Учеваткин, Александр Андреевич

Александр Андреевич Учеваткин
Александр Андреевич Учеваткин
Чачома чизэ	1987-це иень эйзюрковонь; 21-це чи
Чачома тарказо	Сабанцеле веле, Атяшевань буе, Мордовиянь АССР, СССР
Масторозо
Важодемазо	тонавтыця
Мирдезэ	Наталья Учеваткина
Эйкакшонзо	Всеволод, Никита
Казнензэ ды премиянзо	Тиринь келень ды литературань Весе Россиянь сех вадря тонавтыця (2017-це ие)

Алексáндр Андрéевич Учевáткин (1987-це иень эйзюрковонь 20-це чи, Сабанцеле веле, Атяшевань буе, Мордовиянь АССР, СССР) — кельсодый, тонавтыця, общественной важодиця, морыця, филологиянь наукань кандидат (2013-це ие).

Эрямо кизэ

Чачсь 1987-це иень эйзюрковонь 21-це чистэ Мордовиянь АССР-нь Атяшевань буень Сабанцеле велесэ. Эрзя.
2004-це иестэ прядызе Сабанцелень школанть^[1].
2009-це иестэ «Тиринь кель ды литература» специальностенть коряс «Рузонь кель ды литература» башка специальностенть марто прядызе М. Е. Евсевьев лемсэ Мордовиянь тонавтыцянь государственной институтонь (ней — университет) филологиянь факультетэнть^[2].
2009—2013-це иетнестэ «Россиянь Федерациянь раськень кельтне» специальностенть коряс тонавтнесь М. Е. Евсевьев лемсэ МГПИ-нь аспирантурасо, сёрмадсь наукань ды наукань-методикань 10 важодемат, тензэ максозь филологиянь наукань кандидатонь учёной степенесь^[3].
2014—2019-це иетнестэ важодсь Саран ошонь 4-це лицеень трямонь-кастомань коряс прявтонь полавтыцякс, ветясь эрзянь ды мокшонь кельть^[4].
2017-це иестэ Александр Учеваткин изнясь тонавтыцянь зярыя покш пелькстамосо: «Саран ошонь эрзянь ды мокшонь келень сех вадря тонавтыця», «Мордовия Республикань эрзянь ды мокшонь келень сех вадря тонавтыця», Москов ошсо Тиринь келень ды рузонь келень тонавтыцятнень ютксо изнясь Весе Россиянь мастер-классо, косо сехте покш казнекс максозель «Сиянь толга» Гран-прись^[5]^[6].
Важодсь Саран ошонь 13-це це школань (ней — П. И. Орлов Советской Союзонь Героенть лемсэ Саран ошонь 2-це школань 2-це корпус) прявтокс^[7].
Неень шкасто эри ды важоди Московсо.

Кода касты эрзянь келенть

Свалшкане теи покш важодема тиринь эрзянь келензэ кастомга. Сёрмады валморот, ютавты эрзянь кельстэ рузонь кельс ды мекевланг. Ютавтызе эрзянь кельс «ВКонтакте» социальной сетень интерфейсэнть, «Вишка инязорнэ» («Маленький принц») Антуан де Сент-Экзюперинь(ru) повестенть-ёвксонть^[8], «Киксай» («Зебра») мультфильманть^[9] ды ламо лия мезенть.
Александр Учеваткин — «Азор» (2019-це ие) эрзянь кельсэ художественной васенце фильмань сценариень сёрмадыця ды продюсер^[10]^[11]^[12]^[13], «Иван Гусев. Подвиг на Курской дуге» (2022-це ие) рузонь кельсэ документальной фильмань теицятнестэ вейке^[14]^[15] ^[16]. Теде башка анокстась ды тейсь документальной лия фильмат.
В. И. Ромашкин лемсэ «Торама» фольклоронь морокурос совиця^[17]^[18].

Кудораськезэ

Урьвакстозь. Наталья нинзэ марто кастыть Всеволод ды Никита кавто цёрат.

Казнензэ

Мордовия Республикань Прявтонь государственной премиянь лауреат (2019-це ие).

Тешкставкст

Ссылкат

[1] МБОУ «Сабанчеевская средняя школа»

[2] М. Е. Евсевьев лемсэ МГПУ-нь филологиянь факультет

[3] Электронная библиотека диссертаций

[4] МОУ «Лицей № 4», Республика Мордовия, г. Саранск

[5] Поздравляем с победой А.А. Учеваткина!

[6] Весе Россиянь мастер-классонь изницясь Александр Учеваткин

[7] МОУ «Средняя общеобразовательная школа №2 им. Героя Советского Союза П. И. Орлова», г. Саранск

[8] «Маленького принца» на эрзянском языке захотели издать в Германии

[9] «Киксай» мультфильмась эрзянь кельсэ

[10] Азор (2018)

[11] АЗОР — Официальный трейлер (HD)

[12] В Мордовии сняли полнометражный художественный фильм на эрзянском языке «Азор»

[13] «Азор»

[14] Иван Гусев. Подвиг на Курской дуге

[15] История фильма «Иван Гусев. Подвиг на Курской дуге»

[16] В Музее Победы в Москве показали фильм о подвиге танкиста Ивана Гусева

[17] Торама им. Владимира Ромашкина в Музее им. Владимира Ромашкина. Приветствуем Ульяновскую область

[18] Ансамбль «Торама имени Владимира Ромашкина» отметит своё 30-летие виртуальным концертом

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]