Шариков, Николай Григорьевич
| Николай Григорьевич Шариков | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Чачома чизэ | 1922-це иень ацамковонь 27-це чи | |||||||||||||||||||
| Чачома тарказо | ||||||||||||||||||||
| Кулома чизэ | 1991-це иень умарьковонь 8-це чи (68 иеть) | |||||||||||||||||||
| Кулома тарказо | ||||||||||||||||||||
| Масторозо |
 СССР |
|||||||||||||||||||
| Кодамо ушмосо | леднемань войскат | |||||||||||||||||||
| Служамонь иетне | 1941—1960 | |||||||||||||||||||
| Званиязо |
 |
|||||||||||||||||||
| Частезэ | 195-я стрелковая дивизия, 37-я армия, 3-й Украинский фронт | |||||||||||||||||||
| Тюремат/войнат | Ине Отечественной война | |||||||||||||||||||
| Казнеть ды премият |
|
|||||||||||||||||||
| Служамосто туемадо мейле | 1968-це иес важодсь горисполкомсо | |||||||||||||||||||
Никола́й Григо́рьевич Ша́риков (1922-це иень ацамковонь 27-це чи, Летки веле, Пензань губерния — 1991-це иень умарьковонь 8-це чи, Артёмовск, Донецк ёнкс) — советской офицер-пехотинец, Ине Отечественной войнасо улиця, Советской Союзонь Герой (13.09.1944)[1]. Подполковник.
Эрямо кизэ
Чачсь 1922-це иень ацамковонь 27-це чистэ Пензань губерниянь Летки велесэ[2] сокицянь-видицянь семиясо васенце экакшокс (ули сазорказо). Тетязо — Григорий Иванович, авазо — Александра Степановна Шарикова. Руз. Летка велесэ прядсь вейке класс Леткань аволь пешксе средней школасо. 1928-це иестэ кудораськезэ тусь эрямо Новосибирск ошов. 1933-це иестэ апак учонь тевень коряс кудонь чапомсто кулось тетязо (авазо кулось седе икеле) ды Николай трявсь эйкакшонь кудосо, детдомсо. Прядсь сисем иень школа. Школадо мейле важодсь Новосибирскоень предприятиятнесэ: табельщикекс «Заготзерно» конторасо, маслёнщикекс вирень пилямо заводсо, слесарекс № 1 мелькомбинатсо[1].
Якстере Армиясо 1941-це иень медьковсто, саезель Новосибирскоень Октябрьской райононь военкоматонть пельде. Прядызе Омскоень 2-це военной пехотань училищанть, кучозель Бийск ошов 288-це запасной стрелковой полконь прявтокс, 1942-це иень умарьковсто саезь 1943-це иень якшамков видьс — те полконть ротань прявт. Важодиця армиясо 1943-це иень якшамковсто саезь. Ульнесь Нижнеднепровской, Никопольско-Криворожской, Березнеговато-Снигирёвской икелев молема операциятнесэ[3].
Ансяк сехте пек 573-це стрелковой полконь (195-це стрелковой дивизия, 37-це армия, 3-це Украинань фронт) батальононь прявтось старшой лейтенантось Н. Шариков невтизе прявтонь ёрокчинзэ ды эсь мужестванзо Одессань икелев молема операциясо.
Операциянть ушодовомсто, 1944-це иень эйзюрковонь 29-це чинь вентень, сонензэ максозель кармавтома ютамс Южный Буг леенть трокс, Шариков комбатось анокстась штурмань группа (сонсь арась прявтокс) ды совавтсь сонзэ эйс эсь батальононть станковой пулемётнэнь весе расчётнэнь, ды тона лей чирес пачкодемадо мейле саизе ды кирдизе плацдарманть, кирдсь зярыя атакат, мезесь лездась весе батальононть ды мейле весе полконть ютамотненень.
1944-це иень чадыковонь 6-це чинь 7-це чис вестэнть Кучурган станциянть маласо ятось арсесь танксо вень каявома. Н. Г. Шариковонь батальонось керязель прявт вийтнеде. Педе пес окружениясо комбатось аравтсь оборона ды кирдсь ятонть каявоманзо, мейле тейсь прорыв ды арась атакань прявтокс, ливтинзе весе ранязетнень ды весе метериальной пельксэнть. 1944-це иень чадыковонь 12-це чистэ Г. Г. Шариков батальононь прявтокс улемстэ форсировизе Днестр леенть Кицкань веленть маласо Тираспольде седе лембе ёнксов (Молдавиянь ССР), атаковизе ятонть кедьсэ виевгавтозь высотанть ды панизе тосто ятонть, мейле пек превейстэ аравтызе оборонанть, мезесь лездась цидярдомс контратакатнень ды кирдемс высотанть. Те тевесь пек лездась стратегической эрявикс советской войскатнень Кицканской плацдарманть кирдемасо.
1944-це иень таштамковонь 13-це чистэ Верховной Советэнь Президиумонь кармавтоманзо коряс Шариков Николай Григорьевичнень ульнесь максозь Советской Союзонь Героень покш лемесь Ленинэнь орденэнь (№ 17165) ды «Сырнень теште» (№ 2720) медальтнень максомаст марто.
1944-це иень умарьковсто Н. Г. Шариков таго невтизе прянзо теке герой Ясско-Кишинёвской наступательной операциясонть, мейле таштамковсто — Румыниянь олякстомань тюрематнесэ. Ковонь прядовомсто дивизиясь, косо сон ульнесь, ёртозель Болгариянь модантень ды тосо аштесь войнань прядовомас. Тюрематнесэ улема шкатнестэ (малав иень перть) Н. Г. Шариков кавксть ранязель ды кавксть получась контузия, казязель вете медальсэ. Невтизе прянзо теке ёроков командир: весе наградань конёвсонзо сёрмадозель «батальононть арасельть ёмавксонзо», «тевесь топавтозь вишка ёмавкс марто».
Войнадо мейле служась Советской Армиясо. 1949-це иестэ прядсь «Выстрел» леднемань-тактикань курсат. 1960-це иестэ саезь Шариков подполковникесь запассо.
Эрясь Донецкой ёнксонь Артёмовск ошсо. 1968-це иес важодсь те тарканть горисполкомсо. Кулось 1991-це иень умарьковонь 8-це чистэ Артёмовск ошсо, калмазь ошонь калмолангонь Славань Аллеясо.
Казезь Ленинэнь орденсэ (13.09.1944), Якстере Знаменень орденсэ (7.09.1944), 3-це степенень Суворовонь орденсэ (23.10.1944), Александр Невскоень орденсэ (23.03.1944), Отечественной войнань 1-це (11.03.1985) ды 2-це (4.06.1944) степенень ордентнэсэ, «Отвагань кис» ды «Боевой заслугатнень кис» медальтнесэ (19.11.1951), лия медальтнесэ. Мордовия Республикань Сыре Шайговань буень Сыре Шайгова велесэ путозь памятной стела[1] [2] [3].
Тешкставкст
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Геройская быль. — 2-е изд. — Саранск, 1985. — С. 348—352.
- Звёзды доблести ратной: О Героях Советского Союза — новосибирцах / сост. Е.Д. Головин, Л.М. Живоглядова. — 2. — Новосибирск: Новосибирское книжное издательство, 1986. — С. 383—386. — 432 с.
- Новосибирцы — Герои Отечества. — Новосибирск, 2010.
Ссылкат
Антон Бочаров. Шариков, Николай Григорьевич. «Масторонь маралят» вальмась. Дата обращения: 28 Таштамковонь 2020.- Правительство Мордовии
- Герои страны. Шариков Николай Григорьевич .
- Биографическая справка на Портале Правительства Омской области.
- Патриоты Мордовии
