С. Д. Эрьзя лемсэ Мордовия Республикань артомань искусствань музей

Википедиясто материал - аорев содамкундосто
Gerb-icon.png

Россиянь Федерациянь культурань министерства

Arrow-Right.png
Gerb-big.png
Россиянь Федерациянь
культурань министерства
С. Д. Эрьзя лемсэ
Мордовия Республикань артомань искусствань музей
Фасад МРМИИ им. С.Д. Эрьзи. 2021 год..jpg
Зярдо панжозь 1958-це иень аштемковонь
26-це чистэ
Кода важоди 9:00 чассто саезь 18:00 часос, оймсема чись: пондельник
Аштема тарказо
Косо ашти Россиянь коцтось Россия
Мордовия
Саран ош, Коммунистической куро, 61-це кудо
Прявтось Нарбекова Людмила Николаевна
Сайтэсь erzia-museum.ru
Логотип РУВИКИ.Медиа С. Д. Эрьзя лемсэ Мордовия Республикань артомань искусствань музей

С. Д. Э́рьзя ле́мсэ Мордо́вия Респу́бликань áртомань иску́сствань музе́й — Саранскоень музей, Равчирень научно-исследовательской, научно-просветительской учреждения[1].

Общей сведеният

С. Эрьзянень кеврунго

Мордовия Республикань артомань искусствань музейсэнть ванстови XX-це пингень ине скульпторонть Степан Дмитриевич Эрьзянь мода-масторсонть сехте покш произведениянзо пурнавксось (200 важодемадо ламо)[2].

Теде башка музейсэнть пурназь важодемаст Мордовиянь народной художникенть, РСФСР-нь искусствань заслуженной деятеленть Ф. В. Сычковонь ды портретной живописень академикенть И. К. Макаровонь. Кавонест сынь, кода С. Д. Эрьзяяк, — чачсть Мордовиясо.

Музейсэнть невтевить ды ламолгадыть весе искусствань прявт видэнь произведениянь коллекциятне: живопись, графика, скульптура. Теке марто невтевить XVIII—XIX пингетнень рузонь искусствань, неень шкань минек масторонь, раськень ды эрзянь-мокшонь декоративно-прикладной искусствань пурнавкстнэ.

2002-це иестэ С. Д. Эрьзя лемсэ изобразительной искусствань музеесь МР-нь Правительствасонть аравтозель эрзянь-мокшонь раськень культурань сехте питней объекттнэнь ваксс[2].

Музеенть историязо

1960-це иень якшамковонь 10-це чистэ Саранскойсэ панжовсь Ф. В. Сычков лемсэ Мордовия Республикань картинань галерея, кона аштесь Советской куронь зданиясонть, косо ней важоди музеенть выставочной центрась[3]. 1978-це иестэ картинань галереясь кармась артомань искусствань музеекс. С. Д. Эрьзянь лемесь музеентнень максозель 1995-це иестэ[2].

2020-це иестэ музеенть зярыя туристэнь проектэнзэ сайсть изницянь таркат VII-це Весероссиянь туристэнь премиясонть «Маршрут года 2020»[4].

Музеенть прявт зданиязо

Музеень зданиясь (Коммунистической куро, 61-це кудо) аштесь кавто корпуссто. Чивалгома пеле, седе ташто корпусось (архитекторозо В. И. Сологуб, инженертнэ В. И. Борисов, Е. А. Сухов) строязель 1976-це иестэ, Эрьзянь 100 иень юбилеентень. 1985-це иестэ ваксозонзо стявтозель таго вейке корпус, кона сюлмавиль васенценть марто 2-це кепедьксэнть сэрьсэ. 2001-це иень сёксня, Эрьзянь 125 иетнень топодемадо икеле, ютавтозель музеень корпустнэнь реконструкция, кона неявиксстэ паролгавтызе сынст чачост. 2012-це иестэ музейсэнть ютавтозель фасадонь ды потмонь интерьерэнь покштояк покш реконструкция, а кавто корпустнэнь вейсэндизь вейке зданияс[2][5].

Музеень выставочной залось

Выставочной залось

Музеень выставочной залось (Советской куро, 29-це кудо) строязель 1950-це иетнень куншкасо С. О. Левков архитекторонть проектэнзэ коряс[5]. Ашти Мордовиянь государственной национальной драматической театранть вакссо ды сюлмавозь мартонзо вейке этажонь ютамосо.

Музеень филиалтнэ

Тешкставкст

  1. ↑ Государственное бюджетное учреждение культуры "Мордовский республиканский музей изобразительных искусств имени С.Д. Эрьзи". Госкаталог. Дата обращения: 4 Эйзюрковонь 2025.
  2. ↑ 1 2 3 4 Информация с официального сайта музея Архивень копия 23 Чадыковонь 2010 на Wayback Machine
  3. ↑ Информация о музее на сайте GIDRRM.ru. Дата обращения: 12 Ожоковонь 2010. Архивировано 4 Эйзюрковонь 2016 года.
  4. ↑ Всероссийская премия туристических маршрутов. Russian Travel Tour Awards. Объявлены итоги VII Всероссийской туристской премии «Маршрут года». tourawards.ru. Дата обращения: 27 Ацамковонь 2024.
  5. ↑ 1 2 Градостроительные ориентиры российских столиц: Саранск: монография / В. Ф. Вавилин, В. А. Моисеенко, В. В. Вавилин; под общ. ред. В. Ф. Вавилина. — Саранск: Изд-во Мордов. ун-та, 2009. — С. 474—478. — 604 с. — ISBN 978-5-7103-2133-1.

Ссылкат

Саезь "https://myv.ruwiki.ru/w/index.php?title=С._Д._Эрьзя_лемсэ_Мордовия_Республикань_артомань_искусствань_музей&oldid=539284"-стэ