Старовойт, Роман Владимирович

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Старовойт.
Роман Владимирович Старовойт
Rv2022.jpg
Флаг
Россиянь Федерациянь
транспортонь министра
Флаг
 2024-це иень панжиковонь 14-це чистэ саезь медьковонь 7-це чис
Правительствань Прявтось Михаил Мишустин
Президентэсь Владимир Путин
Кие ульнесь сонзэ икеле Виталий Савельев
Кие кармась сонзэ мейле Андрей Никитин
Флаг
Курск ёнксонь Прявт
Флаг
2019-це иень таштамковонь 16-це чистэ саезь — 2024-це иень панжиковонь 12-це чис
(2018-це иень ожоковонь 11-це чистэ саезь
2019-це иень таштамковонь 16-це чис —
нурька шкас прявтонь тевтнень топавтыця)
Президентэсь Владимир Путин
Кие ульнесь сонзэ икеле Александр Михайлов
Кие кармась сонзэ мейле Алексей Смирнов
Флаг
«Единой Россия» партиянь
Курскоень региононь куронь секретарь
Флаг
 2020-це иень сундерьковонь 12-це чистэ саезь
Кие ульнесь сонзэ икеле Владимир Иванов
Флаг
Россиянь Федерациянь транспортонь министрань полавтыця
Флаг
2018-це иень ожоковонь 1-це чистэ саезь — ожоковонь 10-це чис
Флаг
Килангонь федеральной агентствань прявт
Флаг
2012-це иень сундерьковонь 22-це чистэ саезь — 2018-це иень таштамковонь 28-це чиc
Кие ульнесь сонзэ икеле Анатолий Чабунин
Кие кармась сонзэ мейле Андрей Костюк
Чачома чизэ

1972-це иень якшамковонь
20-це чи


Курск ош, Курск ёнкс, РСФСР, СССР
Кулома чизэ

2025-це иень медьковонь 7-це чи


Партиязо Единой Россия
Учёной степенезэ педагогикань наукань кандидат
Награданзо
Башка званиязо эли классонь чинэзэ
Званиязо Наплечный знак руководителя Росавтодор № (2017).png
Россиянь Федерациянь
1-це классонь действительной государственной советник
Логотип РУВИКИ.Медиа Роман Владимирович Старовойт

Роман Владимирович Старовойт (1972-це иень якшамковонь 20-це чи, Курск ош — 2025-це иень медьковонь 7-це чи, Одинцова ош, Москов ёнкс) — Россиянь государственной ды политикань важодиця. 2019-це иень таштамковонь 16-це чистэ саезь 2024-це иень панжиковонь 12-це чис — Курск ёнксонь Прявт (2018-це иень ожоковонь 11-це чистэ саезь 2019-це иень таштамковонь 16-це чис — нурька шкас прявтонь тевтнень топавтыця)[1]. 2024-це иень панжиковонь 14-це чистэ саезь 2025-це иень медьковонь 7-це чис — Россиянь Федерациянь транспортонь министра.

2025-це иень медьковонь 7-це чистэ маштызе эсь прянзо Раздоры веленть маласо Малевичень парксо[2][3].

Эрямокизэ

Роман Старовойт чачсь 1972-це иень якшамковонь 20-це чистэ Курск ошсо. Владимир Александрович Старовойт тетязо важодсь Курскоень атомной электростанциясо (руз.) (эрз.[4]. 1974-це иестэ тетянзо ютавтызь Ленинградонь атомной электростанцияв Ленинград ёнксонь Сосновый Бор ошов[5], косо ютась Романонь эйкакшпингезэ.

Тонавтнемазо

1995-це иестэ Старовойт «Импульсной тепловой машинат» специальностенть коряс прядызе Д. Ф. Устинов лемсэ Балтиянь технической государственной университетэнть[6].

2008-це иестэ «Государственной ды муниципальной управления» специальностенть коряс прядызе Госслужбань северо-западной академиянть[7].

2012-це иестэ РФ-нь МВД-нь Московонь университетсэ Старовойт идизе «Телень полиатлонсо спортсменттнэнь анокстамонь инновациянь методика» (руз. «Инновационная методика подготовки спортсменов в зимнем полиатлоне») теманть коряс педагогикань наукань кандидатонь диссертациянзо[8].

2019-це иестэ Россиянь раськень хозяйствань ды государственной службань академиянь (РАНХиГС-нь) Государственной управлениянь тёкш школасо (ВШГУ-со) Старовойт прядызе управлениянь кадрань резервань кастомань программань коряс тонавтнеманть.

Важодемань кизэ

Бизнессэ

1995-це иестэ Старовойт ульнесь «Региононь инвестициянь агентства» акционерэнь вейсэндявксонь исполнительной прявтокс. 1995—2001-це иетнестэ — «Промышленной» пенсиянь аволь государственной фондсо активень управлениянь коряс компаниянь генеральной прявт. 2002—2005-це иетнестэ ульнесь «Стройинвест» строямонь компаниянь кирдицякс ды генеральной прявтокс[9].

РФ-нь министерстватнень ды ведомстватнень аппаратсо

2005-це иестэ саезь 2007-це иес Старовойт ульнесь Санкт-Петербургонь Правительствасо Инвестициянь ды стратегиянь проекттнэнь коряс инвестортнэнь марто важодемань комитетэнь отделэнь прявтокс. 2007—2010-це иетнестэ ульнесь Санкт-Петербургонь Правительствасо Инвестициянь ды стратегиянь проекттнэнь коряс комитетэнь прявтонь васенце полавтыцякс[5]. 2010-це иестэ саезь 2012-це иес ульнесь Россиянь Федерациянь Правительствань аппаратонь Промышленностень ды инфраструктурань департаментэнь прявтонь полавтыцякс.

2012-це иень сундерьковонь 22-це чистэ саезь Старовойт ульнесь Килангонь федеральной агентствань (Росавтодоронь) прявтокс. 2018-це иень ожоковонь
1-це чистэ саезь ульнесь Россиянь Федерациянь транспортонь министрань (руз.) (эрз. полавтыцякс[9].

Курск ёнксонь Прявтокс улемстэ

2018-це иень ожоковонь 11-це чистэ Александр Михайловонь отставкадо мейле Старовойт аравтозель Курск ёнксонь нурька шкас прявтонь тевтнень топавтыцякс[10].

2019-це иень чадыковонь 4-це чистэ партиявтомо Старовойт максынзе тевконёвонзо «Единой Россия» партиянть эйстэ праймеризсэ Курск ёнксонь Прявтонь кочкамотнес, конат ютасть 2019-це иень таштамковонь 8-це чистэ[11]. «Единой Россиянь» Курскоень региононь куросо вайгелень салава максомань коряс Старовойтонь кис
257 делегаттнэнь эйстэ вайгелест максызь 229. Аштемковсто «Единой Россиясь» аравтызе Старовойтонь Губернаторонь таркантень кандидатокс[12].

2019-це иень умарьковсто Владимир Путин Россиянь Президентэсь вастневсь Старовойтонь марто ды кунсолызе яволявтоманзо раськень теварсевкстнэнь топавтомадо, государственно-частной партнёрстванть лувсо региононь киланготнес, поликлиникатнес, школатнес, эйкакшонь кужотнес ярмаконь инвестициятнень кастомадо[13].

2019-це иень таштамковонь 8-це чистэ ютавтовиця кочкамотнесэ ломантнень самонь 41,56 %-нь пингстэ Старовойт получась 81,07 % вайгельть ды 5 иес кочказель Курск ёнксонь Прявтокс. Те таркасонть важодемань шказо прядовкшнось 2024-це иестэ[14].

2020-це иень сундерьковонь 9-це чистэ Старовойт совась «Единой Россия» партияс[15].

2020-це иень ацамковонь 21-це чистэ саезь — Россиянь Федерациянь Государственной советэнь президиумс совиця.

2020-це иень сундерьковонь 12-це чистэ саезь ульнесь «Единой Россия» партиянь Курскоень региононь куронь секретарекс.

РФ-нь Правительствасо

2024-це иень панжиковонь 12-це чистэ Михаил Мишустин ёвтась Роман Старовойтонь транспортонь министракс аравтомадо мель-арсема[16]. Панжиковонь 14-це чистэ Госдумась кемекстызе сонзэ те таркантень[17], теке чистэнть РФ-нь Президентэсь тешкстызе аравтомадо кармавтоманть[18].

2025-це иень медьковонь 7-це чистэ Президентэнь 448-це № кармавтомасо Старовойт олякстомтозь Россиянь Федерациянь транспортонь министрань таркасто[19].

Старовойтонь важодема таркасто каямодо Президентэнть кармавтомазо

Тонавтомасо

Губернаторокс важодемань шкастонть Старовойт ловнось лекцият кода Юго-Западонь государственной университетэнь экономикань безопасностень ды налогообложениянь кафедрань доцент[20].

Куломазо

2025-це иень медьковонь 7-це чистэ отставкадо мейле зярыя часонь ютазь маштызе эсь прянзо Раздоры веленть эйстэ аволь васоло аштиця Малевичень парксо. Кода пачтить СМИ-тне, Старовойтонь каршо показаният макссь Алексей Смирнов сонзэ икелень полавтыцязо[21]. Чадыковсто Смирнов арестовазель Украинанть марто границанть лангсо оборонань сооружениянь теемас явозь ярмактнень кис, те тевесь ушодовкшновсь Старовойтонь Губернаторокс улема шкасто[22].

Россиянь Федерациянь транспортонь министерствась ёвтась ризнэмань валт Старовойтонь куломанзо кувалма[23].

Классонь чинэзэ

  • Россиянь Федерациянь 1-це классонь действительной государственной советник.

Награданзо

  • «Санкт-Петербургонь 300 иень ледстнемга» медаль (2003-це ие);
  • Почётонь орден (2014-це ие);
  • «Паро важодемань ды тевдеемань кис» II-це степенень медаль (2015-це ие);
  • «Россиянь агропромышленной комплексэнь кастомас путовксонь кис» сырнень медаль (2015-це ие);
  • Александр Невскиень орден (2017-це ие);
  • «Паро важодемань ды тевдеемань кис» I-це степенень медаль (2018-це ие);
  • Ялгаксчинь орден (2020-це ие);
  • Россиянь Федерациянь Президентэнь Шнамо конёв;
  • «Крымень транспортонь системань кастомань кис» медаль;
  • «Идемань тевень теемстэ ялгаксчисэ эрямонь кис» медаль;
  • «Росгвардиянень лездамонь кис» медаль;
  • «Ялгаксчисэ эрямосо кемекстамонь кис» медаль;
  • «Генерал-лейтенант Ковалёв» медаль;
  • «Россиянь Федерациянь оборонаc кемекстамонь путовксонть кис» медаль;
  • «Специальной военной операциянь улицянень» медаль;
  • Россиянь Внутренней тевень министерстванть пельде каземань леднемапель — Макаровонь 9 миллиметрань пистолет (2023-це иень ожоковонь 18-це чи)[24].

Кудораськезэ, эсензэ эрямозо

Явозь. Улить кавто тейтерензэ.

Вечкевикс тевензэ

Роман Старовойт — Московонь раськеютконь ниле марафонсо улиця. Вечки триатлон, 2018-це иень ожоковонь 7-це чистэ
13 чассос 33 минутас ютызе «Iron man» (эрз. «Кшни́нь ло́мань») супермарафононть — 3800 метрань кувалмосо уема, 180 вайгельбень велосипедсэ ардома ды 42 вайгельбень чиема[25].

Раськеютконь кардамот

2022-це иень медьковсто саезь Старовойт ашти Великобританиянь кардамотнень ало, умарьковсто саезь — Канадань[26], ожоковсто саезь — Украинань, ацамковсто саезь — Американь Вейсэндязь Штатонь (США-нь) кардамотнень ало.

Тешкставкст

  1. ↑ Путин уволил Старовойта с поста главы Минтранса (руз.). РБК (7 Медьковонь 2025). Дата обращения: 18 Таштамковонь 2025.
  2. ↑ Тело Старовойта увезли с места самоубийства, РБК (7 Медьков 2025). Ваннозь 7 Медьковонь 2025.
  3. ↑ «Известия» показали кадры с места обнаружения тела Старовойта, РБК (7 Медьков 2025). Ваннозь 7 Медьковонь 2025.
  4. ↑ Роману Старовойту на Курской атомной станции подарили трудовое дело его отца (руз.). Рамблер/новости. Дата обращения: 11 Панжиковонь 2019. Архивировано 11 Панжиковонь 2019 года.
  5. ↑ 1 2 Старовойт, Роман Владимирович Архивень копия 1 Сундерьковонь 2018 на Wayback Machine // ТАСС
  6. ↑ Биография Романа Старовойта Архивень копия 1 Сундерьковонь 2018 на Wayback Machine // РИА Новости
  7. ↑ Роман Старовойт: «Железный человек» для Курской области(руз.) (16 Ожоковонь 2018). Архивировазь 26 Ожоковонь 2018 чистэ. Ваннозь 29 Ожоковонь 2018.
  8. ↑ Роман Владимирович Старовойт Инновационная методика подготовки спортсменов в зимнем полиатлоне. — 2012. Архивировано 2 Эйзюрковонь 2022 года.
  9. ↑ 1 2 Старовойт Роман Владимирович Архивень копия 28 Ожоковонь 2018 на Wayback Machine // Коммерсантъ
  10. ↑ Роман Старовойт назначен временно исполняющим обязанности Губернатора Курской области (руз.). Президент России. Дата обращения: 19 Ацамковонь 2018. Архивировано 16 Ацамковонь 2018 года.
  11. ↑ Глава Курской области Роман Старовойт заявил о готовности сотрудничать со всеми партиями. 15.04.2019 ТАСС. Дата обращения: 14 Якшамковонь 2021. Архивировано 1 Умарьковонь 2021 года.
  12. ↑ «Единая Россия» выдвинула Старовойта в губернаторы Курской области. 13.06.2019 Коммерсантъ. Дата обращения: 14 Якшамковонь 2021. Архивировано 14 Аштемковонь 2019 года.
  13. ↑ РБК-Черноземье, 29 августа 2019. Президент РФ Владимир Путин встретился с Романом Старовойтом
  14. ↑ Старовойт победил на выборах губернатора Курской области с 81,07% голосов (руз.). www.kommersant.ru (9 Таштамковонь 2019). Дата обращения: 10 Таштамковонь 2019. Архивировано 21 Таштамковонь 2019 года.
  15. ↑ Губернатор Курской области Роман Старовойт вступил в «Единую Россию». 9 ноября 2020. Дата обращения: 13 Якшамковонь 2021. Архивировано 15 Якшамковонь 2021 года.
  16. ↑ Мишустин предложил новый состав правительства. РИА Новости (12 Панжиковонь 2024). Дата обращения: 14 Панжиковонь 2024.
  17. ↑ Госдума утвердила Старовойта министром транспорта России. РИА Новости (14 Панжиковонь 2024). Дата обращения: 14 Панжиковонь 2024.
  18. ↑ Президент подписал указы о назначении членов Правительства Российской Федерации и директоров служб. kremlin.ru (14 Панжиковонь 2024). Дата обращения: 14 Панжиковонь 2024.
  19. ↑ Путин уволил Старовойта с поста главы Минтранса, РБК (07.07.2025). Ваннозь 7 Медьковонь 2025.
  20. ↑ Источник. Дата обращения: 20 Аштемковонь 2021. Архивировано 24 Аштемковонь 2021 года.
  21. ↑ В Подмосковье найден мертвым бывший министр Роман Старовойт, Коммерсантъ (7 Медьков 2025). Ваннозь 7 Медьковонь 2025.
  22. ↑ Уволенный экс-министр транспорта Роман Старовойт совершил самоубийство, РБК (7 Медьков 2025). Ваннозь 7 Медьковонь 2025.
  23. ↑ Минтранс выразил соболезнования из-за смерти Старовойта, РБК (7 Медьков 2025). Ваннозь 7 Медьковонь 2025.
  24. ↑ Курского губернатора Романа Старовойта наградили оружием // "Комсомольская правда" от 18 октября 2023
  25. ↑ Роман Старовойт: «Железный человек» для Курской области(руз.) (16 Ожоков 2018). Архивировазь 26 Ожоковонь 2018 чистэ. Ваннозь 26 Ожоковонь 2018.
  26. ↑ Канада вводит санкции против 62 физлиц и одной структуры в связи с ситуацией на Украине

Ссылкат

Саезь "https://myv.ruwiki.ru/w/index.php?title=Старовойт,_Роман_Владимирович&oldid=541429"-стэ