Савостин, Константин Дмитриевич
| Константин Дмитриевич Савостин | ||||
|---|---|---|---|---|
 | ||||
| Чачома чизэ | 1918-це иень умарьковонь 12-це чи | |||
| Чачома тарказо | ||||
| Кулома чизэ | 1945-це иень даволковонь 2-це чи (26 иеть) | |||
| Кулома тарказо | ||||
| Масторозо |
 СССР |
|||
| Кодамо ушмосо | кавалериянь | |||
| Служамонь иетне | 1939—1945-це | |||
| Званиязо |
 |
|||
| Тюремат/войнат | ||||
| Казнеть ды премият |
|
|||
Константин Дмитриевич Савостин (1918—1945) — Важодицянь ды сокицянь-видицянь Якстере Армиянь лейтенант, Ине Отечествань войнасо улиця, Советэнь Союзонь Откерь (1945).
Эрямокизэ
Константин Савостин чачсь 1918-це иень умарьковонь 12-це чистэ Селища велесэ (ней — Мордовия Республикань Краснослободскоень буе). Школань вете классонь прядомадо мейле важодсь Бакунь модаоень промыслатнесэ.
1939-це иестэ Савостин тердезель служамо Важодицянь ды сокицянь-видицянь Якстере Армияв. 1942-це иестэ прядызе Тамбовонь кавалериянь училищанть. 1944-це иень якшамковсто саезь — Ине Отечествань войнань фронтнэсэль[1].
1945-це иень якшамковонтень Контантин Савостин гвардиянь лейтенантось ульнесь Белоруссиянь 1-це фронтонь гвардиянь кавалериянь 2-це корпусонь гвардиянь кавалериянь 17-це дивизиянь гвардиянь кавалериянь 35-це полконь сабельной взводонь прявтокс. Пек парсте невтизе прянзо Польшань олякстомтомань шкасто. 1945-це иень якшамковонь 24-це чистэ Быдгощ ошонть ало тюремасо Савостин полавтызе эскадрононь прявтонть ды парсте ветясь подразделениянь прявтонь тевтнень. Се тюремасонть сон яжась ятонь штурмонь 2 леднемапельть. 1945-це иень даволковонь 2-це чистэ Фледерборн (ней Podgaje, Оконек гмина, Злотувской повят, Великопольской воеводства, Польша) эрямо тарканть маласо Савостинэнь взводось лоткавтызе немеценть бойка каявоманть, яжась артиллериянь 4 леднемапельть, 8 миномётт, ды 27 пулемётт. Се тюремасонть Савостин чавовсь.
1945-це иень эйзюрковонь 24-це чинь СССР-нь Верховной Советэнь Президиумонь кармавтомасо Константин Савостин гвардиянь лейтенантонтень куломадо мейле максозель Советэнь Союзонь Откерь покш лемесь[2]. Теде башка казезель Ленинэнь ды Якстере Знамянь орденсэ.
Ледстнемань кемекстамо
- Савостин Константиннэнь аравтозель ледстнемань лаз Краснослободск ошонь Ине Отечествань войнань шкасто чавовозь откертненень мемориальной комплекссэ. 2018-це иестэ Константин Савостин ды Василий Митрошин Советэнь Союзонь Откертнень ледстнемга Селищань школасо панжозь Откерень парта[3]. 2019-це иестэ полавтозель откерентень бюстонь стявтоманть кис.
Тешкставкст
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.