Успениянь монастырь (Краснослободск ош)

Авань Успенской Краснослободской монастырь
	Монастырь
Авань Успенской Краснослободской монастырь
	54°25′47″ с. ш. 43°46′48″ в. д.HGЯO
Масторось	Россия
Аштема таркась	Пензань губерния, Краснослободскоень уезд, Краснослободск ош
Конфессиясь	Православия
Епархиясь	Пензань ды Саратовонь
Типесь	Авань
Зярдо панжовсь	1810-це иестэ
Прявт дататне
	1810-це иестэ — богадельня; 1861-це иестэ — монастырь
Зярдо пекставсь	1920-це иестэ
Статусось	Объект культурного наследия народов РФ регионального значения. Рег. № 131711093730005 (ЕГРОКН). Объект № 1300334000 (БД Викигида)
Состояниясь	ёмавтозь
	Успениянь монастырь

Те валонть улить лия смустензэяк, вант Успениянь монастырь.

А́вань Успе́нской Краснослобо́дской монасты́рь (руз. Краснослобо́дский Успе́нский же́нский монасты́рь) — Рузонь православиянь церьковань авань аволь важодиця вейсэнь эрямонь 3-це классонь монастырь^[1]. Ошонь стявтомань ды архитектурань XIX-це пингень памятник. Монастырень кадовозь строявкстнэ аштить истямо таркасо: Мордовия, Краснослободскоень буе, Краснослободск ош, Кировонь куро, 76-це кудо.

Монастыренть ланга

XVIII-це пингес Краснослободскойсэ ульнесь Покровской монастырь, конась, арсематнень коряс, панжозель XVII-це пингестэ^[2]. 1764-це иестэ монастыресь пекстазель, сонзэ храмось кармась приходонсекс. 1830-це иестэ Покровской приходской церьковантень сёрмадстозель успениянь богадельнясь, кона шкань ютазь теевсь Успениянь монастырекс.

Богадельнянть 1809-це иестэ^[1] теизе Абрам Дмитриевич Муромцев микшницясь^[3] Краснослободск ошонь чивалгома чиресэ. Богадельнясь аштесь Мокша леенть чиресэ ошонть эйстэ пельвёрстань ютазь, ошонь калмазыренть ды Темниковонть лангс кинть вакссо. Богадельнянть пингстэ ознома кудось стявтозель тосонь улицятнень вийсэ. Храмось ульнесь кевень ды вакссонзоль Николай Чудотворецэнть лемс теезь строявкс, кона путозель ХIХ-це пингень прядовомсто^[4].

1827-це иестэ богадельнясь теезель общинакс^[5].

1860-це (лия даннойтнень коряс^[5], 1861-це) иестэ богадельнясь теезель монастырекс, конанень максозель колмоце класс^[1]^[5].

XX-це пингень ушодксонтень монастырень тевтнень ветясь игумения (руз.) (эрз.. 1908-це иестэ монастырьсэнть ульнесть 78 монахават ды 300 кунсолыцят^[5].

1920-це иестэ монастыресь пекстазель, седе тов зданиянь ламо пелькстнэ ульнесть тапазь. Неень шкас ванстовсть монастырень кевень зданиятне, конатнень эйсэ ашти ошонь шумбралгавтома кудось.

Монастырень святынятне

Монастырьсэ ульнесть кавто местночтимой пазават (руз.) (эрз.:

Феодоровской — Костромасто тамашань теиця пазавасто снимка, монастырьсэ 1847-це иестэ саезь;
«Отрада ды Утешения», Афононь Ватопедэнь Пазонь Авань пазавасто снимка — монастырьсэ 1876-це иестэ саезь;
Иневанькс Пантелеимононь пазава.

Ташто стилень коряс эрьва иень аштемковонь 29-це чистэ монастырьсэ редявкшнось паломникень покш пурнавкс (паломниктнень ютксо сон пек вечкевкшневсь секс, мекс аштесь кинть вакссо, кона ветясь Саровонь аволь покш монастырентень)^[2].

Храмтне ды строявкстнэ

XX-це пингень ушодксонтень монастырьсэ стявтозельть кавто храмт^[5]^[2]:

Баягань кудо марто Вознесениянь собор (1872—1878-це иетнестэ);
Успениянь Пазонь Авань лемс храм (светязь 1816-це иестэ), Пётр ды Павел апостолтнэнь, Феодосий ды Антоний Печерскийтнень лемс кавто строявкст, конат светязельть 1822-це иестэ.

Монастырьсэ ульнесь духовной званиянь уроз тейтернетнень туртов училища, паломниктнень туртов инжень кудо, богадельня, шумбралгавтома кудо^[2] ды пазавань теемань тарка^[5]. Шумбралгавтомань кудонь келейной корпуссо, кона стявтозель монастырень чивалгомань стенанть вакссо, ашти кудонь храм — Александр Невскиень (руз.) (эрз. церькова, кона стявтозель 1890-це иестэ. Келиянь корпусонь зданиясь эзь ванстово, неень шкасто тосо ашти Краснослободскоень межрайонной шумбралгавтомань кудонь отделениятнестэ вейкесь. Мазычинь коряс явовкшнось корпусонь лембе пельксэнть велькссэ куполсо. Настоятельской монастырень зданиясь ванстовсь ды занязь шумбралгавтомань кудонь администрациясо. Ванстовсть Краснослободскоень епархиянь монастырень ярсамонь икелень палататне.

Эзть ванстово: Кевень стенатне ды башнятне, конатнесэ ульнесь куродозь монастыресь. Монастырень кевень флигелесь. Баягань кудонть марто Вознесениянь соборось (1872—1878-це иетнестэ). Успениянь ознома кудось (1810—1816-це иетнестэ). Петрань ды Павелэнь ознома кудось (XX-це пингень ушодксонь строявксось).

Фотот

Келейной корпус. Александр Невскиень кудонь церькова.
Настоятельской корпус.
Краснослободскойсэ Успениянь монастырь. Фотось XX-це пингень ушодксонь.

Литература

Беляев И. Краснослободский Успенский женский монастырь // Пензенские епархиальные ведомости. — 1878. — № 24.
Беляев И. Игумения Фотиния, настоятельница Краснослободского женского монастыря // Пензенская губернская типография. — 1875.
Лютов А. Церкви и монастыри Краснослободска// Красная Слобода № 46,47,48,49. — 1993.
Лютов А. В., Махаев В. Б. Краснослободский Успенский женский монастырь. Мордовская энциклопедия: в 2 т., т.1, А-М. Гл. ред. кол.: А. И. Сухарев (Гл. ред.) и др.; НИИГН при Правительстве Р.М-Саранск: Мордовское книжное Изд-во, 2003 г. — с.447.

Тешкставкст

↑ ¹ ² ³ Зверинский В.В. Материал для историко-топографического исследования о православных монастырях в Российской империи с библиографическим указателем. В 3-х тт. — Т.I. Учреждение новых монастырей с 1764-95 по 1 июля 1890 года. — Санкт-Петербург: Типография В. Безобразова и компании, 1890. — С. 273. — 294 с.
↑ ¹ ² ³ ⁴ Православные русские обители: Полное иллюстрированное описание всех православных русских монастырей в Российской империи и на Афоне / редактор Поповицкий Е.А.. — Санкт-Петербург: Издательство П.П. Сойкина, 1909. — С. 388. — 712 с.
↑ Марина Скоробогатова. Успенский женский монастырь г. Краснослободска (руз.). https://krasnoslobodsk-eparhia.ru/+(13 Аштемковонь 2014). Дата обращения: 14 Умарьковонь 2025.
↑ Церкви, причты и приходы Пензенской епархии / составитель Попов А. Е.. — Пенза: Типография губернского правления, 1896. — С. 79. — 272 с.
↑ ¹ ² ³ ⁴ ⁵ ⁶ Православные монастыри Российской империи. Полный список всех 1105 ныне существующих в 75 губерниях и областях России (и 2 иностранных государствах) мужских и женских монастырей, архиерейских домов и женских общин / составитель Денисов Леонид Иванович. — Москва: Издательство А. Д. Ступина, 1908. — С. 650-651. — 984 с.

Ссылкат

[:0-1] ¹ ² ³ Зверинский В.В. Материал для историко-топографического исследования о православных монастырях в Российской империи с библиографическим указателем. В 3-х тт. — Т.I. Учреждение новых монастырей с 1764-95 по 1 июля 1890 года. — Санкт-Петербург: Типография В. Безобразова и компании, 1890. — С. 273. — 294 с.

[:2-2] ¹ ² ³ ⁴ Православные русские обители: Полное иллюстрированное описание всех православных русских монастырей в Российской империи и на Афоне / редактор Поповицкий Е.А.. — Санкт-Петербург: Издательство П.П. Сойкина, 1909. — С. 388. — 712 с.

[3] Марина Скоробогатова. Успенский женский монастырь г. Краснослободска (руз.). https://krasnoslobodsk-eparhia.ru/+(13 Аштемковонь 2014). Дата обращения: 14 Умарьковонь 2025.

[4] Церкви, причты и приходы Пензенской епархии / составитель Попов А. Е.. — Пенза: Типография губернского правления, 1896. — С. 79. — 272 с.

[:1-5] ¹ ² ³ ⁴ ⁵ ⁶ Православные монастыри Российской империи. Полный список всех 1105 ныне существующих в 75 губерниях и областях России (и 2 иностранных государствах) мужских и женских монастырей, архиерейских домов и женских общин / составитель Денисов Леонид Иванович. — Москва: Издательство А. Д. Ступина, 1908. — С. 650-651. — 984 с.

[1]

[2]

[3]

[4]

[5]