Эсь портрет (скульптура, С. Д. Эрьзя)

Россиянь Федерациянь культурань министерства

Россиянь Федерациянь
культурань министерства

Степан Эрьзя

Эсь портрет. 1908-це иень

Номеклатурань коряс: Автопортрет

С. Д. Эрьзя лемсэ Мордовия Республикань артомань искусствань музей

(инв. С 2)

Эсь портрет — портретэнь скульптура, конань 1908-це иестэ теизе Степан Дмитриевич Эрьзя скульпторось. Номенклатурань коряс лемезэ: Автопортрет..

Кодамо скульптурась

Скульптурась невти скульпторонть прянзо. Коськана чамасонть парсте содавить весе тешкстнэ. Чамаумартне празь потс, чова судось апокш ункске марто. Сельметнень ды судонть чирева сормавкст. Сельметне потс туезь, сельмекертне таргозезь, сельмечирькетне сормазь. Кургонть ве чирезэ аламодо нолдазь алов. Парсте тешкстазь муюктне, теине сакалотне ды кувака виде чертне. Чертне аламодо чирьстэ явозь кавтов, кавто пельде сынь вельтить конянть. Скульптуранть покшолмазо 40х29х32 см.

Мейстэ ды кодамо лувсо теезь

Эсь портретэнть теемга тевс нолдазь артозь цемент. Сонзэ вельде теевить эрьва кодат арцтт (текстурат) ды невтевить тюсонь ламо ёнкст. Скульптурась теезь парцунонь (формань) валоманть ды валакавтоманть вельде, мезесь лездась парсте невтемс весе эрявикс тешкстнэнь. Артозь цементэнть тевс нолдамось касты скульптуранть кемечинзэ.

Аштема тарказо

Скульптурась ашти Саранскойсэ С. Д. Эрьзя лемсэ Мордовиянь республиканской артомань-невтемань искусствань музейсэ. Музеесь ловови Равлангонь культурань покш учреждениякс, эйсэнзэ ванстови Степан Эрьзя скульпторонть теевксэнзэ пурнавкстнэстэ сехте покшось.

Тешкставкст