Юртов, Авксентий Филиппович
| Авксентий Филиппович Юртов | |
|---|---|
 Авксентий Юртов попонь оршамопельсэ | |
| Чачома чизэ | 1954-це иень даволковонь 8-це (20-це) чи |
| Чачома тарказо | Калейкина веле, Мензелинской уезд, Уфань губерния |
| Кулома чизэ | 1916-це иень чадыковонь 20-це чи |
| Кулома тарказо | Андрейвеле, Уфань уезд, Уфань губерния |
| Подданствазо | Россиянь империя |
| Важодемазо | просветитель, тонавтыця, этнограф, священник |
 Авксентий Филиппович Юртов | |
Авксе́нтий Фили́ппович Ю́ртов (1854—1916) — эрзянь келень коряс Россиянь просветитель, тонавтыця, этнограф. Кириллицанть лангс нежедезь эрзянь васенце букварень теиця.
Эрямокизэ
Чачсь 1854-це иень даволковонь 8-це (20-це) чистэ Калейкина велесэ (ней Татарстан Республикань Альметьевской буе) эрзянь сокицянь-видицянь кудораськесэ. Эйкакшпингестэ саезь содылизе татаронь келенть, прядызе Казанень кряшенэнь-татаронь центральной школанть.
Кармась тонавтнеме Казанень тонавтыцянь инородческой семинариясо, ульнесь Николай Иванович Ильминский востоковедэнть тонавтницякс. Юртов тонавтнесь эрзянь ды мокшонь кельтнень, пурнась фольклор.
1872-це иестэ эрзянь кельс ютавтызе «Ветхой Заветэнь историянть»[1]. Секе иестэ прядызе семинариянть, важодсь анокстамонь классонь тонавтыцякс, теде мейле семинариянть пингстэ тонавтсь эрзянь ды мокшонь училищасо.
1883-це иестэ саезь важодсь тонавтыцякс Самарань ды Уфань губерниятнень раськень училищатнень велетнесэ[2]. Тейнесь ютавтомат эрзянь ды мокшонь кельтнес. Школатнесэ кармась тонавтомо эрзянь ды мокшонь кельсэ. 1883-це иестэ Казаньсэ нолдась книга, конань лемезэ «Образцы мордовской народной словесности»[1].
1884-це иестэ Н. И. Ильминскиень прявтсо нолдась «Букварь для мордвы-эрзи с присоединением молитв и русской азбуки». Книгась сёрмадозель Равчиресэ эриця раськетнень туртов букварень теемань содамочитнень тевс нолдазь. Букваресь теезель рузонь графикань ёнкстнэнь лангс нежедезь, ансяк тень пингстэ авторось нолдась тевс лия ёнов а молиця диакритической тешкст[2]. Букварень прявт тексттнэде башка книгас совавтозельть эрзянь ды мокшонь раськень кортамонь невтематне ды эрзянь кельсэ озноматне[1]. Седе мейле Юртов важодсь эрзянь сёрмадоманть туртов паролгавтоманть ды вейкине вешематнень тевс нолдамонть лангсо[2].
1891-це иестэ Юртов сайсь священникень сан ды теде мейле тонавтомань тевенть эзь ветя. Служась Уфань губерниянь приходтнэнь эйсэ вейкесэнть.
Кулось 1916-це иень чадыковонь 20-це чистэ Уфань губерниянь Уфань уездэнь Андрейвелесэ (ней Башкортостан)[2].
Ледстнема
- 1992-це иестэ Саран ошсо Юртовонь лемезэ максозель вейке куронтень;
- Башкортостан Республикань Кармаскалинской буень Ильтерякова велень средней школасо панжозь Юртовонь музей, калмазырень лангсо аравтозь кеврунго<ref> Юртов Авксентий Филиппович. Башкирская энциклопедия.рф.[1];
- 2021-це иень медьковонь 21-це чистэ Ульяновск ошонь Киндяковка микрорайонсо панжозь Авксентий Юртов эрзянь ды мокшонь васенце просветителенть лемсэ сквер.
Сочинения
- Букварь для мордвы-эрзи с присоединением молитв и русской азбуки, Каз., 1884;
- Погребальные обряды и поверья крещеной мордвы Уфимской губ., «Известия по Казанской епархии», 1887, № 8, с. 227—29.
Литература
- Ильминский Н. И. Опыты переложения христианских вероучительных книг на татарский и другие инородческие языки в начале текущего столетия, Каз., 1883;
- Феоктистов А. П. Очерки по истории формирования морд, письменно-литературных языков, М., 1976;
- Осовский Е. Г. А. Ф. Юртов — предтеча мордовского просветительства, Саранск, 1995. Е. Г. Осовский.
Тешкставкст
Ссылкат
- Мордовский просветитель протоиерей Авксентий Юртов
- Шумбрат Рав. Авксентий Юртов: храним историю и отмечаем юбилей
- Юртовонь ледстнемга промксось вейсэндинзе тонавтыцятнень
- Фольклорный ансамбль «Зорине» сохраняет мордовскую культуру в Башкортостане
- Астувтовикст эрзянь ды мокшонь просветительтнень покш тевест
- Минек тевенек – а стувтомс Юртовонь валдо лемензэ