Эрявикстэ кортамот

Википедиясто материал - аорев содамкундосто

Эряви́кстэ кортáмот (руз. Разговóры о вáжном) — аволь классонь тонавкст, конат ютавтневить Россиянь общеобразовательной учреждениятнесэ ды алтазь историянтень, койтненень-кирдатненень ды масторонь культурань тевкадовксонтень. Школань программасо ушодвсть ютавтневеме 2022-це иестэ. Васенце тонавксонть ютавтызе Владимир Путин РФ-нь Президентэсь (руз.) (эрз. Калининградсо 2022-це иень таштамковонь 1-це чистэ. 2025-це иестэ саезь кеместазь «Эрявикстэ кортамот» Весе Россиянь премиянь максомась, кона сюлмазь те дисциплинасонть сех вадря тонавтыцятнень ды тонавтомань тевсэ кочкамонть марто.

Владимир Путин ютавты «Эрявикстэ кортамонь» васенце тонавкс.
2022-це иень таштамковонь 1-це чи, Калининград ош

Зярдо весемесь ушодовсь

Школань программантень свалшкань аволь классонь тонавксонь совавтомадо мелесь ёвтазель 2022-це иень аштемковсто «Знание» вейсэндявксонть промкссо. Тонавтнемань од иень ушодовомантень Россиянь Просвещениянь министерствась (руз.) (эрз. анокстась тонавтыцятнень туртов методикань лездамопельть[1]. Россиясо од дисциплинань ветямонтень классонь ветицятнень анокстасть 700 таркасо[2].

«Эрявикстэ кортамонь» васенце тонавксонть ютавтызе Владимир Путин Россиянь Президентэсь 2022-це иень таштамковонь 1-це чистэ Калининградов важодемань коряс сакшномань шкасто. Панжадо тонавксонтень тердезельть наукасо, культурасо ды спортсо олимпиадань ды пелькстамонь изницятне, конат састь Калининградов Россиянь эрьва кодамо ошсто. Тонавксось эзь ульне алтазь вейке темантень; сыцятне ёвтнесть Президентэнтень эсест туртов пек эрявикс событиятнень ланга ды макснесть кевкстемат наукань, историянь, экологиянь ды лия тематнень коряс. Тонавксонь стенограммась путозель Россиянь Президентэнь сайтсэ[3].

Весе Россиянть келес «Эрявикстэ кортамот» тонавксось ютась тонавтнема иень васенце пондельникстэ, таштамковонь
5-це чистэ. Тонавксонь темакс кармась Содамочинь чись. Тематне кочказь эрьва таргос икелепелев тонавтнема иень прядовомас, тематнень ютксо кочказельть историянь событиятне, содавикс ломанень биографиятне, Россиянь покшчитне, эрявикс таркасо аштиця социальной проекттнэ ды ламо лия мезесь[4].

Тонавкстнэнь туртов материалтнэнь анокстынзе Россиянь тонавтомань академиянь Тонавтомань кастомань стратегиянь институтось (руз.) (эрз.[5]. Тонавкстнэнь тематне ды плантнэ кочкавкшность наукань важодематнень, тонавтомань литературань ды нормативно-правовой тевконёвтнень лангс нежедезь[6]. Теварсевксэнть топавты Эйкакшчинь, кудораськень ды кастомань институтось.

2024-це иестэ «Эрявикстэ кортамотнень» кармасть ютавтнеме эйкакшонь кужотнесэ 5 иеде седе покш эйкакштнень туртов. Истямо мель-арсема ёвтасть эйкакшонь кужонь важодицятне, конат ютавтнесть тонавкст вишка тонавтницятнень туртов теезь методиканть коряс старшей ды анокстамонь группатнесэ ды ёвтасть эйкакштнень пельде те тевентень вечкемадонть[7].
2025-це иень якшамковсто саезь Россиянь эйкакшонь кужотнень ютксто истят тонавкст сех васенцекс кармасть ютавтнеме Вологдань эйкакшонь кужотне[8].

Мейстэ ашти тонавксось

Тонавкстнэнь арсеви ютавтнемс таргозонзо весть, пондельникстэ васенце тонавксокс. Истямо тонавксонть эйсэ эряви улемс весе тонавтницятненень 1-це классто саезь 11-це классос. Эрьва тонавксось ушодови Россиянь гимнасто ды государственной масторкоцтонь кепетемасто.

Эрьва тонавксонть туртов анокстазь методикань материалт. Сынь явовить 5 категорияс ды весемесь ашти тонавтницятнень иест эйстэ: 1-це классто саезь 2-це классос, 3-це классто саезь 4-це классос, 5-це классто саезь 7-це классос, 8-це классто саезь
9-це классос, 10-це классто саезь 11-це классос. Улить материалонь категорият, конат теезь средней профессиональной тонавтомань (руз.) (эрз. колледжтнень туртов[9].

Эрьва категориянтень совавтозь ютавтома лув ды методикань материалт, видеоневтемат, презентация ды плакат, конань мереви тевс нолдамс кода тонавксонть туртов заставкакс. Седе покш тонавтницятнень туртовгак анокстазь башка материалт. Арсеви, тонавтницятне ваныть видео, топавтыть интерактивень тев ды прядсызь тонавксонть эсь мелень-арсемань ёвтамосо. Тонавтыцятне эсест мелест коряс арсить ютавтома лувонть, материалтнэнь ды тонавксонь ветямонть лангсо[4].

Ламо тематнень коряс сёрмадовить видеот содавикс ломантнень марто, конат пек парсте содасызь кочказь те эли тона теманть. Истя, «Россиянь легендат» теманть коряс кортась Пётр Толстой Госдумань прявтонь полавтыцясь, Волонтёронь чинь теманть коряс — Елизавета Олескина «Старость в радость» фондонь теицясь, «Россиясь — шумбра мастор» теманть коряс — Максим Траньков олимпийской чемпионось. Видеось сёрмадозь кортамонь лувсо: инжетне ёвтыть каршо валт эйкакштнень кевкстемаст лангс[4].

Тонавкстнэнь ютавтомга материалтнэ путневить «Эрявикстэ кортамот» (руз. «Разговоры о важном») официальной сайтсэ. Весе материалтнэнь, конатнень ютксо икелень иенсетнеяк, мереви шождасто саемс.

Премиянь максома

2025-це иентень Россиясо ютавтовсть «Эрявикстэ кортамотнень» коряс 105 тонавкст, косо ульнесть 20 миллиондо ламо тонавтницят. Кортыцякс тердтнезельть общественной 120 важодицят ды федеральной ведомстватнень представительть. Тонавтомань материалтнэнь теемас эсь виест путызь Россиянь сех вадря компаниятне, конатнень ютксо: «Россиянь чугункань китне», «Росатомось», «Сбербанкось», «Васенце каналось», «Артекесь», «Россиянь военно-исторической вейсэндявксось» ды лиятне.

Теварсевксэнь социальной смустенть эрявиксчинзэ кирдемга арсезель мель макснемс «Эрявикстэ кортамот» Весе Россиянь премия. Каземась арсеви ютавтнемс ниле номинациява:

  • Иень сех вадря интервью;
  • Видеоанонсонь сех вадря ветиця;
  • Тердезь инжетнень пельде сех вадря тонавкс;
  • «Васенцеть. Эрявиксчиде кортамот» сериалонь (сериянь) сех вадря налксиця.

Тонавтыцятнень туртов тейсть «Эрявикстэ кортамонь анокстамо» башка номинация. Пелькстамос мереви максомс тонавксонь ютавтомань эсь теевкст, методикань материалт, тонавкссто кортамонь видеот.

Жюрис совить Трямонь-кастомань, кудораськень ды эйкакшпингень институтонь важодицятне, Тетянь-авань Весе Россиянь комитетсэ аштицятне ды «Кастомс ломань» пелькстамонь финалсо улицятне[10].

Тешкставкст

  1. ↑ «Разговоры о важном» в школе: что это и какие темы обсуждаются, Коммерсантъ (11 Якшамков 2024). Ваннозь 22 Панжиковонь 2025.
  2. ↑ Кравцов: «Разговоры о важном» позволят интересно рассказать о ценностях и истории России (руз.). Минпросвещения России. Дата обращения: 22 Панжиковонь 2025.
  3. ↑ Открытый урок «Разговор о важном», Президент России. Ваннозь 22 Панжиковонь 2025.
  4. ↑ 1 2 3 Разговоры о важном. Министерство просвещения Российской Федерации. Дата обращения: 22 Панжиковонь 2025.
  5. ↑ Разговоры о важном. Методические рекомендации. Институт стратегии развития образования.
  6. ↑ Классный час "Разговоры о важном" 2025-2026: что это такое, программа, темы уроков, Комсомольская правда. Ваннозь 22 Панжиковонь 2025.
  7. ↑ Путин поддержал идею проводить "Разговоры о важном" в детских садах, РИА Новости (3 Ожоков 2024). Ваннозь 22 Панжиковонь 2025.
  8. ↑ Власти Вологды первыми в стране ввели еженедельные «Разговоры о важном» в детсадах, Известия (21 Якшамков 2025). Ваннозь 22 Панжиковонь 2025.
  9. ↑ Разговоры о важном в колледже: как организовать внеурочные занятия для СПО (руз.). Единый всероссийский институт дополнительного профессионального образования. Дата обращения: 22 Панжиковонь 2025.
  10. ↑ Старт первой Всероссийской премии «Разговоры о важном» (12 Панжиковонь 2025). Дата обращения: 22 Панжиковонь 2025.

Ссылкат

Саезь "https://myv.ruwiki.ru/w/index.php?title=Эрявикстэ_кортамот&oldid=541534"-стэ