Якушкин, Георгий Трофимович

Георгий Трофимович Якушкин
Чачома чизэ	28 панжиковонь 1923(1923-05-28)
Чачома тарказо	Сире Пиченьгуж, Краснослободскоень уезд[d], Пензань губерния[d], РСФСР[d], СССР
Кулома чизэ	24 якшамковонь 1944(1944-01-24) (20 лет)
Кулома тарказо	Кыивэнь ёнкс, Украинань ССР[d], СССР
Масторозо	СССР СССР
Кодамо ушмосо	инженерэнь
Служамонь иетне	1942—1944-це
Званиязо	Сержант
Частезэ	стрелковой 78-це полк
Тюремат/войнат	Ине Отечественной война
Казнеть ды премият

Гео́ргий Трофи́мович Яку́шкин (1923-це иень панжиковонь 28-це чи —
1944-це иень якшамковонь 24-це чи) — Ине Отечествань войнасо улиця, Центральной фронтонь 13-це армиянь ледницянь 74-це дивизиянь ледницянь
78-це полконь сапёр, Советэнь Союзонь Откерь, Якстере Армиясо служиця.

Эрямокизэ

Чачсь 1923-це иень панжиковонь 28-це чистэ Пензань губерниянь (ней — Россиянь Федерациянь Мордовия Республикань Ельникень буень) Ташто Пичингуши велесэ сокицянь-видицянь кудораськесэ. Мокша. Эрясь Челяба ёнксонь Сосновской буень Новотроицк велесэ, косо прядсь ушодксонь школа. Важодсь колхозсо.

Якстере Армияв тердезель Челяба ёнксонь Сосновской буень военкоматсто
1942-це иень чадыковсто. Ине Отечествань войнань фронтсоль 1942-це иень аштемковсто саезь.

Георгий Якушкин ледницянь 78-це полконь сапёрось (леднемань 74-це дивизия, 13-це армия, Центральной фронт) пек парсте невтизе эсь прянзо Белоруссиянь Подлесской (ней Гомельской) ёнксонь Комаринской (ней Брагинской) буень кис олякстомтома шкасто.

1943-це иень таштамковонь 23-це чистэ Якушкин сапёрось васенцетнень ютксо ютызе Днепра леенть, редизе ятонь ушмотнень аштема таркаст ды ёвтась питней кулят ледницянь 78-це полконь прявттнэнень, мейсэ парсте лездась ушманонь эсь частентень парсте ютамонтень.

1943-це иень ожоковонь 16-це чистэ СССР-нь Верховной Советэнь Президиумонть кармавтоманзо коряс фронтсо немецень-фашистэнь ятонть каршо виевчинь, откерьксчинь невтеманть ды прявттнэнь пельде аравтозь тевень парсте топавтоманть кис Якушкин Георгий Трофимович Якстере Армиянь ушманонтень максозь Советэнь Союзонь Откерь лемесь.

1944-це иень якшамковсто Г. Т. Якушкин апелиця сержантось вейке тюремасо стакасто ранязель. Кулось ранатнеде 1944-це иень якшамковонь 24-це чистэ. Калмазь Сквира Украинань Киев ёнксонь ошсо.

Казнензэ

Казезь Ленинэнь орденсэ, медальсэ.

Ледстнемазо

• Сквира ошсо Георгий Якушкин Советэнь Союзонь Откеренть лемсэ ули куро.
• Челяба ёнксонь Сосновской буень Полетаева ошонь кондямо посёлкасо сонзэ ледстнемга аравтозель мемориальной лаз.

Тешкставкст

Ссылкат

•  Якушкин, Георгий Трофимович (неопр.). «Масторонь маралят» вальмась.(Ваннозь 15 Эйзюрковонь 2009)
• «Во имя Родины. Рассказы о челябинцах...»
• «Подвигом славны твои земляки»