Клумберг, Александр

Александр Клумберг
Александр Клумберг
	эст. Aleksander Klumberg
Спортсменэнть ланга
Чачома чизэ ды чачома тарказо	1899-це иень чадыковонь 17-це чи ; Таллин, Россиянь империя;
Кулома чизэ ды кулома тарказо	1958-це иень даволковонь 10-це чи (58 иеть) ; Таллин, Эстононь ССР[d], СССР;
Масторозо	Эстония; Россиянь империя;
Сэрезэ	174
Сталмозо	74
Шожда атлетикань федерациятнень раськеютконь ассоциациясь	14565006
Эсензэ рекордтнэ
Сялго	63 метрат 60 сантиметрат (1935-це ие)
Десятиборья	6087 (1922-це ие)
Раськеютконь медальтне
	Олимпиадань налксематне
	Александр Клумберг

Алекса́ндр Клу́мберг (эст. Aleksánder Klúmberg, 1936-це иестэ полавтызе фамилиянзо Ко́лмпере, Kо́lmpere лангс; 1899-це иень чадыковонь 17-це чи^[1], Таллин — 1958-це иень даволковонь 10-це чи^[1], Таллин) — эстэнь шожда атлет, Парижсэ Олимпиадань налксематнесэ призёр (1924-це ие). Десятиборьясо масторлангонь васенце рекордонь аравтыця.

Эстононь Якстере Крёстонь Орденэнь 4-це степенень кавалер.

Эрямокизэ

Чачсь 1899-це иестэ чадыковонь 17-це чистэ Ревель ошсо, Россиянь империясо (ней Таллин ош)^[2].

Александр Клумберг ульнесь Олякстомтомань войнасо 1918-1919-це иетнестэ.

Карьеразо

Клумберг сась спортс 12-13 иесэ. Кавто иень ютазь тусь эрямо Калев ошов ды кармась выступамо се таркань клубсо. Специализациязо сюлмазель колмонзазь кирнявтнема марто, аравтнесь Эстониянь ды Россиянь империянь раськень рекордт. 1916-це иестэ кармась улеме колмонзазь кирнявтнемасо Россиянь чемпионокс, теде башка прянзо невтсь кувалмос кирнявтнемасо, косо кармась омбоцекс.

1920-це иестэ Антверпенсэ Олимпиадань налксематнесэ (руз.) (эрз. кармась 5-цекс сялгонь ёртнемасо ды 8-цекс шожда атлетэнь пятиборьясо. 1923-це иестэ раськеютконь пелькстамотнесэ кармась улеме колмоцекс сялгонь ёртнемасо ды васенцекс десятиборьясо.

1922-це иестэ саезь 1923-це иес масторлангонь рейтингсэ ульнесь сехте вере, мейле ламоксть кузнесь те тёкшонтень карьеранзо перть лия шкасто.

Александр Клумберг
1924-це иестэ

1924-це иестэ Парижсэ Олимпиадань налксематнесэ (руз.) (эрз. сон сайсь бронзань медаль десятиборьясо, сялгонь ёртнемасо кармась улеме 17-цекс. «Eesti Spordileht» (эрз. «Эстононь Спортонь Кулялопась») ловизе сонзэ весе пингетнень перть эстэнь сехте ине спортсменэкс.

1917-це иестэ саезь 1927-це иес шожда атлетикань коряс эрьва кодамо дисциплинатнесэ сон 48-ксть ульнесь Эстониянь чемпионокс. Шожда атлетикадо башка налксесь оска марто хоккеень командасо, колмоксть ульнесь Эстониянь чемпионокс.

Клумберг шожда атлетикасо аравтсь Эстониянь раськень 23 рекордт, теке марто десятиборьясо результатозо, конань сон невтизе 1920-це иестэ масторлангонь чемпионатсо, кармась улеме масторлангонь аволь официальной рекордокс. Теде башка Шожда атлетикань федерациятнень раськеютконь ассоциациясь (ИААФ-ось) кемекстызе 1922-це иень таштамковонь 17-це чистэ сонзэ изнямонзо, кона невтезель Хельсинкисэ пелькстамосо десятиборьясо масторлангонь васенце рекорд. 7485,61 баллтнэ, конатнень невтинзе Александр Клумберг, неень шкань баллонь ловномасо лововить теке 6087 баллт.

Пелькстамонь карьеранзо перть сон ютавтнесь эрьва кодат мероприятият спортсментнэнь, военнойтнень ды полицейскойтнень тренировамост туртов. Спортонь вейсэндявкстнэсэ ульнесь эрьва кодамо должносттнесэ. 1941-це иестэ кармась улеме Таллинэнь физкультурань ды спортонь коряс комитетэнь инспекторокс.

Аволь спортсо

1930-це иестэ Клумберг сёрмадсь шожда атлетикань коряс кавто тонавтомапельть ды нолдась специализированной литературань изданият.

1936-це иестэ теизе фамилиянзо эстэнь ёнов молицякс, полавтызе Колмпере лангс.

1940-це иестэ кармась улеме Эстононь Якстере Крёстонь Орденэнь 4-це степенень кавалерэкс.

1944-це иестэ сонзэ арестовизе СССР-нь внутренней тевень раськень комиссариатось (НКВД-сь) (руз.) (эрз. ды кучизе Мордовиясо военнопленнойтнень туртов Дубравлагонь лагерев, 1955-це иестэ ускозель Красноярской краев, косо ульнесь 1956-це иес.

Кулось тиринь ошсо 1958-це иень даволковонь 10-це чистэ. Калмазь Таллинсэ Рахумяэ калмолангсо.

Тешкставкст

↑ ¹ ² ³ ⁴ Aleksander Klumberg // Eesti spordi biograafiline leksikon (эст.)
↑ Легкоатлет Александр Клумберг: Путь к Олимпийским высотам (руз.). Бегемот. Дата обращения: 27 Ожоковонь 2025.

Ссылкат

[_40b4b7352f5f2e95-1] ¹ ² ³ ⁴ Aleksander Klumberg // Eesti spordi biograafiline leksikon (эст.)

[2] Легкоатлет Александр Клумберг: Путь к Олимпийским высотам (руз.). Бегемот. Дата обращения: 27 Ожоковонь 2025.

[1]

[2]