Санаксаронь монастырь
| Монастырь | |
| Санаксаронь Роштовань-Богородицань монастырь | |
|---|---|
 | |
| 54°39′11″ с. ш. 43°09′56″ в. д.HGЯO | |
| Масторось |
 Россия |
| Аштема таркась | Темниковань буе, Краснослободскоень уезд[d] ды Темниковань уезд[d] |
| Конфессиясь | Православия |
| Типесь | Цёрань |
| Содавикс эрицятне | Феодор Санаксарской преподобноесь, Александр Санаксарской преподобноисповедникесь, Иероним (Верендякин) схиигуменэсь, Лазарь Нарвань ды Причудской епископось |
| Наместникесь | Иннокентий (Руденко) |
| Статусось |
 Объект культурного наследия народов РФ федерального значения. Рег. № 131720756070006 (ЕГРОКН). Объект № 1310041000 (БД Викигида) |
| Состояниясь | Епархиянь подчинениянь монастырь, важодиця |
| Сайтэсь | sanaksary.ru |
 |
|
 Санаксаронь монастырь | |
Санакса́ронь Ро́штовань-Богоро́дицань монасты́рь (руз. Рождество́-Богоро́дичный Санакса́рский монасты́рь) — Рузонь православиянь церьковань Мордовиянь митрополиянь Краснорслободскоень епархиясо цёрань православной монастырь (Мордовия Республика, Темников ош; 1918-це иес ульнесь Тамбововонь епархиясо).
Монастыренть ланга
Панжозь 1659-це иестэ Алексей Михайловичень инязорокс улема шкасто Темников уездной ошонть эйстэ колмо вёрстань ютазь таркасонть (ней Мордовиянь Темниковань буе), Мокша леень керш чиресэ. Сыця шкань монастыренть туртов тарка макссь Лука Евсюков Темниковонь эрицясь, дворянинэсь, сёрмадыцясь, кона тердизе Старо-Кадомской монастырьстэ Феодосий игуменэнть, васенце строицянть ды цёрань монастырень прявтонть, конась 1676-це иестэ II-це Иоасаф Московонь Патриархонть баславамонзо коряс стявтызе Владимирэнь Пазонь Авань Сретениянь пазаванть лемс васенце храмонть.
Монастыресь лемдязель Сана́ксар сонзэ ало аштиця аволь покш эрькенть кис (мокшонь кельстэ ютавтови кода: «чеядавксонь лушмосо аштиця сэрей тарка»). Малав сядо иень аштемадо мейле ярмаконь ды ломанень а сатномадо Санаксаронь монастыресь аламолгадсь ды педявтозель Саровонь монастырентень, зярдо се пек парсте кармась касомо.
Монастыренть вельмевтемазо сюлмазь Феодор (Ушаковонь) (ульнесь цёрань монастырень прявтокс 1764—1774-це иетнестэ) лемензэ марто.
1765-це иень эйзюрковонь 7-це чинь покш кармавтомасо Санаксарось кармась лемдявомо монастырекс.
Сеть иетнестэ Саровонть марто Санаксаронь монастыресь ульнесь Россиянь духовной куншкакурокс, ульнесть сановитой вечкицянзо Санкт-Петербургсо ды Московсо.
1915-це иень панжиковонь 27-це чистэ монастырень прявтокс ульнесь кочказь Александр (Уродов), кона шаштозель лиятнень вийсэ 1918-це иень эйзюрковсто ды саезель стражас[1]; седе тов ульнесь Свияжской Макарьевской монастырень прявтокс ды Седмиезерной монастырень наместникекс (2001-це иень таштамковонь 8-це чистэ Соболева велесэ муизь мощанзо, конат кандозельть монастырев).
1929-це иень ожоковсто монастыресь пекстазель.
1991-це иень панжиковонь 7-це чистэ Мордовиянь Министрань Советэнь кармавтомасо монастырень икелень зданиятне максозельть Саранонь епархиянтень[2]. 1991-це иень панжиковонь 26-це чистэ, Иневанькс Троицянь чистэнть, Варнава (Сафонов) монастырень наместникесь, архимандритэсь ютавтсь васенце литургия.
2001-це иень аштемковонь 6-це чистэ кулось Иероним (Верендякин) старецэсь, схиигуменэсь, конань ламотне пек парсте содылизь.
Монастырень территориясонть ули вирень пилямонь комплекс ды штатолонь теемань цех.
2014-це иень ожоковонь 23-це чистэ Рузонь православиянь церьковань Священной Синодось кемекстызе Климент Краснослободскиень ды Темниковонь епископонть священноархимандритэкс[3].
Цёрань монастырень прявттнэ ды наместниктне
- прявттнэ
- Феодосий (1660-це иетнестэ — 1681-це иес)
- Зосима
- Трифон
- Дорофей
- Петр (1730-це иетнестэ)
- Филагрий
- Иоасаф (1752-це иес), строиця. Сонзэ марто ветявсь следствия «квакерской ересень» коряс[4][5]
- Порфирий (1752-це иень даволковонь 24-це чи — 1753-це иень эйзюрковонь 17-це чи)
- Феодор (Ушаков) (1764—1774-це иетнестэ)
- Иоиль (Тишков) (1774-це иень умарьковонь 8-це чи — 1778-це ие)
- Венедикт (Селиванов) (1778-це ие — 1788-це иень ацамковонь 27-це чи)
- Вениамин (Андреев) (1789-це иень даволковонь 14-це чи — 1803-це иень даволковонь 13-це чи)
- Филарет (Былинин) (1803-це иень даволковонь 28-це чи — 1817-це ие)
- Нафанаил (1817-це иень чадыковонь 4-це чи — 1832-це иень таштамковонь 12-це чи)
- Димитрий (1812-це иень таштамковонь 12-це ие — 1848-це иень таштамковонь 5-це чи)
- Иоасаф (1848-це иень таштамковонь 27-це чи — 1857-це иень таштамковонь 23-це чи)
- Ксенофонт (Флорианов) (1857-це иень таштамковонь 23-це чи — 1863-це иень таштамковонь 7-це чи)
- Иларий (Иванов) (1863-це ие — 1879-це иень аштемков)
- Тихон (Цыпляковский) (1879-це иень таштамковонь 15-це чи — 1884-це иень ацамков)
- Амвросий (Ворогушев) (1885—1893-це иетнестэ)
- Феодосий (Мясников) (1893-це ие — 1895-це иень ацамков)
- Августин (Кривоногов) (1895—1915-це иетнестэ)
- Александр (Уродов) (1915—1918-це иетнестэ)
- наместниктне
- Варнава (Сафонов) (1991-це иень чадыковонь 1-це чи — 2010-це иень сундерьковонь 14-це чи)
- Иннокентий (Руденко) (2010-це иень ацамковонь 24-це чистэ саезь)
Иневанькстнэ
- Феодор Санаксарский преподобноесь, иеромонахось. Монастырень вельмевтицясь.
- Александр Санаксарский преподобноисповедникесь, архимандритэсь.
- II-це Кирион священномученикесь, Грузиянь католикосось-патриархось. 1908-це иестэ Никон Грузиянь экзархонь маштомадо мейле кучозель монастырев, косо аштесь 1915-це иес.
- Феодор Ушаков иневанькс праведной ушманось.
Тешкставкст
- ↑ Александр Журавский. Во имя правды и достоинства церкви (руз.). https://krotov.info/.+Дата обращения: 18 Умарьковонь 2025.
- ↑ Саранская епархия (руз.). https://www.patriarchia.ru/.+Дата обращения: 18 Умарьковонь 2025.
- ↑ Журналы заседания Священного Синода от 23 октября 2014 года (руз.). https://www.patriarchia.ru/+(23 Ожоковонь 2014). Дата обращения: 18 Умарьковонь 2025.
- ↑ Описание документов и дел хранящихся в архиве Святейшего Правительствующего Синода.. — Петроград: Синодальная типография, 1915. — С. 379. — 1312 с.
- ↑ Нечаев В. В. Дела следственных о раскольниках комиссий в XVIII веке // Описание документов и бумаг, хранящихся в Московском архиве Министерства Юстиции. Кн. 6.. — М.: Тип. И. М. Кушнерев, 1889. — С. 107, 140, 166.