Фотонь масторлангонь чи
| Фотонь масторлангонь чи | |
|---|---|
 Фотонь теицясь важодемасо. Паскаль Даньян Бувре, 1879-це иестэ | |
| Официальной лем | раськеютконь |
| Аравтозь | 2010-це иестэ |
| Ютавтома чи | умарьковонь 19-це чи |
| Тешкстамо | эрьва иестэ |
| Койть | ютавтневить эрьва кодат невтемат, пелькстамот, лекцият |
| Мезе марто сюлмазь | дагеротипиянь, фотонь теемань лувонть марто |
Фотонь масторлангонь чи (англ. World Photography Day) — умарьковонь 19-це чистэ эрьва иестэ тешкставиця раськеютконь покшчи. Те чись алтазь фотонь искусствантень ды наукантень, теде башка масторлангонь фотонь теицятненень, конатнень важодемаст кепетить ёжо, кастыть содамочить ды полавтыть эрямонть лангс вановтонть.
Эрямопингезэ
Умарьковонь 19-це чись кочказь а стяко — 1839-це иень те чистэнть невтезель дагеротипиясь, фотонь теемань ёнксось, конань ланга весень туртов ёвтнесь Луи Жак Манде Дагер французонь артыцясь ды одонь арсицясь-теицясь. Франциянь Правительствась яволявтызе тень кода «масторонтень казне», ды те шкастонть саезь фототнень ланга кармасть содамо весе.[1]
Ансяк 2010-це иестэ Корске Ара Австралиясто фотонь теицясь арсесь ды ёвтась мель тешкстамс Фотонь масторлангонь чи, истя тердсь модамасторонь весе ломантнень невтемс эсь фототнень ды тешктамс минек эрямосо фототнень таркаст. Се шкастонть саезь те чись кармась келейгадомо, фотонь теемань ды профессионалтнэнь ютксо кармась вечкевиксэкс.[2]
Покшчинть смустезэ ды прявт путовксонзо
Фотонь масторлангонь чись терди тешкстамс фотонть эрявиксчинзэ кода художественной ёнксонь, тевконёвонь ды кулянь невтема. Те покшчись максы масторлангонь эрьва кодат ёнкстнэстэ ломантненень камерань объективень пачк невтемс эсь эрямонть ды культуранть.
Теде башка, Фотонь масторлангонь чись аравтозь кирвазтемс шкинемань сятко ушодыця ды фотонь теицянь профессионалтнэнь ютксо, теемс од важодемат эрьва кодамо техникань ды стилень тевс нолдазь. Теке марто покшчись ледсти фотонь ванстомань эрявиксчиде, зярдо фототнень вельде ванстовить покш тевть ды чить, конат лездыть чарькодемс эрямопингенть ды культуранть.
Койть ды ютавтнемань тевть
Фотонь масторлангонь чись тешкстави весе модамасторсо эрьва кодамо тевсэ:
- Онлайн-невтемат ды пелькстамот: те чистэнть ютавневить фотонь ламо пелькстамот, конатнесэ эсь виест невтнить фотонь эрьва кодат тейницят. Изницятнень важодемаст сеедьстэ нолдавить соцсеттнесэ ды башка таркатнесэ, конат алтазь фототненень.
- Невтемат ды фототеварсевкст: музейтне, галереятне ды фотокуротне анокстыть невтемат, конатнесэ — фотонь содавикс теицятнень важодемаст ды теде башка од ды икелев молиця теварсевкст.
- Тонавкст ды лекцият: ютавтневить тонавтомань тевть, конатнесэ фотонь теицятне максыть эсь содамочист ды ёвтнить эрьва кодамо техникатнеде, конатнень ютксо портретэнь, пертьпельксэнь эли документальной фотот.
- Социальной сетть: тесэ совицятне сеедьстэ путтнить #WorldPhotographyDay тешксэнть марто эсь вечкевикс фотост, истя теить фотонь вечкицянь ды профессионалонь покш куро.
Фототне ломантнень эрямосо
Фотось ашти покш таркасо эрямопингень тешкстамосо, культурань полавтнемань ёнкстнэсэ ды кулянь сравтнемасо. Фотось ловови покш тевекс социальной эрьва кодат стакачитнень, пертьпельксэнь зыянтнэнь ды закононь кирдемань кевкстематнень лангс варштамокс.
Теде башка фотось невти искусствань, мазый оршамонь ды рекламань касома, тень вельде модамасторонть лангсо миллионт ломантнень пельде кастови эрямонтень вечкемась. Цифрань фотонь ды социальной сетень появамонть марто фотот мереви ванномс эрьванень, мезесь максы невтемс эсь шкинеманть ды меленть-арсеманть.[3]
Фотонь содавикс теицят
Эрямопингень перть фотонь ламо теицятне кадсть покш тешкс культурасо ды искусствасо. Истят ломантнень ютксо:
- Ансель Адамс — американь фотонь содавикс теиця, кона содави Американь Вейсэндязь Штатонь (США-нь) Раськень парктнень мазычист раужо-ашо фотонь невтемасо.
- Анри Картье-Брессон — франциянь фотонь теиця, документальной фотографиянь ды Magnum Photos фотоагентствань теицятнестэ вейке.
- Сергей Прокудин-Горский — рузонь фотонь теиця, кона путсь ламо вийть фотонь теемань ды кинонь кастомасо. Россиясо тюсонь фотонь теицятнестэ ушодыця, «Россиянь империянь мазый таркат» фотоархивень коллекциянь пурныця.
Теке марто вант
Тешкставкст
- ↑ Буринский, В.Ф. Дагерр и Ниэпс, их жизнь и открытия в связи с историей развития фотографии : биографические и популярно-научные очерки. - Санкт-Петербург, 1893.
- ↑ Всемирный день фотографии в 2024 году: история и традиции праздника. Семья.Проект КП (13 августа 2024).
- ↑ 19 февраля 2024. Что значит фотография в жизни человека. Мультифото.