Ундер, Марие

Ундер, Марие
Ундер, Марие
	эст. Marie Under
Чачома чизэ	1883-це иень эйзюрковонь 27-це чи[…]
Чачома тарказо	Таллин, Россиянь империя;
Кулома чизэ	1980-це иень таштамковонь 25-це чи[…] (97 иеть)
Кулома тарказо	Стокгольм ош;
Масторозо	Россиянь империя; Эстония; Швеция Мастор;
Важодемань ёрокчизэ	валморозей, архивист, ютавтыця, сёрмадей
Полазо	Артур Адсон[d]
Казнензэ ды медалензэ	литературная премия Хенрика Виснапуу[d] (1964-це иень)
	Марие Ундер

Марие Ундер (эст. Marie Under) — эстэнь валморозей ды ютавтыця.

Эрямопингезэ

Мария Ундер чачсь тонавтыцянь раськесэ, тетянзо-аванзо ульнесть Хийумаа усиясто. 1891-1900 иестэ тонавтнесь немецень школасо Ревель ошсо. 1902 иестэ лиси мирденень ды туить эрямо Московов. Тосо сон эри 1906 ие видс, мейле велявты мекев Ревелев. Валморонь сёрмадомо кармась 14 иесэ. Эсь валморонзо, конат ульнесть сёрмадозь немецень кельсэ, сон казинзе малавикс ялганстэнь, эстэнь артыцянень Антс Лайкмаанэнь. Лайкмаа макссь тензэ прявть сёрмадомс эстэнь кельсэ. 1904 иень умарьковонь 2 чистэ «Постимеес» кулялопасо ульнесь печатазь Марие Ундерэнь васенце валморозо "Кода теевсь..." Сон сёрмадсь салава лем ало - Мутти. 1917 иестэ сови Сиуру сёрмадыцянь курос, се шкань од тейтеравась ашти виев символизмань мель ало. Сиурунь пекставомадо мейле сови Тарапита сёрмадыцянь курос. Покш успех марто лиссь 1917 иестэ «Сонетт» валморо пусмозо.

1920—1930 иетнестэ М. Ундер — ульнесь сехте покш ды содавикс эстэнь кельсэ сёрмадей. Игорь Северянин - рузонь валморозеесь, конась кавто ойнань юткошкасто эрясь Эстэнь масторсо, нолдась валморонь пусмо - "Цветямонь икеле", тозонь совасть Марие Ундерэнь рузонь кельс ютавтозь валморонзо. Истя жо Ундерэнь валморонзо ютавтнесь Эстэнь масторсо эриця рузонь валморозеесь - Елизавета Роос-Базилевская.

1944 иестэ Советэнь Армиянь Эстэнь масторов совамсто ды немецень ушмотнень Эстэнь масторсто туемань перть Марие эсь раськензэ марто тусь эрямо Швеция Масторо, косо вейке иень перть эрясь беженец лагерьсэ. 1945 иестэ сась эрямо Стокгольмов, косо важодсь театрань музейсэ. Теке шкане ламо ютавтсь, рузонь кельстэяк эстононь кельс, саемга ульнесь ютавтозь А. Ахматовань "Реквием" валморось, Б. Пастернаконь «Живаго докторонь» романс совавтозь валморотне. Советэнь вийкирдийчинть а вечкелизе, тень кувалт сондензэ ды сонзэ шкинемадонзо СССРсэ эсть кортне. Кулось Стокгольмсо 1980 иестэ.

↑ ¹ ² Maria Under // FemBio-Datenbank (нем.)
↑ ¹ ² Marie Under // Eesti biograafiline andmebaas ISIK (эст.)
↑ ¹ ² Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #119247186 // Gemeinsame Normdatei (нем.) — 2012—2016.

[_1be9857f616ac964-1] ¹ ² Maria Under // FemBio-Datenbank (нем.)

[_913e2a1ee212be9d-2] ¹ ² Marie Under // Eesti biograafiline andmebaas ISIK (эст.)

[_9c0c0064fdaf2651-3] ¹ ² Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #119247186 // Gemeinsame Normdatei (нем.) — 2012—2016.

[1]

[2]

[3]