Еделев, Пётр Васильевич
| Пётр Васильевич Еделев | |||
|---|---|---|---|
 | |||
| Чачома чизэ | 27 панжиковонь (9 аштемковонь) 1909 | ||
| Чачома тарказо | |||
| Кулома чизэ | 23 эйзюрковонь 1973 (63 года) | ||
| Кулома тарказо | |||
| Масторозо |
 СССР |
||
| Кодамо ушмосо | Пехота[d] | ||
| Служамонь иетне | 1940—1945-це | ||
| Званиязо |
 |
||
| Тюремат/войнат | |||
| Казнеть ды премият |
|
||
Пётр Васильевич Еделев (1909-це иень панжиковонь 27-це (аштемковонь 9-це) чи, Чукало веле, Сергачень уезд, Обранонь губерния, Россиянь империя — 1973-це иень эйзюрковонь 23-це чи, Чукало веле, Покш Игнатовань буе, Мордовиянь АССР, СССР) — Важодицянь ды сокицянь-видицянь Якстере Армиясо служиця. Советской Союзонь Герой (1944-це ие), Ленинэнь орденэнь кавалер (1944-це ие). Ине Отечественной войнасо улиця.
Эрямокизэ
Пётр Еделев чачсь 1909-це иень панжиковонь 27-це (аштемковонь 9-це) чистэ
Чукало велесэ (ней — Мордовия Республикань Покш Игнатовань буе). Эрзя. Тонавтнесь ушодксонь школасо, важодсь колхозсо. 1940-це иестэ тердезель служамо Важодицянь ды сокицянь-видицянь Якстере Армияв. 1943-це иень якшамковсто саезь — Ине Отечественной войнань фронттнэсэ, ульнесь Центрань фронтонь
61-це армиянь гвардиянь кавалериянь 7-це корпусонь гвардиянь истребительно-противотанковой 7-це дивизиононь противотанковой ружиянь расчётонь номерэкс. Пек парсте невтизе эсь прянзо Днепра леенть кис тюремань шкасто[1].
1943-це иень таштамковонь 26-це чистэ Еделев ушманонь группасо улемстэ ютась Днепранть пачк Беларусень ССР-нь Гомель ёнксонь Брагинэнь буень Нивка веленть малава. Группанть прявтсо улемстэ сон каявсь Днепрань чивалгома чиресэ аштиця ятонь таркатнень лангс. Плацдармасо тюрематнесэ сон яжась толонь леднемань
2 таркат ды ятонь 8 ушмант, истя лездась прявт вийтненень парсте ютамонтень[1].
1944-це иень якшамковонь 15-це чистэ «Якстере Армиянь генералонь, офицерэнь, сержантонь ды рядовой составонтень Советской Союзонь Героень лемень максомадо» СССР-нь Президиумонь кармавтомасо «немецень ятонть каршо виевчинь ды геройксчинь невтеманть ды аравтозь тевень топавтоманть кис»
Пётр Еделев Якстере Армиясо гвардиянь служицянтень максозель Советской Союзонь Герой покш лемесь, казезель Ленинэнь орденэсь ды 3004-це номерэнть марто «Сырнень Теште» медалесь[1][2][3].
Войнань прядовомадо мейле Еделев демобилизовазель. Велявтсь тиринь велев, важодсь велень советэнь прявтокс, мейле колхозсо. Кулось 1973-це иень
эйзюрковонь 23-це чистэ[1].
Теде башка казезель зярыя медальсэ[1].
Тешкставкст
- ↑ 1 2 3 4 5
Еделев, Пётр Васильевич. «Масторонь маралят» вальмась.
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 Якшамковонь (№ 4 (264)). — С. 1.
- ↑ Еделев Пётр Васильевич (09.06.1909–23.03.1973)
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Геройская быль — Саранск: Мордкиз, 1985.
- Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — 607 с. — 65 000 экз.
Ссылкат
- Выписки из личных и наградных дел Героев Советского Союза, уроженцев Мордовии. Еделев Пётр Васильевич.
16 ноября 1943 г. - Мероприятие, посвящённое Герою Советского Союза
- Выставка, посвященная юбилейным датам Героев Советского Союза — Адушкина И.П., Горелова И.П., Еделева П.В.,
Резяпкина Г.Е., Стрельченко В.И., Чекирова К.Е., Ширяева П.Н.