Ева (скульптура)

Россиянь Федерациянь культурань министерства

Россиянь Федерациянь
культурань министерства

Степан Эрьзя

Ева. 1919-це иень

Номеклатурань коряс: Ева

ашо кев[d]

С. Д. Эрьзя лемсэ Мордовия Республикань артомань искусствань музей

(инв. С 171)

Ева — ашо мраморсто скульптура, конань 1919-це иестэ теизе Степан Дмитриевич Эрьзя скульпторось. Номенклатурань коряс лемезэ: Ева.

Кодамо скульптурась

Скульптуранть вельде невтеви ваныцянтень чама ёндо ащтиця штапо тейтерьава, конань рунгозо ванкшнови эрьва пельде. Прясь чиремтезь вить лавтовонтень, мезесь максы теевксэнтень динамика. Тейтерьавась нежедсь макшас-сэняжа мраморсто теезь чувтонтень, конань лангозо маряви апак валакавтозекс. Вить пильгепукшозонзо лекшкадсь гуй. Керш пильгезэ шаштозь удалов. Кенерева мендязь керш кедезэ путозь керш лавтовонзо лангс. Омбоце кедесь ашти вить чамаумаренть ало. Скульптуранть покшолмазо 156×74×46 см.

Мейстэ ды кодамо лувсо теезь

Скульптурась теезь ашо мраморсто. Истят пелькстнэ, кода кавшаня чертне, чувтонедьксэсь ды гуесь, топавтозь лябамонь (ваяниянь) лувсо. Алксось теезь макшас-сэняжа мраморсто, мезесь седеяк явовты прявт кеврунгонть ды тешксты мазычинзэ.

Аштема тарказо

Экспонатось ванстови С. Д. Эрьзя лемсэ Мордовиянь республиканской артомань-невтемань искусствань музейсэ. Музеесь ашти Саранскойсэ ды ловови регионсонть культурань покш учреждениякс. Сонзэ пурнавкссонть Степан Эрьзя скульпторонть 200 ламо произведеният.

Тешкставкст