Барцаева, Елена Васильевна
Барцаева, Елена Васильевна — «Чилисема» эрзянь эйкакшонь ды од ломанень журналонь прявт[1]. Эрзя.
Эрямонь ды тонавтнемань кизэ
Елена Барцаева чачсь 1979-це иень ожоковонь 17-це чистэ Саран ошсо.
1996-це иестэ «ветес» прядызе Кочкуровань буень Сурвелень тонавтнема кудонть[2]. Седе тов поладызе тонавтнеманзо Н. П. Огарёв лемсэ Мордовиянь государственной университетэнь филологиянь факультетсэ[3].
Важодемазо
2002-це иестэ университетэнь прядомадо мейле ушодсь важодеме старшей лаборантокс Н. П. Огарёв лемсэ МГУ-нь филологиянь факультетэнь эрзянь келень кафедрасо. 2003-це иестэ ютась важодеме художественной редакторокс «Чилисема» эрзянь эйкакшонь ды од ломанень журналонь редакцияс. 2009-це иестэ саезь кармась топавтомо журналонь ответственной секретарень тевтнень.
2021-це иень якшамковсто саезь – «Чилисемань» прявт редактор.
Казнензэ
- Мордовия Республикань Государственной Собраниянь Почётонь грамота.
- Мордовия Республикань Прявтонь сюконямо вал.
- Мордовия Республикань Почётонь грамота.