Каникулат

Википедиясто материал - аорев содамкундосто
Learning.svg

Б. Н. Ельцин лемсэ Президентэнь ловнома кудонь материалт

Arrow-Right.png
Library.png
Те сёрмадовкссо тевс нолдазь
Б. Н. Ельцин лемсэ Президентэнь ловнома кудонь фондсто материалт
Б. Н. Ельцин лемсэ
Президентэнь ловнома кудо
Каникулат
Каникулат. Артыцясь Анатолий Янев. 1980-це иетне
Каникулат. Артыцясь Анатолий Янев. 1980-це иетне
Косо нолдави тевс Тонавтомасо
Появамонь шкась XIX-це пингень омбоце пельксстэ (Россиясо)

Кани́кулат (руз. Кани́кулы) — те оймсемань ды социальной лия вешематнень туртов тонавтнеманть получамсто плановой оймсема, кона тешкстазь тонавтомадо законодательствасо, тонавтомань ковкерьксэнь графиксэ ды тонавтомань организациятнень локальной акттнэсэ.

Косто саевсь валось

Кезэрень Римсэ кизэнь сехте пси шкась пракшнось ве лувс Сириус тештенть валскень неявоманзо марто, конань лемдясть Canicula («вишка киска»). Неть читненень мерсть «dies caniculares»[1] — «кискань чить» (медьковонь 22-це чистэ саезь умарьковонь 23-це чис). Истя лемдясть кизэнь отпусконь читнень, зярдо ульнесь пек пси[2][3][4].

Россиясо

Россиясо 1917-це иес каникулат валонть эйсэ лемдясть кизэнь оймсема шкань читнень. Владимир Далень валонь ёвтнема валкссонть муеви истямо чарькодема: «Каникулатне — кизэнь пси шка, ды оймсема, тонавтнема таркатнесэ тешкстамонь шка; покш каникулатне эрсить медьковонь 1-це чистэ саезь умарьковонь 15-це чис; лиясто ловить аштемковсто саезь, мик панжиковстояк»[5].

Революциядо икеле ушодксонь школатнесэ ды приходской училищатнесэ (руз.) (эрз. каникулатне мольсть кото эли сисем ковт — «паксясо важодематнень прядовома шкасто саезь ды сы иестэ неть важодематнень ушодовомас». Эрьва региононть башкачинзэ эйстэ аштезь сынь ушодовильть ожоковсто-ацамковсто, прядовильть эйзюрковсто-панжиковсто[6].

Ирина Абанкина «Экономикань высшей школа» Национальной исследовательской университетэнь Тонавтомань кастомань институтонь наукань прявт важодицясь, профессорось тешкстась[7]:

Школань каникулатне минек ульнесть сюлмавозь покшчитненень эли пертьпельксэнтень. Шкань коряс аволь пек парот каникулатне эйзюрковонь прядовомсто — чадыковонь ушодовомсто ульнесть сюлмавозь чадыведенть марто, зярдо пачкодемс школанть видьс ламо регионтнэсэ ульнесь пек стака. Тонавтнемань иенть таштамковонь 1-це чистэ ушодовомазо — те I-це Петра инязоронь шкатнеде икеле коень коряс рузонь од иень вастовома шка. Сёксень каникулатне — сундерьковонь покшчитне.

1803-це иестэ лиссть «Раськень тонавтомань икелепелень лувтне» (руз. «Предварительные правила народного просвещения»), косо сёрмадозельть тонавтнемань одкстомтомань прявт ёнкстнэ. Эйсэст теде башка тешкставсь, тонавтнемань иенть эряви ушодомс умарьковонь 1-це чистэ ды прядомс сы иень медьковонь 1-це чистэ[8].

Советэнь шкатнестэ тонавтнема иесь ушодовиль куш кодамо шкасто. Ламо школатнесэ — умарьковонь 14-це чистэ.

1935-це иестэ Советской Социалистической Республикань Союзонь (СССР-нь) Раськень комиссаронь советэсь (руз.) (эрз. ды Коммунистэнь (большевикень) Весе Россиянь партиянь Центральной комитетэсь нолдасть «Ушодксонь, средней аволь пешксе ды средней школасо тонавтомань важодемань ды лия тевтнень теемань анокстамодо» (руз. «Об организации учебной работы и внутреннем распорядке в начальной, неполной средней и средней школе») кармавтома. Те документэнть коряс тонавтнема иесь ушодовиль таштамковонь 1-це чистэ. Кемекстазель каникулатнень шкась: сёксенсетне — сундерьковонь 5-це чистэ саезь 9-це чис, теленсетне — ацамковонь 30-це чистэ саезь якшамковонь 10-це чис, тундонсетне — эйзюрковонь 24-це чистэ саезь 31-це чис, кизэнсетне — тонавтнема иень прядовома чистэ саезь умарьковонь 31-це чис[8].

Велень школатнесэ Важодиця депутатонь советэнь буень исполнительной комитеттнэнь арсемаст коряс таркасо условиятнень лангс ванозь тундонь каникулатнень мереви аравтнемс лия шкас.

1970-це иень таштамковонь 8-це чистэ СССР-нь Министрань Советтэнь 749-це № кармавтоманть коряс[9] кемекстазель, школатнесэ тонавкстнэ ушодовить таштамковонь 1-це чистэ ды прядовить экзамендэ ды практикадо мейле, 1-7-це класстнэсэ — панжиковонь 30-це чистэ, 8-це классо — аштемковонь 10-це чистэ, 9-10-це (11-це) класстнэсэ — аштемковонь 25-це чистэ.

Сась каникулас. Артыцясь Фёдор Решетников. 1948-це ие

Неень шкань школатнесэ каникулатне кемекставить «Россиянь Федерациясо тонавтомадо» (руз. «Об образовании в Российской Федерации») 273-це № федеральной законсо[10].

Россиянь студенттнэнь туртов оймсемань вейкине шка арась. Тонавтнемань высшей заведениятнень прявттнэ ойсемань шканть коряс весементь теить башка, мельсэ кирдить тонавтнемань планонть, курсонть, тонавтомань форманть ды производственной практикань улеманть. Кода свал студенттнэ туить оймсемас экзаменэнь сессиядо мейле. Оймсема читнень кувалмось ашти иень тонавтнема читнень эйстэ. Вузтнэсэ, косо тонавтнема иесь явови колмо эли ниле семестрас, лиясто тонавтнемань модультнень ютксо эрси башка оймсема[11].

Колледжсэ ды техникумсо кизэнь оймсема шкась теезь кода вузсо: васняяк сессия, мейле производствань практика ды каникулат. Сеть студенттнэнь туртов, конатнень арась производственной практикаст, каникулатне ушодовить аштемковонь куншкасто — прядовомсто, экзаментнэде мейле. Студенттнэнень, конат туить производственной практикас, — медьковонь прядовомсто — умарьковонь ушодовомсто[11].

Каникулатнень коряс расписаниянть тонавтницятненень мереви кевкстемс деканатсто, ловномс тонавтомань организациянь сайтстэ эли ваномс личной кабинетстэ.

Лия масторсо

Лия мастортнэнь школатнесэ каникулань шкась явови. Германиясо тонавтнема иесь ушодови умарьковонь 24-це чистэ саезь таштамковонь 15-це чис[7]. Телень каникулатне ютыть якшамковонь пестэ саезь ды даволковонь кодамояк чис. Сёксня школасо тонавтницятне оймсить ожоковонь песэ, ды оймсемась моли кавто таргот. Роштовань каникулатне ушодовить ацамковонь 20-23-це чистэ ды прядовить якшамковонь 3-11-це читнестэ.

Финляндиясо кизэнь каникулатне молить аштемковонь 1-це чистэ саезь умарьковонь куншкавидьс. Роштовань каникулатнень ютавтома шкась — ацамковонь 22-це чистэ саезь якшамковонь 8-це чис. Инечинь каникулас тонавтницятне тукшныть эйзюрковонь пестэ эли чадыковонь ушодовомсто[12].

Американь Вейсэндязь Штаттнэсэ каникулань читне явовить штатонть, школань округонть, тонавтнема тарканть ды тонавтницятнень иест эйстэ. Сёксня школасо тонавтницятне оймсить таштамковсто эли ожоковсто, тельня — даволковсто эли эйзюрковсто, тунда — эйзюрковсто эли чадыковсто, кизна — аштемковсто саезь умарьковонь пес[13].

Китайсэ тонавтнема иесь явови кавто семестрас, секскак тесэ улить ансяк телень ды кизэнь каникулат. Кизна — медьковсто ды умарьковсто, тельня — якшамковонь куншкасто саезь даволковонь куншкавидьс.

Япониясо тонавтнема иесь ушодови чадыковонь омбоце таргостонть. Кизэнь каникулатне — медьковонь пестэ саезь умарьковс, теленсетне — ацамковонь пестэ саезь якшамковонь васенце таргонть пес, тундонсетне — эйзюрковонь куншкавидьстэ.

Филиппинат масторсо каникулань читнень кемексты Тонавтомань министерствась. Тонавтнема иесь ушодови умарьковсто ды прядови аштемковсто. Тунда школасо тонавтницятне оймсить вейке тарго чадыковсто. Роштовань каникулатне ушодовить ацамковонь 24-це чистэ ды прядовить якшамковонь 6-це чиде мейле васенце понедельникстэ. Лиясто тонавтнема иень перть школань прявттнэ эсь мелест коряс путыть каникулатнес колмо чить[14].

Южно-Африканской Республикасо тонавтнема иесь ушодови якшамковонь куншкасто саезь ды явови ниле пельксэс: якшамков-эйзюрков, чадыков-аштемков, медьков-таштамков ды ожоков-ацамковонь ушодкс. Ацамковсто ушодовить кизэнь каникулатне, конат молить вейке ды пель ков, тонавтнема од иенть ушодовомас.

Танзаниясо тонавтнема од иесь ушодови Од иень покшчитнеде мейле. «Кизэнь» сехте кувака каникулатне понгить ацамковс. Мельгаст молиця каникулатне сыть Рамадан иневанькс ковстонть. Вейке ков школасо тонавтницятне оймсить медьковсто[15].

Шумбрат, пионерэнь кизэ! Артыцясь Герман Безукладников. 1992-це ие

Зярдо эрсить школань каникулатне

Россиянь Федерациянь просвещениянь министерстванть (руз.) (эрз. мереманзо лангс нежедезь Россиянь эрьва тонавтнема таркантень эстензэ мереви аравтнемс каникулань читнень.

Мереманть коряс тонавтомань четвертной системанть туртов тонавтнемань 2025/2026-це иестэ аравтозь каникулань истят читне[16]:

  • сёксень — ожоковонь 25-це чистэ сазь сундерьковонь 2-це чис;
  • телень — ацамковонь 31-це чистэ саезь якшамковонь 11-це чис;
  • тундонь — эйзюрковонь 28-це чистэ саезь чадыковонь 5-це чис;
  • кизэнь — панжиковонь 27-це чистэ саезь умарьковонь 31-це чис.

Васенце классо тонавтницятненень мереви явомс башка оймсема чить колмоце четьвертьстэ — даволковонь 16-це чистэ саезь 22-це чис.

Триместровой системасонть тонавтнема иесь явови вейкетьстэ колмов, эрьвась конатнестэ явови шкань коряс кавто вейкеть модульс. Школьниктне тонавтнить вете таргонь перть, а мейле вейке таргос туить каникулас.

Триместровой системань каникулатнень туртов Россиянь Федерациянь просвещениянь министерствась явсь истят чить[16]:

  • васенце каникулатне — ожоковонь 4-12-це читнестэ;
  • омбоце каникулатне — сундерьковонь 15-23-це читнестэ;
  • колмоце каникулатне — ацамковонь 31-це чистэ саезь якшамковонь 11-це чис;
  • нилеце каникулатне — даволковонь 21-це чистэ саезь эйзюрковонь 1-це чис;
  • ветеце каникулатне — эйзюрковонь 28-це чистэ саезь чадыковонь 4-це чис.

Каникулатнеде башка кемекстазь дополнительной оймсема чить государственной покшчитнестэ, истят читнень ютксо — Раськень вейсэндявомань чи, Масторонь ванстыцянь чи, Изнямонь чи ды лия читне.

Кода невтевить культурасо

Кинематографсо

  • «Добро пожаловать, или Посторонним вход воспрещён» (1964-це ие);
  • «Каникулы Бонифация» (1965-це ие);
  • «Сто дней после детства» (1975-це ие);
  • «Каникулы в Простоквашино» (1980-це ие);
  • «Каникулы Петрова и Васечкина, обыкновенные и невероятные» (1984-це ие);
  • «Королевство полной луны» (2012-це ие);
  • «Camp Rock: Музыкальные каникулы» (2008-це ие).

Литературасо

  • Николай Носов «Шурик у дедушки» (1956-це ие);
  • Юрий Нагибин «Эхо» (1960-це ие);
  • Рене Госсини, Жак-Жак Сампе «Каникулы малыша Николя» (1962-це ие);
  • Анатолий Алексин «В Стране Вечных Каникул» (1966-це ие);
  • Любовь Воронкова «Гуси-лебеди» (1966-це ие);
  • Евгений Носов «Варька» (1967-це ие);
  • Владислав Крапивин «Бегство рогатых викингов» (1975-це ие);
  • Анатолий Гладилин «Секрет Жени Сидорова» (1975-це ие);
  • Юз Алешковский «Кыш и я в Крыму» (1975-це ие);
  • Сильвия Труу «Месяц как взрослая» (1978-це ие);
  • Евгений Велтистов «Миллион и один день каникул» (1979-це ие);
  • Кир Булычёв «Гостья из будущего. Каникулы в космосе или планета Пять-Четыре» (1986-це ие);
  • Анатолий Рыбаков «Каникулы Кроша» (1998-це ие);
  • Тамара Михеева «Асино лето» (2008-це ие);
  • Наринэ Абгарян «Манюня пишет фантастичЫскЫй роман» (2011-це ие);
  • Давид Гроссман «С кем бы побегать» (2011-це ие);
  • Тинатин Мжаванадзе «Лето, бабушка и я» (2022-це)[17];
  • Наталья Евдокимова «Лето пахнет солью» (2023-це ие);
  • Ольга Бочкова «Правдивые истории из жизни Никиты» (2024-це ие).

Тешставкст

  1. ↑ Holberg J. B. Sirius: Brightest Diamond in the Night Sky. — Chichester, UK: Praxis Publishing, 2007. — P. 22. — ISBN 0-387-48941-X.
  2. ↑ Каникула // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  3. ↑ Вакация // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882. — Т. 1. — С. 163.
  4. ↑ Зигель Ф. Ю. Сокровищница звёздного неба — путеводитель по созвездиям и Луне / Под ред. Г. С. Куликова. — 5-е изд. — М.: Наука, 1986. — С. 126.
  5. ↑ Каникула // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882. — Т. 2. — С. 84.
  6. ↑ Юлия Воронцова. Школы в дореволюционной России: гимназия, реальное училище, земское училище… (руз.). sibmama.ru (25 Таштамковонь 2023). Дата обращения: 17 Таштамковонь 2025.
  7. ↑ 1 2 Валерий Бурт. Школа выживания. Какие каникулы есть у учеников разных стран (руз.). Аргументы и факты (18 Даволковонь 2024). Дата обращения: 17 Таштамковонь 2025.
  8. ↑ 1 2 Валерий Бурт. Девочки могли отвлекать мальчиков от учебы, но об этом не говорили». Как начинали учебный год при царе и в СССР (руз.). Мослента (27 Умарьковонь 2023). Дата обращения: 17 Таштамковонь 2025.
  9. ↑ Об Уставе средней общеобразовательной школы (не действует на территории РФ 22.07.16 на основании постановления Правительства Российской Федерации от 11.07.2016 N 656) от 08 сентября 1970. docs.cntd.ru. Дата обращения: 17 Таштамковонь 2025.
  10. ↑ Федеральный закон «Об образовании в Российской Федерации» от 29.12.2012 N 273-ФЗ(руз.). КонсультантПлюс. Дата обращения: 17 Таштамковонь 2025.
  11. ↑ 1 2 Платят ли стипендию студентам во время летних каникул (руз.). Банки.ру. Дата обращения: 17 Таштамковонь 2025.
  12. ↑ Юлия Вьялкова. Школьные каникулы и отпуск учителей в разных странах (руз.). Repit Блог (4 Аштемковонь 2023). Дата обращения: 17 Таштамковонь 2025.
  13. ↑ School Holidays in the US 2024-2025 (англ.). www.tutorchase.com. Дата обращения: 17 Таштамковонь 2025.
  14. ↑ Каникулы в филиппинских школах (руз.). TravelAsk. Дата обращения: 17 Таштамковонь 2025.
  15. ↑ Как работает система образования в Танзании? (руз.). Forbes.ru. Дата обращения: 17 Таштамковонь 2025.
  16. ↑ 1 2 График школьных каникул в 2025/26 учебном году (руз.). Известия (19 Умарьковонь 2025). Дата обращения: 17 Таштамковонь 2025.
  17. ↑ Книги о лете и о летних каникулах, рекомендуемые для чтения детям и подросткам (руз.). VK. Дата обращения: 17 Таштамковонь 2025.

Литература

  • Барканов С. В. Социальные и педагогические условия развития системы каникулярного отдыха и оздоровления детей: Дис. … канд. пед. наук (13.00.02). — Кострома: КГПУ им. Некрасова, 2004. — 247 с.
  • Logo-bie.svg Ишимова А. И. Каникулы 1844 года, или Поездка в Москву / Соч. Александры Ишимовой. — Санкт-Петербург: тип. Имп. Акад. наук, 1846.
  • Кижаева Д. В. Школьные каникулы в сети или онлайн лагерь как альтернатива классической смене детского отдыха и оздоровления //Аспирант. — 2021. — №. 2. — С. 87-89.
  • Мирон Н. И. Лаконично о студенческих каникулах // Мир науки, культуры, образования. — 2015. — № 1 (50).
  • Платонова Р. И., Иванова Я. Н., Михина Г. Б. На пути к новой модели организации школьных каникул // Азимут научных исследований: педагогика и психология. — 2020. — № 1 (30).
  • Циркуляры и приказы Министерства народного просвещения Российской империи. М., 1878.
  • Шмаков С. А. Летний лагерь: вчера и сегодня. Методическое пособие. — Липецк: ИГ «Инфол», 2002. — 384 с.

Ссылкат

Саезь "https://myv.ruwiki.ru/w/index.php?title=Каникулат&oldid=541381"-стэ