Фомин, Николай Петрович

Фомин, Николай Петрович
Чачома чизэ	1914-це иень сундерьковонь 24-це чи(1914-11-24)
Чачома тарказо	Покш Сурмет, Абдулинонь буе, СССР
Кулома чизэ	1944-це иень медьковонь 3-це чи(1944-07-03) (29 иеть)
Кулома тарказо	Полоцкий район[d], Витебскоень ёнкс, Белорусскяй ССР[d], СССР
Масторозо	СССР
Важодемань ёрокчизэ	военнослужащий
Казнензэ ды медалензэ

Николай Петрович Фомин (1914 ие—1944 ие) — Важодицянь-сокицянь Якстере Армиянь майор, Ине Отечествань Торпингесэ улиця, Советэнь Союзонь Мараля (1944). Эрзя.

Эрямопингезэ

Николай Фомин чачсь 1914 иень сундерьковонь 24 чистэ Покш Сурмет велесэ (неень шкане — Оренбург ёнксонь Абдулин буе). Прядсь кото класст.

1936 иень ожоковсто саезель Важодицянь-сокицянь Якстере Армияв. Прядсь младшей лейтенантонь курсат. 1941 иень ожоковсто саезь Ине Отечествань Торпингесэ улиця. Ранязель колмонь кирда.

1944 иень ожоковсто Николай Фомин, конась сестэ ульнесь гвардиянь майорокс, ульнесь 1-це Балтикань туремакиксэнь 6-це гвардиянь армиянть 90-це гвардиянь леднема дивизиянь 272-це гвардиянь леднема полконь 1-це батальононь прявт (рузкс "комбат").

Вадрясто невтизе прянзо Белорусской ССРнь Витебской ёнксонь идемстэ.

1944 иень аштемковонь 22 чистэ года Фоминэнь батальонось сезизе немецень идемакиксэнть ды каятовкссо олякстомтызе Картоши ды Плиговки велетнень.

Вейке ротась лиядсь прявттомо ды кодаяк эзь стяво виев ятонь леднема алдо, Фомин стявтызе сонзэ атакас. Атакасо кундазельть 4 артиллериянь леднемапельть, 1 миномётонь батарея ды 3 пулемётт.

1944 иестэ аштемковонь 28 чистэ Фомин Николай стакасто ранязель ды кулось медицинской санитарной батальонсо (медсанбатсо) 1944 иестэ медьковонь 3 чистэ.

Колмозо

Калмазь Витебской ёнксонь Полоцкой буень Горяны велесэ.

Маралянь лемсэ каземазо

СССР-нь Верьце Советэнь Аштемэземень Мереманзо кувалт 1944 иень медьковонь 22 чистэ Николай Фомин гвардиянь майорось казезель Советэнь Союзэнь Маралянь ине лемсэ (руз. «образцовое выполнение боевых заданий командования на фронте борьбы с немецкими захватчиками и проявленные при этом мужество и героизм» кисэ) .

Теде башка казезель Ленинэнь орденсэ ды зярыя медальсэ.

Невткеть

• https://victorymuseum.ru/encyclopedia/heroes/fomin-nikolay-petrovich/

Ланганзо сёрмадовкстэ

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Навечно в сердце народном. 3-е изд., доп. и испр. Минск, 1984.
• Россовский В. П. Золотые Звёзды Оренбуржья, 1989.