Силуанов, Антон Германович

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Силуанов.
Антон Германович Силуанов
Anton Siluanov (2019-09-25).jpg
Флаг
Россиянь Федерациянь
финансонь министра
Флаг
 2011-це иень ацамковонь 16-це чистэ саезь
Правительствань Прявтось Владимир Путин
Виктор Зубков (нурька шкас прявтонь тевтнень топавтыця)
Дмитрий Медведев
Михаил Мишустин
Андрей Белоусов (нурька шкас прявтонь тевтнень топавтыця)
Михаил Мишустин
Президентэсь Дмитрий Медведев
Владимир Путин
Кие ульнесь сонзэ икеле Алексей Кудрин
2011-це иень таштамковонь 27-це чистэ
саезь ацамковонь 16-це чис, 2012-це иень
панжиковонь 7-це чистэ саезь 21-це чис,
2018-це иень панжиковонь 8-це чистэ саезь
18-це чис, 2020-це иень якшамковонь 15-це чистэ
саезь 21-це чис, 2014-це иень панжиковонь
7-це чистэ саезь 13-це чис — нурька шкас
прявтонь тевтнень топавтыця
Флаг
Россиянь Федерациянь Правительствань Прявтонь васенце полавтыця — Россиянь Федерациянь финансонь министра
Флаг
2018-иень панжиковонь 18-це чистэ саезь — 2020-це иень якшамковонь 15-це чис
Правительствань Прявтось Дмитрий Медведев
Михаил Мишустин
Президентэсь Владимир Путин
Кие ульнесь сонзэ икеле должностесь кемекстазь,
Игорь Шувалов кода Россиянь Федерациянь Правительствань Прявтонь васенце полавтыця
Тевень поладыцясь должностесь киртязь,
Андрей Белоусов кода Россиянь Федерациянь Правительствань Прявтонь васенце полавтыця
2020-це иень якшамковонь 15-це чистэ саезь
21-це чис — нурька шкас прявтонь тевтнень топавтыця
Чачома чизэ

1963-це иень чадыковонь
12-це чистэ


Москов ош, СССР
Тетязо Герман Михайлович Силуанов[d]
Партиязо Единой Россия
Тонавтнемазо Московонь финансонь институт
Учёной степенезэ экономикань наукань доктор (2012-це ие)
Профессиязо финансист
Важодемазо финансы[d] ды политика[d]
Казнензэ
Военной служамозо
Званиязо Действительный государственный советник РФ 1 класса (Минобороны)г.png
Россиянь Федерациянь
1-це классонь действительной государственной советник
Важодема тарказо
Commons-logo.svg Антон Германович Силуанов

Анто́н Ге́рманович Силуа́нов (1963-це иень чадыковонь 12-це чи, Москов ош, СССР) — Россиянь государственной важодиця, экономист. 2011-це иестэ саезь Россиянь Федерациянь финансонь министра[lower-alpha 1]; Россиянь Федерациянь Зыянтомочинь советс совиця (2011-це иестэ саезь). Россиянь Федерациянь Правительствань Прявтонь полавтыця, 2018-це иестэ саезь 2020-це иес Россиянь Федерациянь финансонь министра[lower-alpha 2]. Россиянь Федерациянь 1-це классонь действительной государственной советник (2008-це ие). Экономикань наукань доктор (2012-це ие).

Эрямокизэ

[витнемс | витнемс-петнемс лисьмапрянзо]
G20 вейсэндявксонь масторонь ды правительствань прявттнэнь важодемань промксонь ушодовомадо икеле, 2011-це иень сундерьковонь 3-це чи. Медведев, Силуанов, Сторчак, Дворкович

Антон Силуанов чачсь Московсо 1963-це иень чадыковонь 12-це чистэ Московсо Герман Михайлович ды Янина Николаевна Силуановт профессиональной финансисттнэнь кудораськесэ.

1985-це иестэ Силуанов «Финанст ды кредитт» специальностенть коряс прядызе Московонь финансонь институтонть.

1985-це иень умарьковсто саезь 1987-це иень эйзюрковс — «Гипрорыба» государственной институтсо экономист, РСФСР-нь финансонь министерствань старшей экономист.

1987-це иень эйзюрковсто саезь 1989-це иень панжиковс ютась военной служамо Советской Армиясо.

1989-це иень панжиковсто саезь 1992-це иень якшамковс — РСФСР-нь финансонь министерствань ведущей экономист, 1-це категориянь экономист, ведущей экономист, подотделэнь прявтонь полавтыця, консультант.

1992-це иень даволковсто — Россиянь Федерациянь экономикань ды финансонь министерствань отделэнь прявтонь полавтыця.

1992-це иень даволковсто саезь 1997-це иень ожоковс Силуанов — Россиянь Федерациянь финансонь министерствань бюджетэнь управлениянь отделэнь прявтонь полавтыця, бюджетэнь департаментэнь прявтонь полавтыця — отделэнь прявт, министерствав сась тетянзо кармавтоманть коряс[1].

1994-це иестэ Силуанов идизе «Государстванть бюджетэнь политиказо микшнемань сюлмавоматненень ютамсто: Россиянь Федерациянь невтеманть лангсо» («Бюджетная политика государства в условиях перехода к рыночным отношениям: На примере Российской Федерации») экономикань наукань кандидатонь диссертациянзо (специальностесь — 08.00.10 «Финанст, ярмаконь сюлмавомат ды кредит»)[2].

1997-це иень ожоковсто саезь 2003-це иень медьковс — Россиянь Федерациянь финансонь министерствань макроэкономикань политикань ды банконь тевень департаментэнь прявт.

2001-це иень эйзюрковонь 22-це чистэ саезь — Россиянь Федерациянь финансонь министерствань коллегияс совиця.

2003-це иень медьковсто саезь 2004-це иень панжиковс — Россиянь Федерациянь финансонь министрань полавтыця.

2004-це иень панжиковсто саезь 2005-це иень ацамковонь 12-це чис — Россиянь Федерациянь финансонь министерствань межбюджетной сюлмавомань департаментэнь прявт.

2005-це иень ацамковонь 12-це чистэ саезь — Россиянь Федерациянь финансонь министрань полавтыця.

2011-це иень таштамковонь 27-це чистэ саезь — Россиянь Федерациянь финансонь министрань нурька шкас прявтонь тевтнень топавтыця.

2011-це иень ацамковонь 16-це чистэ аравтозь Россиянь Федерациянь финансонь министракс[3] ды совавтозь Россиянь Федерациянь Зыянтомочинь советс[4].

2012-це иестэ Силуанов идизе «Россиясо федерализмань кастоманть пингстэ межбюджетной сюлмавоматне» («Межбюджетные отношения в условиях развития федерализма в России») теманть коряс экономикань наукань докторонь диссертациянзо (специальностесь — 08.00.10 «Финанст, ярмаконь сюлмавомат ды кредит»). Официальной оппоненттнэ — А. А. Аганбегян экономикань наукань докторось, профессорось, С. Г. Синельников-Мурылёв экономикань наукань докторось ды Л. Н. Лыкова экономикань наукань докторось, профессорось. Прявт организациясь — Экономикань тёкш школась[5].

2013-це иень якшамковсто саезь — РФ-нь Правительстванть пингстэ финансонь университетэнь финансонь ды экономикань факультетэнь прявт.

2015-це иень якшамковсто РФ-нь Правительстванть пельде Силуанов совавтозь Россиянь Сбербанконь ваномань советс[6].

2016-це иестэ кадызе «Единой Россия» партиянь высшей советэнть (ульнесь совицякс 2012-це иестэ саезь).

2017-це иень чадыковсто Силуанов аравтозь ВТБ банконь ваномань советэнь прявтокс.

2018-це иень панжиковонь 18-це чистэ Владимир Путин Россиянь Президентэнь кармавтомасо аравтозь Россиянь Федерациянь Правительствань Прявтонь васенце полавтыцякс — Россиянь Федерациянь финансонь министракс[7].

2020-це иень якшамковсто Дмитрий Медведевень омбоце Правительстванть отставкадо мейле кадовсь васенце вице-премьерэнь таркавтомо[8], тень пингстэ ванстызе финансонь министрань тарканть.

2024-це иень панжиковонь 14-це чистэ Госдумасо одов кемекстазь Россиянь Федерациянь финансонь министрань таркас[9], теке чистэнть РФ-нь Президентэсь тешкстызе аравтомадо кармавтоманть[10].

Мелень-арсемань ёвтамот

[витнемс | витнемс-петнемс лисьмапрянзо]

2018-це иестэ Силуанов ульнесь Россиясо пенсиянь иетнень кастомань законь мелень-арсемань прявт ёвтыцятнень эйстэ вейкекс. Те арсемась пек эзь вечкеве эрицятненень, виевгавтозь 2018-це иень Масторлангонь пильгеоскань чемпионатонь ютавтомань кекшемань лувсо апак учонь ды бойкасто ютавтовиця законопроектсэ. Чемпионатонь ютавтомань ды реформань ютавтомань «апак учонь» тевесь, одкстомтоманть ланга весеме ёндо «пси кортамось», пенсиянь системасо учовиця полавтоматнеде эрицятнень пельде стака «апак учонь» кортамотне покордызь Россиянь эрицятнень[11].

РФ-нь финансонь министракс улемстэ Силуанов ловови Москов — Казань чугункань кинь покш скоростень магистралень теварсевксэнть прявт критикекс ды лоткавтыцякс[12][13].

2019-це иень чадыковсто Силуанов ёвтась мель совавтомс школань тонавтомас эсь бизнесэнь теемадо тонавкст[14].

2019-це иестэ Силуанов мольсь Андрей Костин ВТБ банконь прявтонть каршо, кона вешсь алкиньгавтомс вишка доход марто Россиянь эрицятнень, вишка ды средней бизнесэнь предприятиятнень туртов налогонть[15].

2020-це иестэ Силуанов лемдизе Россиясо важодеманть лангс налогонь тевенть пек покшокс. Закононь коряс Россиясо важодемань максыцянтень ярмаконь пандоманть эйстэ эряви каямс важодицянзо кис 30%-нь покшолмасо страховой пандовкс. 22 % кучовить РФ-нь Пенсиянь фондс, 5,1 % — медицинань страхованияс, 2,9 % — социальной страхованияс. Теке марто важодицянть ярмаконь пандомасто кирдевить физической ломантнень доходост лангс 13 %. Истят покш налогтне сюлмазь сень марто, Россиясо важодемань кис ярмаконь кекшезь пандомась («конвертсэ» пандомась) Валовой внутренней весе продуктанть (ВВП-нть) эйстэ 13 %. Россиясо важодеманть лангс налогонь вейсэнь ставкась масторлангсо ловови сех покштнень ютксто вейкекс, те куншкань масштабонь предприятиянь коммерциянь прибыленть эйстэ 36,6 %. Карадо-каршонь ванноматне невтсть, Казахстансо важодеманть лангс вейсэнь налогтнень ставкась ансяк 10,1 %, США-со — 9,8 %, Канадасо — 12,7 %, Германиясо — 21,5 %, Великобританиясо — 12 %. Россиянь Правительстванть пельде налогтнень алкиньгавтомань анолдамонть Силуанов финансонь министрась ёвтызе кода федеральной бюджетэнь коламонзо пелеманть ды РФ-нь Пенсиянь фондсо «варянь» учовиця теевеманть марто[16].

Кудораськезэ

[витнемс | витнемс-петнемс лисьмапрянзо]

Тетязо — Герман Михайлович Силуанов (чачсь 1937-це иень даволковонь 25-це чистэ), 1961-це иестэ прядызе Экономикань Московонь государственной институтонь «Финанст» факультетэнть, косо тонавтнемань иетнестэ ульнесь факультетэнь комсомолонь вейсэндявксонь секретарень полавтыцякс. Герман ульнесь колмо прядыцятнень эйстэ вейкекс, конань институтонь прядомадо мейле кадызь Московсо ды кучизь СССР-нь КГБ-в. Тосо сон важодсь аволь куватьс ды Раиса Васильевна Гужкова факультетэнь прявтонть кармавтоманзо коряс кучозель СССР-нь финансонь министерствав Иван Васильевич Гужков мирдензэ прявтсо важодеманть алов, промышленностень финансированиянь управленияв. Ульнесь комсомолонь активистэкс, Минфинсэ стенгазетань редколлегияс совицякс. 1991-це иентень кармась РСФСР-нь Минфинэнь отделэнь прявтокс[1], 1996-це иестэ ульнесь РФ-нь финансонь министерствань кредитэнь ды ярмаконь сюлмавомань департаментэнь прявтонь полавтыцякс, 1996-це иестэ тусь пенсияв. Курок те департаментэнть вейсэндизь макроэкономикань политикасо важодиця лия департаментэнть марто, секскак теезель макроэкономикань ды банконь од департамент, конань прявтокс кармась Антон Силуанов.

Авазо — Янина Николаевна Силуанова (чачсь 1936-це иень якшамковонь 20-це чистэ), важодсь «Финанст ды статистика» издательствасо, седе тов ульнесь РФ-нь финансонь министерствань государственной университетэнь редакциянь ды изданиянь отделэнь важодицякс. Антон Силуановонь ули Всеволод ялаксозо (чачсь 1976-це иень даволковонь 18-це чистэ), теке марто сон РФ-нь финансонь министерствань важодиця[17][18].

Урьвакстозь, ансяк 2016-це иестэ Силуановонь доходтнэде декларациясто ёмась нинзэ ланга информациясь[19].

Глеб цёразо (чачсь 1999-це иестэ), РФ-нь Правительстванть пингстэ финансонь университетэнь тонавтниця, Од политикень школань прядыця, мотоцикласо ардтниця[17][18][20].

Алексей цёразо. 2023-це иестэ саезь — «Аэрофлот» авиакомпаниясо Региононь кастомань департаментэнь прявт[21].

Вечкевикс тевть

[витнемс | витнемс-петнемс лисьмапрянзо]

Антон Силуанов вечки мотоцикласо ардтнеманть ды ведьало охотямонть, пурны грампластинкат. Содасы немецень келенть[18].

Ёвтась, салава ульнесь соцсеттнесэ ды ветясь аккаунтт «Facebook»-со ды «Instagram»-со, ансяк ветясь сынст аволь алкуксонь лем ало: «Монсь малав а сёрмадан, ялгатнеде монь тосо сех аламо ─ ниленьгеменде аволь седе ламо ломанть. Соцсеттнесэ монень вечкеви событиятнень кортнемась, совицятнень мельполадксост».

Казнеть

[витнемс | витнемс-петнемс лисьмапрянзо]
  • «Масторонть икеле теевкстнэнь кис» III-це степенень орден (2013-це иень чадыковонь 15-це чи) — финансонь государственной политикань ютавтомасо покш путовксонть ды ламо иень паро важодеманть кис[22].
  • «Масторонть икеле теевкстнэнь кис» IV-це степенень орден (2011-це иень даволковонь 2-це чи) — важодемасо покш теевкстнэнь ды ламо иень паро важодеманть кис.
  • «Масторонть икеле теевкстнэнь кис» I-це степенень орденэнь медаль (2007-це иень чадыковонь 13-це чи) — экономикасо ды финансонь тевсэ теевкстнэнь кис[23].
  • Россиянь Федерациянь Президентэнь Шнамо конёв (2010-це иень сундерьковонь 18-це чи) — электронной информациянь кандтниця омбомасторонь паспорттнэнь эсь шкастонзо тевс нолдамонть кис[24].
  • Россиянь Федерациянь Президентэнь Сюконямо вал (2012-це иень таштамковонь 1-це чи) — экономикасо, финансонь тевсэ ды ламо иень паро важодеманть кис.
  • Россиянь Федерациянь Президентэнь Сюконямо вал (2002-це иень таштамковонь 6-це чи) — экономикасо ды финансонь тевсэ теевкстнэнь кис.
  • Россиянь Федерациянь финансонь министерствань Шнамо конёв (2001-це ие).
  • Россиянь Федерациянь финансонь министрань Сюконямо вал (2002-це ие).
  • «Полярной Теште» орден (Якутия)[25].
  • «Дуслык» орден (Татарстан, 2015-це ие)[26].
  • «Чечнянь Республиканть икеле теевкстнэнь кис» медаль (2008-це иень сундерьковонь 24-це чи) — Чечнянь Республикасо финансонь государственной политикань ютавтомас покш путовксонть кис[27].
  • «Карелия Республиканть икеле теевкстнэнь кис» (2020-це иень аштемковонь 8-це чи) — Карелия Республиканть ды эрицянзо икеле теевкстнэнь, республикань социальной ды экономикань кастомас покш путовксонть ды Карелия Республикань теевемстэ 100 иень тешкстамонь Анокстамонь государственной комиссиясо паро важодеманть кис[28].

Публикацият

[витнемс | витнемс-петнемс лисьмапрянзо]
  • Межбюджетные отношения в условиях развития федерализма в России. — М.: Дело, 2011. — 295 с. : ил., табл.; ISBN 978-5-7749-0660-4

Тешкставкст

[витнемс | витнемс-петнемс лисьмапрянзо]
  1. ↑ 2011-це иень ацамковонь 16-це чистэ саезь; 2011-це иень таштамковонь 27-це чистэ саезь ацамковонь 16-це чис, 2012-це иень панжиковонь 8-це чистэ саезь 12-це чис, 2018-це иень панжиковонь 8-це чистэ саезь 18-це чис ды 2020-це иень 15-це чистэ саезь 18-це чис — министрань нурька шкас тевтнень топавтыця.
  2. ↑ 2018-це иень панжиковонь 18-це чистэ саезь 2020-це иень якшамковонь 15-це чис, 2020-це иень якшамковонь 15-це чистэ саезь
    21-це чис — нурька шкас тевтнень топавтыця.
  1. ↑ 1 2 Постановление Совета Министров РСФСР от 08.11.1991 № 594. Дата обращения: 15 Медьковонь 2018. Архивировано 15 Медьковонь 2018 года.К:Рувики:Cite web (не указан язык)
  2. ↑ Силуанов, Алексей Германович. Бюджетная политика государства в условиях перехода крыночным отношениям: На примере Российской Федерации: диссертация … кандидата экономических наук : 08.00.10. — Москва, 1994. — 139 с.
  3. ↑ Медведев назначил Антона Силуанова министром финансов / РИА Новости. Дата обращения: 16 Ацамковонь 2011. Архивировано 16 Ацамковонь 2011 года.
  4. ↑ Указ Президента Российской Федерации от 16 декабря 2011 года № 1630. Дата обращения: 17 Ацамковонь 2011. Архивировано 30 Аштемковонь 2014 года.К:Рувики:Cite web (не указан язык)
  5. ↑ Силуанов, Антон Германович. Межбюджетные отношения в условиях развития федерализма в России: автореферат дис. … доктора экономических наук: 08.00.10 / Силуанов Антон Германович; [Место защиты: Рос. акад. нар. хоз-ва и гос. службы при Президенте РФ]. — Москва, 2012. — 42 с.
  6. ↑ «Ведомости»: Силуанов и Улюкаев войдут в набсоветы Сбербанка и ВТБ. Дата обращения: 30 Якшамковонь 2015. Архивировано 31 Якшамковонь 2015 года.
  7. ↑ Kremlin.ru. Рабочая встреча с Председателем Правительства Дмитрием Медведевым(руз.). Архивировазь 30 Ожоковонь 2020 чистэ.
  8. ↑ Правительство РФ подало в отставку. Дата обращения: 15 Якшамковонь 2020. Архивировано 15 Якшамковонь 2020 года.
  9. ↑ Госдума утвердила Силуанова на должность главы Минфина. РИА "Новости" (14 Панжиковонь 2024). Дата обращения: 14 Панжиковонь 2024.
  10. ↑ Президент подписал указы о назначении членов Правительства Российской Федерации и директоров служб. kremlin.ru (14 Панжиковонь 2024). Дата обращения: 14 Панжиковонь 2024.
  11. ↑ Коммерсантъ, 30 июля 2018. Протесты ушли на пенсию. Москва отозвалась на непопулярную реформу двумя митингами
  12. ↑ Силуанов скептически относится к проекту высокоскоростной магистрали Москва - Казань. ТАСС (25 Ацамковонь 2018). Дата обращения: 25 Ацамковонь 2018. Архивировано 25 Ацамковонь 2018 года.
  13. ↑ Коммерсантъ, 28 января 2019. Минфин тормозит высокоскоростные магистрали. Дата обращения: 19 Даволковонь 2019. Архивировано 20 Даволковонь 2019 года.
  14. ↑ Силуанов предложил ввести в школах курс по пропаганде создания бизнеса. РИА Новости (20190419T1112+0300Z). Дата обращения: 22 Чадыковонь 2019. Архивировано 22 Чадыковонь 2019 года.
  15. ↑ Матиас Брюггманн. Ведущий банкир России Андрей Костин: «Все боятся санкций». Handelsblatt (18 Сундерьковонь 2019). Дата обращения: 21 Даволковонь 2020. Архивировано 21 Даволковонь 2020 года.
  16. ↑ Силуанов назвал «запредельной» налоговую нагрузку на труд. Когда будет возможно снижение страховых взносов и за чей счёт. Росбизнесконсалтинг (20 Даволковонь 2020). Дата обращения: 21 Даволковонь 2020. Архивировано 11 Умарьковонь 2020 года.
  17. ↑ 1 2 Силуанов, Антон Германович. Министр финансов РФ. ТАСС (2017). Дата обращения: 31 Ацамковонь 2017. Архивировано 31 Ацамковонь 2017 года.
  18. ↑ 1 2 3 Силуанов, Антон. Министр финансов РФ. Lenta.ru (1 Якшамковонь 2013). Дата обращения: 31 Ацамковонь 2017. Архивировано 26 Чадыковонь 2017 года.
  19. ↑ Из декларации Силуанова исчезла информация о супруге. РБК (15 Чадыковонь 2016). Дата обращения: 12 Таштамковонь 2018. Архивировано 13 Таштамковонь 2018 года.
  20. ↑ 18-летний сын министра финансов Силуанова попал в ДТП на мотоцикле. КП (4 Таштамковонь 2017). Дата обращения: 31 Ацамковонь 2017. Архивировано 31 Ацамковонь 2017 года.
  21. ↑ Песков прокомментировал назначение сына Силуанова в департамент «Аэрофлота»
  22. ↑ Указ Президента Российской Федерации от 15 апреля 2013 года № 359 «О награждении орденом „За заслуги перед Отечеством“ III степени Силуанова А. Г.» Дата обращения: 16 Чадыковонь 2013. Архивировано из оригинала 22 Медьковонь 2013 года.К:Рувики:Cite web (не указан язык)
  23. ↑ Указ Президента Российской Федерации от 13 апреля 2007 года № 476 «О награждении медалью ордена „За заслуги перед Отечеством“ I степени Силуанова А. Г.» Дата обращения: 24 Аштемковонь 2013. Архивировано из оригинала 10 Аштемковонь 2015 года.К:Рувики:Cite web (не указан язык)
  24. ↑ Распоряжение Президента Российской Федерации от 18 ноября 2010 года № 784-рп «О награждении Почетной грамотой Президента Российской Федерации». Дата обращения: 24 Аштемковонь 2013. Архивировано 10 Аштемковонь 2015 года.К:Рувики:Cite web (не указан язык)
  25. ↑ Министр финансов Антон Силуанов награждён высшим орденом Якутии «Полярная звезда». Дата обращения: 14 Сундерьковонь 2013. Архивировано из оригинала 10 Аштемковонь 2015 года.
  26. ↑ Антон Силуанов награждён орденом «Дуслык». Дата обращения: 31 Эйзюрковонь 2019. Архивировано 31 Эйзюрковонь 2019 года.
  27. ↑ Указ Главы Чеченской Республики от 24.11.2008 № 379
  28. ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия»

Ссылкат

[витнемс | витнемс-петнемс лисьмапрянзо]
Саезь "https://myv.ruwiki.ru/w/index.php?title=Силуанов,_Антон_Германович&oldid=356476"-стэ