Колмоце Спас

Википедиясто материал - аорев содамкундосто
Колмоце Спас
«Колмоце Спасось кши миненек макссь»
«Колмоце Спасось кши миненек макссь»
Типень коряс Раськень ды христианонь
Лиякс Кшинь Спас, Пештень Спас, Коцт лангсо Спас
Теде башка Эдессасто Константинопольс Иисус Христосонь Аволь кедьсэ теезь Образонзо кандома, Успениянь тешкстамо
Смусть сёксень колмоце вастовома
Тешкстави чилисемань славянтнэсэ
Ютавтома чи умарьковонь 16-це (29-це) чистэ
Койть панить прякат од норовонь почтсто, светойгавтыть од лисьмат
Commons-logo.svg Колмоце Спас
Н. Пимоненко. Коцтонь микшниця. 1901-це ие

Колмоце Спас (Кшинь Спас, Пештень Спас) — славянтнэнь раськень ковкерькссэ чи, кона Православиянь церьковасо алтазь Идицянь образонтень, — умарьковонь 16-це (29-це) чистэ. Коень коряс Колмоце Спасось лововсь пельпокшчикс[1].

Те чистэнть панить кши од норовонь сюросто[2]. Теде башка меревсь микшнемс коцт[3].

Лия лемть

Покшчинть раськень лемензэ:

  • «Коцт лангсо Спас», «Суманень Спас» — те чистэнть саезь микшнить кудосо викшнезь коцтт[4];
  • «Пештень Спас», секс мекс те шкантень кенерить вирень пешттне ды сынст мереви пурнамс вирьсэ;
  • «Кшинь Спас» — прядови норовонь пурнамось;
  • «Сёксень Спас», «Кельме Спас» [5] — сёксень вастовома;
  • «Видемат» — видеви телень сюро;
  • «Вишка Спас»[1] — коень коряс лововсь пельпокшчикс.

укр. Третій Спас, Післясвято Успіння[6], Xлібний Спас[7], Спас на полотні[8]; бел. Трэці Спас, Малы Спас, Хлебны Спас[9]; серб. Св. Роман.

Рузонь койть-кирдат

Те чистэнть кортыть Диомид майсицянть ланга, конанень озныть сэредемань ды ормалгадомань шкасто, ды пшкалить Феодоронь пазавантень, конань икеле аватне озныть шумбрачиде, ловсосо андомадо, кудораськень ды лия тевтнесэ лездамодо[4].

Седикеле кортасть: «Васенце Спассто ведь лангсо аштить; омбоце Спассто умарть ярсыть; колмоце Спассто пиже пандотнесэ коцтт микшнить» [10], секскак колмоце Спасонть лиякс лемдясть «Коцт лангсо Спасокс», «Суманень Спасокс»[4]. Те чистэнть меревсь микшнемс коцтт[3].

Светойгавтыть од лисьмат[11]. Сёксентень ванькскавтыть шумбрачинь максыця лисьмапрятнень, симить мода алксонь ведь, лисьматнень ютыть кирьксэнь кирькс, истя ильтить иень лембе шканть. Кшинь Спасонтень панить прякат од сюросто: «Колмоце Спасось кши тенек кандсь»[12]. Колмоце Спасстонть ушодовкшнось вирень пештень анокстамось[1].

Те чистэнть Россиянь ламо велетнесэ эзть ютавтневе покшчить, секскак пиземетнень самос ушодовшнось паксясо кизэнь важодематнень прядовомантень анокстамось. А вана оштнесэ те чистэнть саезь ушодовить эрьгелема чить[13].

Россиянь степень ёнкстнэсэ озимойтнень ушодокшность путомо Обжинки покшчинь колмо чиде самодо икеле ды прядокшность Обжинкатнеде мейле колмо чинь перть. Шкась полавтневсь пертьпельксэнь самонть ды яровойтнень урядамонть эйстэ. Лиясто весементь путнилизь седе икеле — Умарень Спасонтень[14].

Колмоце Спассто редить лембе масторов нармунень ливтямонть, сехте пек цянавтнень ды карготнень. Арсить, цянавтне туить ливтямо колмо Спастнэнь перть[15]. Бути каргось туи ливтямо колмоце Спасонтень, сестэ Покровсто карми кельме[16]. Владимир Далень сокицянь-видицянь ковкерьксэнь толковамосонть, косо весемемесь теезь раськень тешкстнэнь ды вановкстнэнь лангс нежедезь, невтеви лия ёнов а молиця мель-арсема: «Чувтотнесэ телень кельмевксэсь алты, кода кортыть, сюрос паро норов; пеште лангс паро норовось алты покш нуема сыця иес, ансяк ялатеке, редязь, пешттнень ды сюронть лангс покш норовось зярдояк а пракшныть вейсэ; теде башка зярдояк а ульни пештень покш норов мельга мельцек кавто иеть; чарькодеви, те иестэ ламо пешттнень улемсэ сы иестэ сындест истянь зняро а кармить, ды паряк, карми сюронь норов». Колмоце Спасонь лементень велявтомсто, конань лемдить «кшинь» эли «пештень», ломантне тешкстасть весементь кода Пазнэнь сюконямо эрьва чинь кшинть кис, мезесь марявияк раськень валмеревкстнэсэ: «Колмоце Спасось кши тенек кандсь», «Паро, бути Спасось — коцт лангсо, а кшись тинге лангсо!»[17].

Валмеревкст ды тешкст

  • Колмоце Спасось кши тенек кандсь.
  • Пешттнес норов — сыця иестэ сюронь норов.
  • Пешттнес норов мельга мельцек кавто иеть а эрси.
  • Бути каргось туи ливтямо колмоце Спасонтень, сестэ Покровсто карми кельме.
  • Цянавтне туить ливтямо колмоксть, колмо Спасонь перть.
  • Успениядо мейле сась — чипаесь сёксенть ёнов тусь (укр. Після Успення прийшло — сонце на осінь пішло)[18].

Теке марто вант

Тешктавкст

  1. ↑ 1,0 1,1 1,2 Некрылова, 2007, с. 419.
  2. ↑ Крук, Котович, 2003, с. 44.
  3. ↑ 3,0 3,1 Георгиева, 2008, с. 230.
  4. ↑ 4,0 4,1 4,2 Котович, Крук, 2010, с. 235.
  5. ↑ Атрошенко, 2013, с. 18.
  6. Скуратівський В. Т. Український народний календар. — К. : Техніка, 2003. — С. 182
  7. Лозко Г. С. «Українське народознавство». Видання друге доповнене та перероблене. — К., 2004 — С. 448
  8. Кушнір В. Г. Народознавство Одещини. — Одеса: Гермес, 1998. — С. 113
  9. ↑ Лозка, 2002, с. 165.
  10. ↑ Даль, 1882.
  11. ↑ Рожнова, 1992, с. 147.
  12. ↑ Рожнова, 1992, с. 105.
  13. ↑ Сахаров, 1885, с. 111–112.
  14. ↑ Сахаров, 1885, с. 111.
  15. ↑ Ховратович, 1994, с. 109.
  16. ↑ Баранова и др., 2001, с. 569.
  17. ↑ Даль, 1880, с. 99.
  18. ↑ Скуратівський, 1994, с. 69.

Әҙәбиәт

  • Атрошенко О. В. Русская народная хрононимия: системно-функциональный и лексикографический аспекты // Автореферат диссертации на соискание ученой степени кандидата филологических наук. Уральский федеральный университет. — Екатеринбург, 2013.
  • Баранова О. Г., Зимина Т. А., Мадлевская Е. Л. и др. Русский праздник. Праздники и обряды народного земледельческого календаря. Иллюстрированная энциклопедия / Науч. ред. И. И. Шангина. — СПб.: Искусство-СПБ, 2001. — 668 с. — (История в зеркале быта). — ISBN 5-210-01497-5.
  • Георгиева Т. С. Культура повседневности. Русская культура и православие : Учеб. пособие. — М.: Аспект Пресс, 2008. — 400 с. — ISBN 978-5-7567-0476-1.
  • Даль В. И. О повѣрьях суевѣріях и предразсудках русскаго народа. — СПб.: Изд. М.О. Вольфа, 1880. — 148 с.
  • Спасать // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1882. — Т. 3.
  • Золотые правила народной культуры / О. В. Котович, И. И. Крук. — Мн.: Адукацыя i выхаванне, 2010. — 592 с. — 3000 экз. — ISBN 978-985-471-335-9.
  • Колесо времени: традиции и современность / Янка Крук, Оксана Котович. — Мн.: Беларусь, 2003. — 350 с. — ISBN 985-01-0477-5.
  • Лозка А. Ю. Беларускі народны каляндар. — Мн.: Полымя, 2002. — 238 с. — ISBN 98507-0298-2.(белор.)
  • Некрылова А. Ф. Круглый год. — М.: Правда, 1991. — 496 с. — ISBN 5-253-00598-6.
  • Некрылова А. Ф. Русский традиционный календарь: на каждый день и для каждого дома. — СПб.: Азбука-классика, 2007. — 765 с. — ISBN 5352021408.
  • Погодой год припоминается: русский народный земледельческий календарь / Б. Ховратович. — Красноярск: Красноярское книжное изд-во, 1994. — 206 с. — ISBN 5-7479-0447-7.
  • Рожнова П. К. Радоница. Русский народный календарь: обряды, обычаи, травы, заговорные слова. — М.: Дружба народов, 1992. — 174 с. — ISBN 5-285-00135-8.
  • Сахаров И. П. Сказания русского народа. Народный дневник. Праздники и обычаи. — СПб.: Издательство МГУ, 1885. — 245 с.
  • Скуратівський В. Т. Святвечір : нариси-дослідження : у 2-х кн. — К.: Перлин, 1994. — 207 с. — (Українська пізнавальна б-ка «Земляни». Серія «Українці»). — ISBN 5-7707-3429-9.(укр.)

Ссылкат


  1. REDIRECT ЛопаПарцун:Navbox
Саезь "https://myv.ruwiki.ru/w/index.php?title=Колмоце_Спас&oldid=218218"-стэ