Федотов, Пётр Федотович
| Пётр Федотович Федотов | |||||||||||
|---|---|---|---|---|---|---|---|---|---|---|---|
 | |||||||||||
| Масторозо |
 СССР |
||||||||||
| Кодамо ушмосо | авиациянь | ||||||||||
| Служамонь иетне | 1927—1958-це | ||||||||||
| Званиязо |
гвардиянь полковник  |
||||||||||
| Казнеть ды премият |
|
||||||||||
Пётр Федотович Федотов (1905—1988) — Советской Армиянь полковник, Ине Отечественной войнасо улиця, Советской Союзонь Герой (1945-це ие).
Эрямокизэ
Пётр Федотов чачсь 1905-це иень медьковонь 1-це чистэ Од Обуховка велесэ (ней — Мордовия Республикань Сыре Шайговань буе). Руз. Школасо кемень классонь прядомадо мейле важодсь велень хозяйствасо. 1927-це иестэ Федотов саезель служамо Важодицянь ды сокицянь-видицянь Якстере Армияв. 1931-це иестэ прядсь
Весе Россиянь центральной исполнительной комитетэнь лемсэ Военной вейсэндязь школа, 1933-це иестэ — Менельвенчень ветицянь Борисоглебской авиациянь военной школа, 1942-це иестэ — Военно-воздушной академиянь кавто курсат[1]. Секе иень ожоковсто саезь — Ине Отечественной войнань фронттнэсэ.
1945-це иень эйзюрковонтень Пётр Федотов гвардиянь подполковникесь ульнесь Украинань 1-це фронтонь коштонь 2-це армиянь гвардиянь штурмань
2-це авиакорпусонь гвардиянь штурмань 5-це авиадивизиянь гвардиянь штурмань
95-це авиаполконь прявтокс. Се шкантень сон тейсь 78 ливтямот, коштонь тюрематнесэ правтсь ятонь 4 менельвенчть[2]. Сонзэ прявтсо полконь менельвенчень ветицятне тейсть боевой техникань вейсэнь пурнавоманть ды яттнэнь лангс каявомань 3700-до ламо ливтямот, теде мейле ятонть ульнесть покш ёмавтоманзо.
1945-це иень аштемковонь 27-це чистэ СССР-нь Верховной Советэнь Президиумонь кармавтомасо Пётр Федотов гвардиянь подполковникентень максозель Советской Союзонь Героень покш лемесь, казезель Ленинэнь орденэсь ды «Сырнень Теште» медалесь[3].
Войнань прядовомадо мейле поладызе служамонзо Советэнь Армиясо. 1951-це иестэ прядсь офицерэнь составонь содамочинь кастомань курсат. 1958-це иестэ Федотов полковникень званиясо кучозель запасос. Эрясь Московсо. Кулось 1988-це иень даволковонь 2-це чистэ, калмазь Московонь Кунцевань калмолангсо.
Теде башка казезель Ленинэнь кавто орденсэ, Якстере Знамянь колмо орденсэ, Александр Невскиень ордентнэсэ, Отечественной войнань 1-це ды 2-це степенень орденсэ, Якстере Тештень орденсэ, омбомасторонь орденсэ ды зярыя медальсэ.
Тешкставкст
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Геройская быль. — 2-е изд. — Саранск, 1985. — С. 314—317.