Чадайкин, Василий Иванович

Василий Иванович Чадайкин
Василий Иванович Чадайкин
Чачома чизэ	3 ожоковонь 1924
Чачома тарказо	Каргаша (Пейкужо буе), Спассонь уезд[d], Пензань губерния[d], РСФСР[d], СССР;
Кулома чизэ	15 таштамковонь 1988 (63 года)
Кулома тарказо	Новороссийск[d], Краснодаронь край, РСФСР[d], СССР;
Масторозо	СССР
Званиязо
Тюремат/войнат	Ине Отечественной война;

Васи́лий Ива́нович Чада́йкин (1924-це иень ожоковонь 3-це чи — 1988-це иень таштамковонь 15-це чи) — Украинань 3-це фронтонь тылэнь ванстомань коряс Внутренней тевень народной комиссариатонь (НКВД-нь) ушмонь пограничной
134-це полконь резервень отделениянь 1-це заставань командирэнь полавтыця, младшей сержант. Советской Союзонь Герой.

Эрямокизэ

Чачсь 1924-це иень ожоковонь 3-це чистэ неень шкань Мордовия Республикань Зубово-Полянань буень Каргашина велесэ. Мокша. 1945-це иестэ саезь Советской Союзонь коммунистэнь партияс/Коммунистэнь (большевикень) Весе Союзонь партияс совиця^[1]. Прядсь средней школань 8 класст.

1942-це иень умарьковсто саезель Важодицянь ды сокицянь-видицянь Якстере Армияв. Ине Отечественной войнань тюрематнесэ 1943-це иень панжиковсто саезь.

1945-це иень даволковонь 12-це чистэ В. И. Чадайкин пограничной 134-це полконь резервень отделениянь 1-це заставань командирэнь полавтыцясь, младшей сержантось Буда ошонть маласо ятонь группань куродомасто сезевемань лисемстэ тюремасонть пекстызе кудонть, косо ульнесть ятонь малав сядо ушмант, пулемётонь толсо яжась ятонь 53 тюрицят ды кармавтынзе лиятнень лисемс кепедезь кедь марто^[2].

1946-це иень панжиковонь 15-це чистэ СССР-нь Верховной Советэнь Президиумонь кармавтомасо прявттнэнь пельде кармавтоматнень парсте топавтомань ды тень пингстэ невтезь виевчинь ды геройксчинь кис Василий Иванович Чадайкин младшей сержантонтень максозь Советской Союзонь Героень лемесь, казезь Ленинэнь орденэсь ды «Сырнень Теште» медалесь^[3].

Ине Отечественной войнань прядовомадо мейле служамонзо поладызе СССР-нь НКВД-нь пограничной ушмосо. 1952-це иестэ прядызе Харьковонь пограничной училищанть. Служась пограничной заставань прявтонь полавтыцякс ды прявтокс. 1962-це иестэ саезь В. И. Чадайкин капитанось — запассо.

Эрясь Новороссийск героень лемень кандтниця ошсо. Важодсь троллейбусонь управлениясо. Кулось 1988-це иень таштамковонь 15-це чистэ. Калмазь Кабахаха пандонь калмолангсо (Новороссийск ош).

Теде башка казезель Ленинэнь орденсэ, Отечественной войнань 1-це степенень, Якстере Тештень, Славань 3-це степенень ордентнэсэ, зярыя медальсэ^[4].

Тешкставкст

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Герои тревожных рассветов. — Киев, 1978.
Мордовия: Энциклопедия. — Саранск, 2007.
Пограничная служба России: Энциклопедия. Биографии. — М., 2008.

Ссылкат

[1] Краеведческий проект «Созвездие Героев»: Чадайкин Василий Иванович

[2] Чадайкин Василий Иванович

[3] Василий Чадайкин: снайпер и отчаянный воин. Как небогатырского вида боец удостоился звания Героя

[4] Численное превосходство врага не запугало героя-пограничника Чадайкина. Один против 100

[1]

[2]

[3]

[4]