Иненармунь

Иненармунь
«Иненармунь = Великая птица» В. В. Ковалёвань викшнезь паннозо
Мифологиясо	Эрзянь ды мокшонь мифология
Типесь	Кезэрень ёвтнематнестэ нармунть
Лия культуратнесэ	бенну жар-птица хол

Иненармунь (эрз. Иненармунь, мокш. Иненармонь) — эрзянь ды мокшонь кезэрень ёвкстнэсэ нармунь, кона невти Ведень Ине нармунень алонть эйстэ финнэнь-угрань раськетнень модамасторонь чачомадо-теевемадо вановтонть. Ёвксось корты, алтюжасто теевсь Модась, алашосто — Ведесь, алонь верце пельксэнть эйстэ теевсь Коштось. Шкань ютазь мифтнесэ Иненармунесь кармась лездамо пазтнэнень-демиургтненень, чопавтнесь модас ды тосто таргсесь модань палманть. Седе тов тевенть кармась топавтомо Шайтянось, кона сась иранонь плематнень культурасто, конатнень марто эрзятне ды мокшотне кезэрень шкасто топавтсть вейсэнь тевть.

Иненармунень прявт тешксэкс ловови галась, локсеесь эли ярсяргось. Сон сюлмазь пертьпельксэнь колмо стихиятнень марто: моданть (нармунесь якави), веденть (уйневи) ды коштонть (ливтневи).

Модамасторонь теевема

Эрзятнень ды мокшотнень кезэрень мифтнесэ модамасторонь теемасо Иненармунесь-демиургось ашти покш таркасо. Кезэрень шкасто ломанесь тейнесь мифть масторонть ды эйсэнзэ таркань невтеманть ланга. Иненармунесь чопавти васенце иневедень потмаксос модань ды илэнь таргамга, конатнень эйстэ тееви коське модась.

Мифень лия вариантсо Инармунесь алыи ал, конанть эйстэ тееви модась ды менелесь: лисевксэнть эйстэ тееви модась, лукшонть эйстэ — менелень ды модань калгодксось. Ланганзо мифтне невтнить модамасторонь чачомань тевдееманть, кона ашти пертьпельксэнь вийтнень ды космосонть марто сюлмавомасо.

Иненармунесь эрзянь ды мокшонь кезэрень ёвкстнэсэ

Васенце ведесь марявсь эрзятненень ды мокшотненень кода весементь лангсо прявт, а Иненармунесь — кода модамасторонь появамосо лездыця. Вейке мифсэ Иненармунесь чопавти иневедьс ды тарги тосто модань пелькскеть, истя тееви коське модась. Лия мифсэ Иненармунесь кады алт, конатнестэ появить Норовавась, Вармась ды Вирявась.

Те мифенть коряс Иненармунесь теи пизэ Масторлангонь чувто прясо, кады колмо алт ды колмо таргонь перть эйсэст нарви: «Моданть куншкасо кассь мазый килей… Иненармунесь тейсь лангсонзо пизэ ды алыясь колмо алт…».

Лия сюжетэнть коряс Иненармунень колмо алтнэ теевить нармунекс: цёковокс, кукокс ды ды пташкакс. Эрьвантень эйстэст пертьпельксэнь теемасо максовить башка тевть.

Превейчинь невтема

Теке марто Иненармунесь топавты превейчинь ваннома, максни содамоёвкст, конат сюлмазь Масторлангонь чувтонть марто. Истямо тевдеемась невти Иненармуненть сюлмавоманзо космосонть лувонть ды одксчинь сыречинть марто сюлмавоманть.

Иненармунень пельде содамоёвкст

• Кодамо нармунесь сёлмовтомо ливти? — Чипай.
• Кодамо идем ракшась пильгевтеме чии? — Ведь.
• Кодамо тикшесь ундокстомо касы? — Ломань.

Археологиясо невтема

Эрзянь ды мокшонь культурасо Иненармунень невтеманть улемачизэ кемекстави археологиянь муевкстнэсэ. Иненармунень невтеманть марто Зооморфонь понгавтоматне ды бляхань чавоматне муезь эрзянь ды мокшонь авань калмамотнесэ, мезесь невти кемеманть ды койтнень-кирдатнень сюлмавоманть лангс.

Неень шкасто невтема

Иненармунень образось теевсь Мордовиясо культурань покшчитнень прявт тешкстнэстэ вейкекс. Иненармунесь ульнесь
Саран ошсо 2018-це иестэ ютавтовиця Масторлангонь пильгеоскань чемпионатонь тешксэкс.

2023-це иень ацамковсто Мордовиянь прявтошонь Эрзянь ды мокшонь раськень драмань театрасо ютась «Иненармонь» мазычинь ды ёрокчинь невтемань регионъютконь васенце пелькстамо. Сонзэ анокстызе-ютавтызе «Юрхтава» мокшонь авань вейсэндявксось Мордовия Республикань культурань, раськень политикань ды архивень тевень министерстванть лезксэнзэ вельде. Пелькстамосонть ульнесть Саран, Москов, Пенза оштнестэ эрзянь ды мокшонь од тейтертне. Омбоце пелькстамось ютась 2024-це иень ацамковсто.

Тешкставкст

Литература

• Шаронов Александр Маркович, Шаронова Елена Александровна. О некоторых особенностях эрзянского героического эпоса // Ежегодник финно-угорских исследований. — 2018. — № 3.
• Воронина Н. И., Сиротина И. Л. Птица-река Эрзянки Л. Д. Левиной // Финно-угорский мир. — 2021. — № 3.
• Шаронов А.М. Мордовский героический эпос:Сюжеты и герои. — Саранск: Мордов. кн. изд-во, 2001. — 207 с. — ISBN 5-7595-1515-2.
• Маркелов М. Т. Мордва // Религиозные верования народов СССР. — Т. 2.- М., 1931. — С. 190—212.
• Маскаев А. И. Мордовская народная сказка. — Саранск: Мордов. гос. изд-во, 1947. — 185 с.
• Мельников П. И. (Андрей Печерский). Очерки мордвы. Саранск, 1981.
• Мокшин Н. Ф. Религиозные верования мордвы. Саранск, 1968.
• Мокшин Н. Ф. Религиозный синкретизм у мордвы // Мировоззрение финно-угорских народов. — Новосибирск, 1990. — С. 49—57.
• Мельников П. И. Очерки мордвы. — Саранск, 1981.
• Шуляев А. Д. Народные песни // Сказания о мордве. — Саранск, 1996. — Т. 2.
• Юрчёнкова Н.Г. Мордовская мифология и искусство. — Саранск, 1996.
• Юрчёнкова Н. Г. Иненармунь (Великая птица) в древнемордовской мифологии // Актуальные проблемы литературоведения и методики преподавания литературы.
• Мордовия энциклопедия
• Эрзяннеста мокшень кяльс ётафтозе Михаил Моисеев. Масторава Эпость эрзянь и мокшень сире мифнень, эпическяй моротнень и азкснень корясь сёрмадозе Александр Шаронов / Шаронов Александр Макушкин Михаил. — Саранск: Морд. кн.изд., 2001. — С. 428.
• Мордовия : Энциклопедия: В 2 т. / [Гл. редкол.: гл. ред. А. И. Сухарев и др.]. — Саранск : Мордов. кн. изд-во, 2003—2004