Брыжинский, Михаил Иванович

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Брыжинский.
Михаил Иванович Брыжинский
Брыжинский М.И..jpg
Чачома чизэ 1951-це иень ожоковонь 6-це чи(1951-10-06)
Чачома тарказо
Кулома чизэ 2020-це иень ацамковонь 22-це чи(2020-12-22) (69 иеть)
Гражданствазо (подданствазо)
Тонавтнема тарказо
Важодема тевезэ прозань сёрмадыця, тонавтыця
Шкинемань иетне 1983—2020-це
Направлениязо проза
Жанратне соцреализма, исторической роман
Произведениятнень келесь рузонь ды эрзянь
Ушодовомась «Половт» (1983-це ие)
Премиянзо Мордовия Республикань Государственной премия (2004-це ие)

Михаи́л Ива́нович Брыжи́нский (1951-це иень ожоковонь 6-це чи, Од Мурза (Мордовия), Мордовиянь Автономной Советской Социалистической Республика[d] — 2020-це иень ацамковонь 22-це чи) — эрзянь сёрмадыця, тонавтыця, СССР-нь Сёрмадыцянь вейсэндявксос совиця. Мордовия Республикань раськень сёрмадыця.

Эрямокизэ

Михаил Брыжинский чачсь 1951-це иень ожоковонь 6-це чистэ Иван Сергеевич Брыжинский ды Надежда Андреевна Фатькина тонавтыцятнень кудораськесэ. Прядызе Од Мурза велень школанть ды М. Е. Евсевьев лемсэ Мордовиянь тонавтыцянь государственной институтонть (ней — университет). 1977-це иестэ, армиясо служамонь прядомадо мейле, кармась важодеме тиринь велень школасо эрзянь келень ды литературань тонавтыцякс.

Шкинемазо

«Половт» рузтнэнь, эрзятнень ды мокшотнень монголонь-татаронь иганть (руз.) (эрз. каршо бороцямодо васенце повестезэ нолдазель 1983-це иестэ. 1986-це иестэ лиссь Степан Разинэнь кирдивийтнень каршо стявтомадо ды Арзамасонь Олёнань эрямодо повестесь[1]. 1988-це иестэ нолдазь «Поклонись борозде» велень эрямодо романось. 1991-це иестэ Михаил Брыжинский нолдызе «Эрямодо надобия» эрзянь кельсэ ёвтнемань пусмонзо, ков совасть колмо ёвтнемат, «Заку-ун» триптихесь ды «Пингень гайть» эссесь. Те эссенть эйсэ Брыжинский ёвтнесь наукань ёндо эрзятнень ды мокшотнень теевемадост, весемесь кемекставсь наукань невтемасо[2]. 2008-це иестэ нолдась «Кирдажт» этнографиянь повесть, конань эйсэ художественной ёндо ёвтневи эрзятнень ды мокшотнень историядо ды цёрас од ломаненть коень ютавтомадо, невтеви эрямонтень ломаненть обуцянзо тонавтомазо ды чарькодемазо[3]. Теке марто Брыжинский содави кода «Рузонь-эрзянь школань валксонь» (2015) теиця[4] ды кода эрзянь-мокшонь литературань коряс тонавтомапелень-хрестоматиянь пурныця, весемесь нолдазель Надежда Никифоровна нинзэ марто вейсэ[4][5].

Брыжинский Михаил Иванович кулось 2020-це иень ацамковонь 22-це чистэ[6].

Званиянзо ды награданзо

  • СССР-нь Сёрмадыцянь вейсэндявксос совиця (1990);
  • Россиянь Федерациянь вейсэнь тонавтомань почётной важодиця[7];
  • Мордовия Республикань Государственной премиянь лауреат (2004);
  • Мордовия Республикань раськень сёрмадыця (2014);
  • Мордовия Республикань Кочкуровань муниципальной буень почётной эриця[8].

Тешкставкст

  1. ↑ «Ради братий своих» (руз.). saransk.ruc.su. Дата обращения: 11 Даволковонь 2026.
  2. ↑ Мордовия Республикань литературась печтясь покш ёмавкс... - Эрзянь правда, газета Саранска. erziapr.ru. Дата обращения: 11 Даволковонь 2026.
  3. ↑ Каторова А.М., Агафонова М..В. Мифологические образы и мотивы в повести «Кирдажт» («Ровесники») М. Брыжинского (руз.). Научная электронная библиотека «КиберЛенинка». Дата обращения: 17 Таштамковонь 2025.
  4. ↑ 1 2 Брыжинский М.И., Брыжинская Н.Н. Родная литература : Учебник-хрестоматия для 6-го кл. одиннадцатилет. сред. шк.. — Саранск: Мордов., 1994. — 365 с. — ISBN 5-7595-0951-9.
  5. ↑ Бездомный, Иван. Скончался народный писатель Мордовии Михаил Брыжинский, Известия Мордовии (24 Ацамков 2020). Ваннозь 11 Даволковонь 2026.
  6. ↑ Некролог. Брыжинский (руз.). Национальная библиотеке им. А. С. Пушкина Республики Мордовия (24 Ацамковонь 2020).
  7. ↑ Брыжинский Михаил (руз.). Россия для всех. Дата обращения: 11 Даволковонь 2026.
  8. ↑ Наши земляки (руз.). vk.com. Дата обращения: 11 Даволковонь 2026.

Ссылкат

Саезь "https://myv.ruwiki.ru/w/index.php?title=Брыжинский,_Михаил_Иванович&oldid=541699"-стэ