Таммер, Харальд

Харальд Таммер
Харальд Таммер
	эст. Harald Tammer
Эсензэ ланга
Сымезэ	цёрань
Масторозо	Эстония;
Специализациязо	стака атлетика
Чачома чизэ	1899-це иень якшамковонь 9-це чи
Чачома тарказо	Таллин, Россиянь империя;
Кулома чизэ	1942-це иень аштемковонь 6-це чи (43 иеть)
Кулома тарказо	Семёновской буе, Горьковской область, РСФСР, СССР
Награданзо ды медалензэ
	Олимпиадань налксематне
	Масторлангонь чемпионаттнэ
	Харальд Таммер

Ха́ральд Та́ммер (эст. Hа́rald Tа́mmer, 1899-це иень якшамковонь 9-це чи, Таллин — 1942-це иень аштемковонь 6-це чи, Унжлаг^[d], Нижний Новгород ёнкс) — эстэнь журналист, общественной тевень ветиця, шожда атлет ды стака атлет. Масторлангонь чемпион, Эстониясо рекордонь путыця ды Парижсэ Олимпиадань налксематнесэ стака атлетикань коряс призёр (1924-це иестэ).

Эрямокизэ

Харальд Таммер чачсь 1899-це иень якшамковонь 9-це чистэ Ревельсэ (Россиянь империясо)^[1].

Карьеразо

1912-це иестэ ушодсь мелень явомо спортонтень. Колмо иень ютазь совась «Калев» Таллинсэ спортонь вейсэндявксонтень ды ульнесь шожда атлетэкс ёртнемань видтнэсэ, пек парсте невтнесь прянзо ядрань тулкадемасо.

1916-це иестэ ядрань тулкадемань коряс Россиянь чемпионатсо кармась сиянь призёрокс, дискень ды молотонь ёртнемасо — бронзань призёрокс.

Масторлангонь васенце войнань шкасто эсь мельсэ тусь фронтов, теде мейле тюрсь Эстониянь олячинь кис войнасонть.

1920-це иестэ ульнесь Антверпентсэ Олимпиадань налксематнесэ (руз.) (эрз. Эстониянь сборноень знамянь кандыцякс, ядрань тулкадемасо сайсь 6-це тарка.

1920-це иетнестэ саезь кармась улеме стака атлетикасо. 1922-це иестэ Таллинсэ ютавтозь кудонь масторлангонь чемпионатсо сайсь сырнень медаль.

1923-це иес ядрань ёртнемасо сонзэ сех вадря результатокс ульнесь 14 метрас 15 сантиметрас ёртомась. Молотонь ёртнемасо эсензэ рекордозо ульнесь 37 метрат 18 сантиметрат, дискень ёртнемасо — 41 метра 06 сантиметрат. 1920-це иетнестэ масторлангонь рейтингсэ Таммер совсесь кемень сех вадрятнень юткс.

1924-це иестэ Парижсэ Олимпиадань налксематнесэ Харальд Таммер сайсь бронзань медаль стака атлетикасо 82,5 килограммадо седе ламо сталмонь категориясо. Олимпиадань секеть налксематнесэ невтинзе эсь виензэ ядрань ёртнемасояк, сайсь кемгавтотовоце тарка.

1922-це иестэ саезь 1924-це иес Таммер ульнесь стака атлетикань коряс Эстониянь колмоксть чемпионокс ды аравтсь раськень кеветее рекордт.

1924-це иеде мейле ветясь тренерэнь тевть, анокстась 1928-це ды 1936-це иестэ ютавтовиця Олимпиадань налксематненень эстэнь спортсментт. Теде башка ульнесь судьякс стака атлетикасо.

Аволь спортсо

1921—1928-це иетнестэ Харальд Таммер важодсь «Eesti Spordileht» (эрз. «Эстэнь спортонь кулялопань») редакторокс, 1933—1940-це иетнестэ — «Eesti Päevaleht» (эрз. «Эстэнь чинь кулялопасо»), 1940-це иестэ витнесь «Revue Baltique» (эрз. «Балтикань ваннома») журналонть.

1928-це иестэ 1940-це иес ульнесь Журналистэнь вейсэндявксонь правлениясо ды Спортонь прессань клубсо, теке марто 1932-це иестэ саезь 1940-це иес ульнесь Балтикань прессань ассоциациянь прявтокс, совсесь Эстониянь Олимпийской комитетс (руз.) (эрз.. 1932-це иестэ совась жюрис «Эстэнь сех мазый ава» (руз. «Мисс Эстония») мазычинь пелькстамосо^[2]. 1937-це иестэ саезь кармась Рийгикогус (раськень вейсэндявксос) совицякс.

1941-це иень даволковсто Харальд Таммерэнь арестовизе Внутренней тевень раськень комиссариатось (НКВД-сь), ды вейке ды пель иень ютазь, 1942-це иень аштемковонь 6-це чистэ, цёрась кулось Горьковской областень Семёнов ошонть вакссо аштиця Сухобезводной станциянть маласо.

Тешкставкст

↑ Tammer, Harald (эст.). esbl.ee. Дата обращения: 3 Сундерьковонь 2025.
↑ «Для женщин это унизительно!»: Как проходил конкурс красоты в довоенной Эстонии (руз.). stena.ee. Дата обращения: 3 Сундерьковонь 2025.

[1] Tammer, Harald (эст.). esbl.ee. Дата обращения: 3 Сундерьковонь 2025.

[2] «Для женщин это унизительно!»: Как проходил конкурс красоты в довоенной Эстонии (руз.). stena.ee. Дата обращения: 3 Сундерьковонь 2025.

[1]

[2]