Бахарев, Василий Никифорович

Василий Никифорович Бахарев
Василий Никифорович Бахарев
Чачома чизэ	6 ацамковонь 1909
Чачома тарказо	Оржаньбуе, Сергачскяй уездсь[d], Нижегородскяй губерниясь[d], Россиянь империя;
Кулома чизэ	25 сундерьковонь 1985 (75 лет)
Кулома тарказо	Саран ош, РСФСР[d], СССР;
Масторозо	СССР
Кодамо ушмосо	Пехота[d]
Служамонь иетне	1941—1945-це
Званиязо
Тюремат/войнат	Ине Отечественной война;

Васи́лий Ники́форович Ба́харев (1909—1985) — Важодицянь ды сокицянь-видицянь Якстере Армиясо служиця, Ине Отечествань войнасо улиця, Советэнь Союзонь Откерь (1943-це ие).

Эрямокизэ

Василий Бахарев чачсь 1909-це иень ацамковонь 6-це чистэ Оржаньбуе велесэ (ней — Мордовия Республикань Покш Игнатовань буе) сокицянь-видицянь кудораськесэ. Эрзя. Ушодксонь школань прядомадо мейле важодсь колхозсо. 1941-це иестэ тердезель служамо Важодицянь ды сокицянь-видицянь Якстере Армияв^[1].
1942-це иень эйзюрковсто саезь — Ине Отечествань войнань фронттнэсэ. Ульнесь Сталинградонь тюремасо, Курскоень чирькень тюремасо, Украинань олякстомтомасо. Ульнесь Воронежень фронтонь 38-це армиянь леднемань 180-це дивизиянь леднемань 42-це полконь ледницякс. Пек парсте невтизе эсь прянзо Днепра леенть кис тюремань шкасто^[2].

1943-це иень ожоковонь 7-8-це читнестэ Бахарев Якстере Армиясо служицясь Украинань ССР-нь Киев ёнксонь Вышгородской буень Лютеж веленть маласо Днепранть саемстэ эсь подразделениясо сех васенцетнень ютксто валгсь леенть чивалгома чиресэ^[3]^[4]. Ульнесь саезь плацдарманть лангс немецень ушмотнень каявомань идицякс. Немецень ушмантнэнь седе малав нолдамсто ёртнинзе сынст гранатасо^[2].

1943-це иень ожоковонь 29-це чистэ СССР-нь Верховной Советэнь Президиумонь кармавтомасо Василий Бахарев Якстере Армиясо служицянтень максозель Советэнь Союзонь Откерь покш лемесь, конань марто тензэ казезельть Ленинэнь орденэсь ды 6333-це № ало «Сырнень Теште» медалесь^[2].

1945-це иестэ Бахарев ульнесь демобилизовазь, теде мейле 1967-це иес важодсь Оржаньбуесэ советэнь прявтокс, седе тов — Саран ошонь школасо. Кулось
1985-це иень сундерьковонь 25-це чистэ^[2].

Теде башка казезель 1-це степенень Отечествань войнань орденсэ, зярыя медальсэ^[2].

Бахаревень валдо лемензэ ледстнемга Сарансо эрямонь кудосонзо аравтозь ледстнемань лаз^[2]^[5].

Тешкставкст

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль. — Саранск: Мордкиз, 1985.

Ссылкат

[1] «Более десяти фрицев полетели в воздух». Подвиг Героя Советского Союза Василия Бахарева

[wh-2] ¹ ² ³ ⁴ ⁵ ⁶ Бахарев, Василий Никифорович (неопр.). «Масторонь маралят» вальмась.

[3] Бахарев Василий Никифорович (06.12.1909–25.11.1985)

[4] Выставка «Герои Отечества»

[5] В Мордовии установлены мемориальные доски Героям Советского Союза Василию Бахареву и Егору Акиняеву

[1]

[2]

[3]

[4]

[5]