциянь учовкстнэнь пингстэ, конат вейкеть целевой ориентирэнть марто, нейтральной ставкась вейкетьсти центральной банконь инфляционной целенть марто. Кувака шкань перть вейкетьксчинть пингстэ Россиянь банконь ключевой ставкань невтевксэсь аштезэ 4 % иезэнзэ[10].

Реальной нейтральной ставкась содави экономиканть структурасо, финансовой ды аволь финансовой активтнес инвестициянь рисктнесэ, ды теке марто экономической агентнэнь анокчидест саемс сынст эсест лангс. Теде башка, нейтральной ставканть лангс лепштить целанек производствань тевдеемась, демографической условиятне, финансовой секторонь состояниясь, лия мастортнэсэ нейтральной ставкатнень невтевксэст. Нейтральной ставкась ашти а неявикс покшолмакс ды сонзэ туртов путозь питнетне, кода содави, пек ланга-пряват. Седе ламо тевтнесэ сынь максыть смустень ёнкс, аволь башка точка. Ставканть туртов максовиця питнесь ашти ламо фактортнэде ды полавтневи шканть марто. Нейтральной ставканть туртов жо максовиця питнесь эряви центральной банконтень ярмаконь-кредитэнь политиканть ёнксонзо кочкамонть туртов. Ключевой ставканть нейтральнойденть покшокс путомсто, Россиянь Банкось ютавты кеме политика. Нейтральнойденть алкинекс путомсто сонзэ политикась ловови стимулирующеекс. Нейтральной ключевой ставкантень питнень путомась истя жо эряви экономической агентнэнень, — кудоютконь тевтнень ветямсто ды фирматненень, — потребительской ды инвестиционной кевкстематнень пингстэ[11].

Россиясо ключевой ставкань полавтома

Россиянь банконь ключевой ставкань нейтральной значениянзо экспертной оценкатне аштить истямо диапазонсо: 1-сэ сазь 3 %-с. Сонсь Россиянь банкось 2016-це иень ванноматнень коряс макссь питне сонзэ диапазононтень кувака шкань перть 1 % ды нурька шкас 3 % ютксо[12]. Нейтральной ставкань оляксчинь питнень максоматне, косояк, истят жо эли седе алкинеть. Валютань раськеютконь фондось 2018-це иень прядовомсто макссь тензэ питне 1 ды 3 %-тнэнь ютксо, тень пингстэ седе ламо оценкатне чарасть 2 % малава[13]. «ВТБ Капиталонь» экономисттнэ арсить, нейтральной ставкась ашти 1,5 ды 2,5 %-нэнь ютксо[14]. 2020-це иентень Россиянь банкось моли 2—3 % кувака шкань реальной нейтральной ставкань туртов максозь питнестэ. Инфляциянь 4 %-с целевой ориентирэнть пингстэ номинальной нейтральной ключевой ставкась улезэ 6-сто саезь 7 %-с[10].

2024-це иень даволковонь 16-це чистэ Россиянь банконь директоронь советэсь ванстызе ключевой ставканть 16 % иезэнзэ[15].

2024-це иень чадыковонь 26-це чистэ Россиянь банкось кастызе средней ключевой ставкань седе тов молиця прогнозонть 2024-це ды 2025-це иетнестэ 15,0-16,0 %-с ды 10,0-12,0 %-с. «Бути дезинфляциянь процессэсь лоткавтови, арсетяно ули ключевой ставканть касомась», мерсь чадыковонь 26-це чистэ РФ-нь ЦБ-нь прявтось Эльвира Набиуллина. Сон тешкстызе, ЦБ-сь карми кирдеме ставканть сэреекс «зяро шка, зняро эряви кеме велявтомсто инфляциянть целевой невтевкстнэнень — 4 процентт». Россиянь банкось 4 % целевой невтевксэнтень велявтоманть учни сы иестэ. Тень пингстэ 2024-це иес Россиянь банконть инфляциянь прогнозозо кастозель 4-4,5 %-стэ 4,3-4,8 %-с[16].

2024-це иень кизна Герман Греф (руз.) (эрз. ды Андрей Костин россиянь банктнень прявттнэ яволявтсть, келя а учить паро последствият 4-5 %-с ключевой ставканть валгстомсто. Греф лемдизе истямо гипотетической решениянть «сигналокс весе банктнень, весе экономиканть туртов», марят «меельце шумбрасто арсиця институтось Центральной банк лем ало макссь кодамо-бути стака колавкс»[17].

2024-це иень медьковонь 26-це чистэ Россиянь банкось васенцеде 2023-це иень ацамковсто саезь кепедизе ключевой ставканть — 16 %-стэ 18 %-с иезэнзэ, умарьковсто Россиянь банкось ёвтнинзе тувталтнэнь, мекс ставкась кепедезель сеске 19-20 %-с медьковонь заседаниясонть. Ютксост — кувака шкань перть молиця инфляциясь ды производительтнень касомаст лоткамось[18].

2024-це иень умарьковонь прядовомсто Россиянь банкось витькстась, экономикась лоткась марямодо ключевой ставканть, мезесь веши регуляторонть эйстэ сы шкасто седеяк сонзэ полавтомс, яволявтсь ЦБ-нь зампредэсь Алексей Заботкин. Сон витькстась, неень ключевой ставканть сэрезэ малавикст рекорднойтненень, ансяк кортамс седе, што регуляторонь политикась ней сехте калгодо, аволь корректна[19].

2024-це иень таштамковонь 13-це чистэ Центральной банкось кастызе ключевой ставканть 18 %-стэ саезь 19 %-с иезэнзэ[20], бути инфляциясь сы иестэ карми малавгадомо 8 %-с, ключевой ставкась может касомс 23 %-с, яволявтсь ВТБ-нь правлениянь васенце зампредэсь Дмитрий Пьянов[21]. Ожоковсто Андрей Костин (руз.) (эрз. ВТБ-нь Прявтось ёвтась мель 2024-це иестэ ЦБ-нь ключевой ставканть касомадо 21 %-с[22].

2024-це иень ожоковонь 25-це чистэ Россиянь банкось кастызе ключевой ставканть 19-стэ 21 %-с иезэнзэ. Те мельга мельцек Россиянь ЦБ-нть колмоце ключевой ставкань кастомась, а 21 % — сонзэ сехте покш невтевксэзэ весе историянть перть. Теде икеле рекордной тешксэсь — 20 % — сасазель 2022-це иень даволковсто, военной операциядонть ушодомадо мейле ды ЦБ-нь омбо масторсо сырнень валютасо резерватнень кельмевтемадо мейле[23]. Калгодкстомозь Центробанконь ярмаконь-кредитэнь политикась — те аволь кольнема, а реакция сень лангс, мезе моли экономикасонть, яволявтсь ЦБ-нь председателесь Эльвира Набиуллина Госдумань финансовой рынкань комитетэнь заседаниясо. Сонзэ валонзо коряс, ЦБ-нь калгодкстомозь ярмаконь-кредитэнь политикась «вансты зарплататнень, пенсиятнень, пособиятнень ды путозь ярмактнень питнетнень касомадо», а покш инфляциясь канды лезэ ансяк се бизнесэнтень, конань товаронзо кармить рамсеме кода а кода[24].

2025-це иень даволковонь 14-це чистэ российской банктне марявиксстэ кирдизь заёмтнень Центральной банконть кедьстэ 1,79 трлн целковойс, мезесь кармась сехте алкине невтевксэкс 2024-це иень аштемковсто саезь. Те 43,4 %-с прамось корты седе: банктне а учить ключевой ставканть кастоманзо маласо заседаниясонть[25], шкань ютазь кармасть содамо, Россиянь банкось заседаниясонть кадызе ключевой процентной ставканть апак полавто - 21 % иезэнзэ[26].

2025-це иень эйзюрковонь 21-це чистэ Россиянь банкось колмоцеде иезэнзэ ванстызе ключевой ставканть 21 % иезэнзэ. Решениясь примазель таргонь инфляциянть ды населениянь ды предприятиятнень инфляционной учоматнень лангс апак вано[27].

2025-це иень чадыковонь 25-це чистэ Россиянь банконь директортнэнь советэсь примась решения ванстомс ключевой ставканть 21 % иезэнзэ. Те нилеце мельга мельцек молиця заседания, косо ставкась кадови апак полавто [28].

2025-це иень аштемковсто Россиянь банкось васенцеде 2022-це иень таштамковсто саезь валгстызе ключевой ставканть — 20 %-с иезэнзэ[3].

2025-це иень медьковонь 25-це чистэ ЦБ-сь таго весть валгстызе ставканть — 18 %-с иезэнзэ[4].

Мельть-арсемат

2024-це иень сундерьковсто Россиянь Центральной банконь прявтось Эльвира Набиуллина (руз.) (эрз. васенцеде ёвтынзе эсензэ мелензэ-арсеманзо ключевой процентной ставканть ды маласо иетнес инфляциянть коряс, сынст учовиця валгстомаст лангс невтезь. Государственной думасо кортамсто сон невтинзе Россиянь банконть прогнозонзо, конань коряс 2025-це иестэ ключевой ставкась карми 17-стэ саезь 20 %-с (сестэль — 21 %), а инфляциясь — 4,5-5 %. Седе тов арсеви, инфляциясь кадови косояк 4 % маласо, а 2027-це иес ключевой ставкась пры 7,5-8,5 %-с. Набиуллина тешкстызе, экономикась ашти велявтомань эскелькссэ, маласо ковтнестэ эряви учнемс корпоративной кредитной саематнень аламолгадомаст, мезесь, эсь ёндо, алкиньгавтсы сонзэ путовксонзо спросонь вейсэнь касомантень ды састыньгавтсы неень инфляциянть. Сон тешкстызе, те корты седе, ярмаконь-кредитэнь политикась окойники пачкодсь эрявикс сэрьс[29].

2025-це иень даволковонь 25-це чистэ ВТБ-сэ ёвтазель арсема, келя ключевой ставкась кадови 21 % весе иень перть. Банконь правлениянь васенце зампредэсь Дмитрий Пьянов лемдизе 2025-це иенть «кредитной манёврань иекс», теке шкане тешкстызе, физической лицятнень кредитованияст валгстомась карми молеме аволь административной мераматнень трокс, а потребительской кредитованиянть кардамосо[30].

2025-це иень даволковонь 28-це чистэ ВТБ-нь прявтось Андрей Костин тейсь икелев ёвтамо ЦБ-нь ключевой ставканть валгстомадо 19 %-с 2025-це иень омбоце пельксстэнть. «России 24» телеканалонь эфирсэ сон яволявтсь инфляциянь састыньгадоманть учомадо, кона малавгады тёкшос. Калгодкстомозь кредитной политиканть ды ЦБ-нь прогнозонзо лангс апак вано 19-22 % ставканть коряс, Костинэнь ули кемемазо иенть пес ставканть валгстомантень. Топ-менеджерэнть вановтонзо коряс, банктнень прибылест 2025-це иестэ валги 15-20 %-с[31].

2025-це иень чадыковонь 3-це чистэ Россиянь банконь прявтось Эльвира Набиуллина яволявтсь, 2025-це иестэ средней ключевой ставкась, ЦБ-нь прогнозонзо коряс, учневи косояк 19-22 % малава, тень пингстэ регуляторось ловны, сон карми ютамо малавикс те диапазононть алце границява[32].

2025-це иень чадыковонь 9-це чистэ Эльвира Набиуллина, Госдумасо кортамсто, яволявтсь, Центральной Банкось карми ключевой ставкань кевкстематнень коряс важодеме стамбаро. Набиуллина ледстизе, мелят инфляциясь тагояк эрязкадокшнось иенть ушодовомсто састыньгадоманть мейле, секскак ЦБ-сь ней арси важодемс седе састо[33]. Регуляторонь прявтось тешкстызе:

Ставканть валгстомо карматано пек састо. Эряви неемс, инфляционной састыньгадомась кеме. Ансяк ули од пелема — модамасторонь микшнемасо-рамсемасо тектонической айгематне. микшнемань торпингетне келемтевить сельменек икеле, ды зярс стака чарькодемс, мезес сынь ветясызь модамасторонь экономиканть ды мезе полавтыть Россиясо[34].

2025-це иень чадыковонь 21-це чистэ аналитиктне, конань кевкстнинзе РБК-сь, икелепелев ёвтасть, Россиянь банкось чадыковонь 25-це чинь заседаниясо, нать, ванстсы ключевой ставканть 21 % иезэнзэ нилецеде мельга мельцек. Ламот эксперттнэде арсить, марят ставкась кадови апак полавто, ансяк кой-кить ёвтыть мель ярмаконь-кредитэнь политиканть чевтемтемадо ды ставканть валгстомадо уш чадыковсто. Аргументтнэнь ютксо ставканть ванстоманзо лемс ёвтавить инфляциянть састыньгадомазо, ансяк кадовиця сэрей инфляционной учоматне населениянть ды бизнэсэнть, ды истя жо микшнемань тюрематне. Теке шкасто, кой-кона эксперттнэ невтить экономиканть экшендеманзо лангс, кредитованиянь састыньгадоманть ды М2 ярмаконь массанть алкалгадоманть, мезесь кармаволь ставкань валгстомань юрокс[35].

2025-це иень чадыковонь 25-це чистэ ВТБ-нь председателенть васенце полавтыцясь Дмитрий Пьянов Россиянь банконь сэрей ставканть каршо аравтызе экспериментальной антибиотик марто, мейсэ тешкстызе сонзэ кувака шкас ванстоманзо эрявиксчинть. Сонзэ валонзо коряс, а шкастонзо ярмаконь-кредитэнь политиканть чевтемтемазо ули истя жо аволь лезэвекс, кода орманенькстнэде симеме лоткамось. Пьянов тешкстызе, Россиянь экономикась 2022-це иеде мейле невти эсь койсэнзэ лия ёнов а молиця тев, ды Центральной банконтень а ёвтави те «антибиотикенть» симема шканть[36].

2025-це иень аштемковонь 2-це чистэ кармасть содамо, аналитиктнень колмоце пельксэсь аштемковонь 6-це чистэ учи Россиянь банконть пельде ключевой стаканть валгстоманть. РБК-нь консенсус-прогнозонь 10 30 участниктнеде ловить, келя ставкась паряк валгстови 19 %-с, се шкастонть, кода седе ламотне (20 30-тнень эйстэ) арсить, сон лияды теке 21 %, ансяк седе чевте сигнал марто. Ставкань валгстомань прявт факторокс ашти инфляциянь кеме валгомась, куш инфляционной учоматне кадовить сэреекс. Россиянь банконь зампредэсь Филипп Габуния яволявтсь сыця заседаниясонть эрьва кодамо вариантто. Финансонь министрась Антон Силуанов истя жо ёвтась мель ставканть валгстомадо, инфляциянть паро ёнов велявтоманзо лангс ванозь. Ансяк ламот эксперттнэде невтить сеть пелемачитнень лангс, конат сюлмавозь важодемань рынканть, инфляциянть ды бюджетной политиканть марто, мезесь путы пирявкст аштемковсто ставканть валгстомантень[37].

2025-це иень аштемковонь 6-це чистэ Россиянь банкось валгстызе ключевой ставканть 21 %-стэ 20 %-с иезэнзэ, мезесь кармась васенце чевтемгавтомакс 2022-це иень таштамковсто саезь ярмаконь-кредитэнь политикасо. Те решениясь примазель инфляциянть стабилизациянзо марто ды экономиканть экшендеманзо ды кредитованиянть марто. Куш седе ламотне аналитиктнень эйстэ учость 21 %-сэ ставкань ванстоманть, финансонь ды экономической кастомань министратне ёвтасть мель сонзэ валгстомадо. Даннойтнень коряс, Россиясо инфляциясь кармась састыньгадомо, зярдо чадыковсто сасызе 10,23 %-нэнь ды 9,66 %-нэнь аштемковонь ушодовомсто. Целковоенть кемечизэ истя жо лездась питнетнень валгстомасо. Аналитиктне учить седе товгак 2025-це иестэ ключевой ставкань валгстоманть, косояк 14-15 % иенть пес[38].

2025-це иень аштемковонь 27-це чистэ икелень Россиянь премьер-министрась Сергей Степашин яволявтсь, ЦБ-нь молиця ключевой ставкась 20 %-с пек сэрей промышленностенть туртов, ды каршо аравтызе ситуациянть 1999-це ие марто, зярдо ставкась пачколесь 60 %-с. Сон тешкстызе, 1999-це иень инфляциясь ульнесь малав 36,5 %, а экономической условиятне ульнесть лият. 2025-це иень аштемковсто ЦБ-сь васенцеде 2022-це иень таштамковсто саезь валгстызе ставканть 21 %-стэ 20 %-с, иенть пес инфляциянть валгстоманзо учозь 7-8 %-с[39].

2025-це иень медьковонь 2-це чистэ Россиянь банконь Финансовой конгрессэ ЦБ-нь прявтось Эльвира Набиуллина яволявтсь, регуляторось неи инфляциянть састыньгадоманть учоматнеде седе куроксто, ансяк зярс сон цельденть седе покш; инфляциянть састыньгадомазо цельденть седе алкинекс улемстэ лезды седе куроксто валгстомс ключевой ставканть[40].

Россиясо ключевой ставкань смустень история

Ключевой ставкань статистика (панжозь таблица):

Первоисточник: сайт Банка России (руз.). — даннойтнень база.

Кодамо шкасто важоди Иень зяро % Полавтома
17.09.2013 — 02.03.2014 5,5 —
03.03.2014 — 27.04.2014 7,0 ↗ 1,5
28.04.2014 — 27.07.2014 7,5 ↗ 0,5
28.07.2014 — 04.11.2014 8,0 ↗ 0,5
05.11.2014 — 11.12.2014 9,5 ↗ 1,5
12.12.2014 — 15.12.2014 10,5 ↗ 1,0
16.12.2014 — 01.02.2015 17,0 ↗ 6,5
02.02.2015 — 15.03.2015 15,0 ↘ 2,0
16.03.2015 — 04.05.2015 14,0 ↘ 1,0
05.05.2015 — 15.06.2015 12,5 ↘ 1,5
16.06.2015 — 02.08.2015 11,5 ↘ 1,0
03.08.2015 — 13.06.2016 11,0 ↘ 0,5
14.06.2016 — 18.09.2016 10,5 ↘ 0,5
19.09.2016 — 26.03.2017 10,0 ↘ 0,5
27.03.2017 — 01.05.2017 9,75 ↘ 0,25
02.05.2017 — 18.06.2017 9,25 ↘ 0,5
19.06.2017 — 17.09.2017 9,0 ↘ 0,25
18.09.2017 — 29.10.2017 8,5 ↘ 0,5
30.10.2017 — 17.12.2017 8,25 ↘ 0,25
18.12.2017 — 11.02.2018 7,75 ↘ 0,5
12.02.2018 — 25.03.2018 7,5 ↘ 0,25
26.03.2018 — 16.09.2018 7,25 ↘ 0,25
17.09.2018 — 16.12.2018 7,5 ↗ 0,25
17.12.2018 — 16.06.2019 7,75 ↗ 0,25
17.06.2019 — 28.07.2019 7,5 ↘ 0,25
29.07.2019 — 08.09.2019 7,25 ↘ 0,25
09.09.2019 — 27.10.2019 7,0 ↘ 0,25
28.10.2019 — 15.12.2019 6,5 ↘ 0,5
16.12.2019 — 09.02.2020 6,25 ↘ 0,25
10.02.2020 — 26.04.2020 6,0 ↘ 0,25
27.04.2020 — 21.06.2020 5,5 ↘ 0,5
22.06.2020 — 26.07.2020 4,5 ↘ 1,0
27.07.2020 — 21.03.2021 4,25 ↘ 0,25
22.03.2021 — 25.04.2021 4,5 ↗ 0,25
26.04.2021 — 14.06.2021 5,0 ↗ 0,5
15.06.2021 — 25.07.2021 5,5 ↗ 0,5
26.07.2021 — 12.09.2021 6,5 ↗ 1,0
13.09.2021 — 24.10.2021 6,75 ↗ 0,25
25.10.2021 — 19.12.2021 7,5 ↗ 0,75
20.12.2021 — 13.02.2022 8,5 ↗ 1,0
14.02.2022 — 27.02.2022 9,5 ↗ 1,0
28.02.2022 — 10.04.2022 20,0 ↗ 10,5
11.04.2022 — 03.05.2022 17,0 ↘ 3,0
04.05.2022 — 26.05.2022 14,0 ↘ 3,0
27.05.2022 — 13.06.2022 11,0 ↘ 3,0
14.06.2022 — 24.07.2022 9,5 ↘ 1,5
25.07.2022 — 18.09.2022 8,0 ↘ 1,5
19.09.2022 — 23.07.2023 7,5 ↘ 0,5
24.07.2023 — 14.08.2023 8,5 ↗ 1,0
15.08.2023 — 26.10.2023 12,0 ↗ 3,5
27.10.2023 — 15.12.2023 15,0 ↗ 3,0
15.12.2023 — 25.07.2024 16,0 ↗ 1,0
27.07.2024 — 13.09.2024 18,0 ↗ 2,0
13.09.2024 — 25.10.2024 19,0 ↗ 1,0
25.10.2024 — 06.06.2025 21,0 ↗ 2,0
06.06.2025 — 25.07.2025 20,0 ↘ 1,0
25.07.2025 — неень шкас 18,0 ↘ 2,0

Тешкставкст

  1. ↑ Введение ключевой ставки ЦБ России и ее изменения, РИА Новости. Ваннозь 14 Умарьковонь 2025.
  2. ↑ Ключевая ставка - что это простыми словами - Российская газета, Российская газета (19 Ацамков 2024). Ваннозь 14 Умарьковонь 2025.
  3. ↑ 1 2 Банк России снизил ключевую ставку впервые с 2022 года (руз.). www.forbes.ru. Дата обращения: 14 Умарьковонь 2025.
  4. ↑ 1 2 Центробанк снизил ключевую ставку второй раз подряд, РБК. Ваннозь 14 Умарьковонь 2025.
  5. ↑ Система инструментов денежно-кредитной политики. Банк России (2019). Дата обращения: 14 Умарьковонь 2025. Архивировано 20 Умарьковонь 2019 года.
  6. ↑ Решение Банка России по ключевой ставке: процесс подготовки и коммуникация. Банк России (2019). Дата обращения: 14 Умарьковонь 2025. Архивировано 20 Умарьковонь 2019 года.
  7. ↑ Станик и Крайнюков, 2020, с. 23.
  8. ↑ Егоров и Борзых, 2018, с. 115.
  9. ↑ Пестова и др., 2019, с. 65.
  10. ↑ 1 2 Евдокимова, Жирнов, 2020, с. 11.
  11. ↑ Банк России, 2019, с. 16.
  12. ↑ Крепцев и др., 2016, с. 33.
  13. ↑ IMF, 2019, p. 14.
  14. ↑ Isakov A., Latypov R. The Ibsen Manoeuvre: Yet Another R* Estimate // VTB Capital Research Alert (Very) Technical Brief Series. — 2019. — 15 Медьковонь.
  15. ↑ Жестко стелет: почему ЦБ сохранил ключевую ставку на уровне 16 процентов. Профиль (16 Даволковонь 2024). Дата обращения: 14 Умарьковонь 2025.
  16. ↑ Ставка может быть больше. Журнал "Эксперт" (26 Чадыковонь 2024).
  17. ↑ Костин и Греф назвали «ужасом» и «сбоем» снижение ставки до 4–5%, РБК. Ваннозь 14 Умарьковонь 2025.
  18. ↑ В ЦБ раскрыли детали обсуждения роста ставки до 19–20%, РБК. Ваннозь 14 Умарьковонь 2025.
  19. ↑ ЦБ признал снижение чувствительности экономики к ключевой ставке, РБК. Ваннозь 14 Умарьковонь 2025.
  20. ↑ Центробанк повысил ключевую ставку до 19% годовых, РБК (13 Таштамков 2024). Ваннозь 14 Умарьковонь 2025.
  21. ↑ В ВТБ описали сценарий с ростом ключевой ставки до 23%, РБК. Ваннозь 14 Умарьковонь 2025.
  22. ↑ Глава ВТБ допустил повышение ключевой ставки ЦБ до 21% в 2024 году, Interfax.ru (16 Ожоков 2024). Ваннозь 14 Умарьковонь 2025.
  23. ↑ ЦБ поднял ставку выше кризисного уровня 2022 года, РБК. Ваннозь 14 Умарьковонь 2025.
  24. ↑ Набиуллина объяснила, почему ЦБ повышает ключевую ставку, РБК. Ваннозь 14 Умарьковонь 2025.
  25. ↑ Банки не заложили новое повышение ставки ЦБ в феврале, РБК. Ваннозь 14 Умарьковонь 2025.
  26. ↑ Банк России сохранил ключевую ставку на уровне 21% годовых, РБК. Ваннозь 14 Даволковонь 2025.
  27. ↑ ЦБ в третий раз подряд сохранил ключевую ставку 21%, РБК. Ваннозь 14 Умарьковонь 2025.
  28. ↑ ЦБ сохранил ключевую ставку 21% в четвертый раз подряд, РБК. Ваннозь 14 Умарьковонь 2025.
  29. ↑ В ЦБ представили «план Набиуллиной» по снижению ключевой ставки, Life.ru (19 Сундерьков 2024). Ваннозь 14 Умарьковонь 2025.
  30. ↑ В ВТБ предсказали ключевую ставку на 2025 год, Lenta.RU. Ваннозь 14 Умарьковонь 2025.
  31. ↑ Глава ВТБ спрогнозировал снижение ключевой ставки в 2025 году, РБК. Ваннозь 14 Умарьковонь 2025.
  32. ↑ Набиуллина дала прогноз по средней ключевой ставке на 2025 год, РБК Инвестиции. Ваннозь 14 Умарьковонь 2025.
  33. ↑ ЦБ будет аккуратно подходить к вопросу снижения ключевой ставки, TACC. Ваннозь 14 Умарьковонь 2025.
  34. ↑ Банк России будет учитывать в решении по ключевой ставке новый риск, РБК Инвестиции. Ваннозь 14 Умарьковонь 2025.
  35. ↑ Эксперты предсказали сохранение ставки ЦБ 21% четвертый раз подряд, РБК. Ваннозь 14 Умарьковонь 2025.
  36. ↑ В ВТБ сравнили высокую ключевую ставку с «экспериментальным антибиотиком», РБК. Ваннозь 14 Умарьковонь 2025.
  37. ↑ Треть аналитиков поставили на снижение ключевой ставки уже в июне, РБК. Ваннозь 14 Умарьковонь 2025.
  38. ↑ Банк России снизил ключевую ставку впервые за три года, РБК. Ваннозь 14 Умарьковонь 2025.
  39. ↑ Степашин сравнил ситуацию с ключевой ставкой сейчас и в 1999 году, РБК. Ваннозь 14 Умарьковонь 2025.
  40. ↑ На Финансовом конгрессе Банка России обсуждали замедление экономики и снижение ставки, BFM.ru (2 Медьков 2025). Ваннозь 14 Умарьковонь 2025.

Литература

Ссылкат

Саезь "https://myv.ruwiki.ru/w/index.php?title=Россиясо_ключевой_ставка&oldid=541390"-стэ