Эмеев, Батыр Эмеевич

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Эмеев.
Батыр Эмеевич Эмеев
Эмеев Батыр Эмеевич.webp
Флаг
Мордовия Республикань
Правительствань Прявт
Флаг
 2025-це иень умарьковонь 11-це чистэ саезь
Флаг
Дагестан Республикань промышленностень ды микшнемань министра
Флаг
2020 — 2022-це иетнестэ
Правительствань Прявтось 2025-це иестэ саезь
(прявтонь тевтнень топавтыця)
Чачома чизэ

1984-це иень таштамковонь 1-це чи(1984-09-01) (41 ие)


Тонавтнемазо РУДН

Баты́р Эме́евич Эме́ев (1984-це иень таштамковонь 1-це чи, Кизилюрт[d], Дагестанонь АССР[d]) — Россиянь государственной важодиця, Мордовия Республикань Правительствань Прявт[1].

Эрямокизэ

Батыр Эмеев чачсь 1984-це иень таштамковонь 1-це чистэ Дагестанонь АССР-нь Кизилюрт (руз.) (эрз. ошсо. 2007-це иестэ «Масторлангонь экономика» ды 2010-це иестэ «Юриспруденция» специальносттнень коряс прядызе Россиянь раськетнень ялгаксчинь университетэнть (руз.) (эрз. (РУДН-нть).

Важодемазо

2007-це иестэ саезь важодсь Россиянь Федерациянь экономикань кастомань ды микшнемань министерствань (руз.) (эрз. Макроэкономикань прогнозированиянь департаментсэ[2].

2011-це иестэ саезь 2018-це иес ульнесь промышленной предприятиянь финансовой прявтокс.

2018-це иень аштемковсто саезь 2020-це иень медьковс важодсь Дагестан Республикань промышленностень ды энергетикань министерствасо, тень пингстэ — министрань полавтыцякс.

2020-це иестэ саезь — Дагестан Республикань промышленностень ды микшнемань министра, Дагестан Республикань Правительствань Прявтонь васенце полавтыця.

Теке марто улить ламо содамочинзэ строямосо ды машиностроениясо.

2022-це иень ацамковонь 5-це чистэ Мордовиянь Прявтонь кармавтомасо аравтозь Мордовия Республикань Правительствань Прявтонь полавтыцянь тевтнень топавтыцякс. Правительствасо невтемстэ Артём Здунов тешкстась:

Батыр Эмеевич ульнесь Дагестансо промышленностень министерствань прявтокс, важодсь пек парсте. Минь одов тевс нолдынек зярыя предприятият, конатне малав пекстневсть, ветявсь паро важодема промышленной парктнень теемга[3].

2022-це иень ацамковонь 27-це чистэ саезь — Мордовия Республикань Правительствань Прявтонь полавтыця[4]. Покш мель яви килангонь, тонавтомань, социальной ды лия объекттнэнь строямонь ванномантень ды важодемантень[5]. Теде башка вети Мордовия Республикань боксонь федерациянь президентэнь тевтнень[6].

2025-це иень умарьковонь 11-це чистэ Мордовиянь Государственной Собраниянь промкссо депутаттнэ кирдизь Батыр Эмеевень кандидатуранть, конань аравтомадо мель ёвтась Артём Здунов[7]. Кочкамодо мейле Правительствань од Прявтось мерсь:

Мон а карман алтамо атеевикс тевть. Ансяк алтан важодемс парсте, панжадо ды мелень путозь. Улемс тосо, косо улить стакачить, ды сетнень вакссо, кинень эряви лездамо. Ули мелем теемс истя, полавтоволь Мордовиясь паро ёнов — эскельксэнь эскелькс, алкуксонь тевтнень вельде. Ды мон анокан путомс тень эйс весе вием ды шкам[8].

Содасынзе англань ды французонь кельтнень.

Кудораськезэ

Урьвакстозь, касты ниле эйкакшт[9].

Тешкставкст

  1. ↑ Мордовия Республикань Прявтонь пресс-служба. Батыр Эмеев аравтозь Мордовия Республикань Правительствань Председателекс. e-mordovia.ru (11 Умарьковонь 2025). Дата обращения: 18 Таштамковонь 2025.
  2. ↑ Правительство Мордовии возглавил уроженец Дагестана: что известно о Батыре Эмееве (руз.). news.rambler.ru (12 Умарьковонь 2025). Дата обращения: 18 Таштамковонь 2025.
  3. ↑ Мордовия Республикань Прявтонь пресс-служба. Мордовиясо аравтозь Правительствань Председателень Полавтыцянть тевтнень топавтыцясь. e-mordovia.ru (6 Ацамковонь 2024). Дата обращения: 18 Таштамковонь 2025.
  4. ↑ «Не чувствую себя чужим!» (руз.). Столица С (27 Даволковонь 2023). Дата обращения: 18 Таштамковонь 2025.
  5. ↑ Батыр Эмеев посетил строительные объекты Саранска (руз.). ГТРК «Мордовия» (21 Медьковонь 2025). Дата обращения: 18 Таштамковонь 2025.
  6. ↑ Батыр Эмеев возглавил Федерацию бокса Мордовии (руз.). ГТРК «Мордовия» (30 Ожоковонь 2023). Дата обращения: 18 Таштамковонь 2025.
  7. ↑ Новым председателем правительства Мордовии стал Батыр Эмеев! Как это было (руз.). Столица С (11 Умарьковонь 2025). Дата обращения: 18 Таштамковонь 2025.
  8. ↑ Валентина Зотикова. Председателем правительства Мордовии стал Батыр Эмеев (руз.). Российская газета (11 Умарьковонь 2025). Дата обращения: 18 Таштамковонь 2025.
  9. ↑ Батыр Эмеев возглавил правительство Мордовии (руз.). МК в Дагестане (12 Умарьковонь 2025). Дата обращения: 18 Таштамковонь 2025.

Ссылкат

Саезь "https://myv.ruwiki.ru/w/index.php?title=Эмеев,_Батыр_Эмеевич&oldid=541333"-стэ