Сметнёв, Яков Михайлович

Википедиясто материал - аорев содамкундосто
Яков Михайлович Сметнёв
Сметнёв Яков Михайлович.jpg
Чачома чизэ 1915-це иень ожоковонь 19-це чи(1915-10-19)
Чачома тарказо
Кулома чизэ 2001-це иень сундерьковонь 21-це чи(2001-11-21) (86 иеть)
Кулома тарказо
Масторозо СССРFlag of the Soviet Union.svg СССР
Кодамо ушмосо Пехота[d]
Служамонь иетне 1938—1945-це
(лоткамо марто)
Званиязо
Старшина
Тюремат/войнат
Казнеть ды премият

Яков Михайлович Сметнёв (1915—2001) — Важодицянь ды сокицянь-видицянь Якстере Армиянь старшина, Ине Отечествань войнасо улиця, Советэнь Союзонь Откерь (1945). Руз.

Эрямокизэ

Яков Сметнёв чачсь 1915-це иень ожоковонь 19-це чистэ Подгорные Селищи велесэ[1] (ней — Мордовия Республикань Темниковань буе).

1928-це иестэ саезь войнань ушодомас эрясь ды важодсь Омск ёнксонь Саргатской буень Индеры велесэ, прядсь школань сисем класст ды «Сибсельмаш» заводонть пингстэ фабрично-заводской ученичествань школа[1].

1938—1940-це иетнестэ ютызе служамонзо Важодицянь ды сокицянь-видицянь Якстере Армиясо. 1941-це иень аштемковсто Сметнёв тердезель армияв омбоцеде[2]. 1942-це иень эйзюрковсто саезь — Ине Отечествань войнань фронтнэсэль[3].

Васня тюрсь Пелевеёнксонь-Чивалгомань фронтсо[1].

1944-це иень аштемковонтень Яков Сметнёв гвардиянь старшинась ульнесь Прибалтикань 1-це фронтонь гвардиянь 6-це армиянь гвардиянь стрелковой
71-це дивизиянь гвардиянь стрелковой 210-це полконь снайперэкс. Парсте невтизе эсь прянзо Белорусень операциянь ютавтомсто.

1944-це иень аштемковонь 22-це чистэ Белорусень ССР-нь Витебск ёнксонь Сиротинэнь буень Орехи веленть кис тюрема шкасто Сметнёв ськамонзо маштсь ятонь кавто снайперт, конат эзть максо ютамс прявт вийтненень[1].

Кавто чинь ютазь сон толонь пачк ютызе Бешенковичской буень Мамойки веленть маласо Западной Двина леенть, косо тагояк маштсь вейке снайпер[1] ды сайсь полонс немецень офицер[4]. Советэнь Союзонь Откерь покш лементь тензэ максоманть видьс Сметнёв весемезэ маштсь ятонь 279 ушмант ды офицерт[3].

1945-це иень эйзюрковонь 24-це чистэ СССР-нь Верховной Советэнь Президиумонть кармавтоманзо коряс Яков Сметнёв гвардиянь старшинантень максозель Советэнь Союзонь Откерь лемесь, конань марто тензэ казезельть Ленинэнь орденэсь ды «Сырнень Теште» медалесь[3].

Войнадо мейле Сметнёв ульнесь демобилизовазь. Велявтсь Омск ёнксов, Советэнь партиянь школань прядомадо мейле важодсь партиянь должностнесэ. Пенсияс лисемазонзо эрясь Омск ошсо[3]. Кулось 2001-це иестэ. Калмазь Старо-Северной калмазырьсэ.

Теде башка казезель Якстере Знамянь, Отечествань войнань 1-це степенень ды Славань 3-це степенень орденсэ, зярыя медальсэ[3].

Сметнёвонь лемсэ Омск ошсо лемдязь вейке куро[5].

Тешкставкст

  1. ↑ 1 2 3 4 5 Боевой счёт // Г. М. Шлевко. Ради жизни на Земле. Книга о Героях Советского Союза, тех, кто родился, жил и живёт в г. Омске и Омской области. Омск, 1972. стр.366—367
  2. ↑ Сметнёв Яков Михайлович
  3. ↑ 1 2 3 4 5 Герои Советского Союза, 1988, [www.az-libr.ru/index.htm?Persons&000/Src/0009/70dc1132 Сметнёв Яков Михайлович]..
  4. ↑ Советские снайперы — Сметнёв Яков Михайлович
  5. ↑ Краеведческий проект «Созвездие Героев»: Сметнёв Яков Михайлович

Литература

  • [www.az-libr.ru/index.htm?Persons&000/Src/0009/70dc1132 Сметнёв Яков Михайлович] // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Геройская быль. — 2-е изд. — Саранск, 1985. — С. 296—300.
  • Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — С. 479. — 607 с. — 65 000 экз.

Ссылкат

Саезь "https://myv.ruwiki.ru/w/index.php?title=Сметнёв,_Яков_Михайлович&oldid=538154"-стэ