Лукьянов, Андрей Емельянович
| Андрей Емельянович Лукьянов | ||||||
|---|---|---|---|---|---|---|
 | ||||||
| Чачома чизэ |
1922-це иень |
|||||
| Чачома тарказо | Парынзэле, Ардатовань уезд (Симбирской губерния), РСФСР | |||||
| Кулома чизэ |
1983-це иень |
|||||
| Кулома тарказо | Измайловка веле, Новосергиень буе, Оренбург ёнкс, РСФСР | |||||
| Масторозо |
 СССР |
|||||
| Кодамо ушмосо | Пехота[d] | |||||
| Служамонь иетне | 1941-це—1945-це | |||||
| Званиязо | Сержант | |||||
| Тюремат/войнат | ||||||
| Казнеть ды премият |
|
|||||
Андрей Емельянович Лукьянов (1922-це иень эйзюрковонь 9-це чи, Парынзэле, Симбирскоень уезд — 1983-це иень якшамковонь 19-це чи, Измайловка веле, Оренбург ёнкс) — Важодицянь ды сокицянь-видиянь Якстере Армиянь сержант, Ине Отечествань войнасо улиця, Советэнь Союзонь Откерь (1943). Эрзя.
Эрямокизэ
Чачсь 1922-це иень эйзюрковонь 9-це чистэ Парынзэлесэ (ней — Мордовия Республикань Покш Березникень буе)[1]. Кото классонь прядомадо мейле важодсь колхозсо учётчикекс.
1941-це иень ацамковсто тердезель служамо Важодицянь ды сокицянь-видицянь Якстере Армияс. 1942-це иень якшамковсто саезь — Ине Отечествань войнань фронтнэсэль. Ульнесь Сталинградонь ды Курскоень тюрематнесэ. Колмоксть ранязель ды контузязель.
1943-це иень таштамковонтень А. Лукьянов сержантось ветясь прявтонь тевтнень Центральной фронтонь 13-це армиянь стрелковой 74-це дивизиянь стрелковой 78-це полксо. Пек парсте невтизе эсь прянзо Десна ды Днепра лейтнень кис тюрематнесэ. 1943-це иень веть таштамковонь 20-це чистэ саезь таштамковонь 21-це чис сонзэ отделениясь Чернигов ошонть маласо ютась Деснанть пачк ды саизе ятонь чувозь окоптнесэ икельце аштемань тарканть ды арась пулемётсто леднемань таркатнес. Секе чистэнть отделениясь чавсь ятонь 20-те ламо ушмант, офицерт ды 2 танкат. 1943-це иень веть таштамковонь 22-це чистэ саезь таштамковонь 23-це чис сон Белорусень ССР-нь Гомель ёнксонь Брагинэнь буень Комарин веленть маласо ютась разведкань куронть марто Днепранть пачк, мусь ды яжась немецень леднемань зярыя таркат.
1943-це иень ожоковонь 16-це чистэ СССР-нь Верховной Советэнь Президиумонь кармавтомасо «Днепрань вить чиресэ плацдарманть кирдемстэ тюрематнень шкасто невтезь виевчинть ды откерьксчинть кис» Андрей Лукьянов сержантонтень максозель Советэнь Союзонь Откерь покш лемесь, казезельть Ленинэнь орденэсь ды 8267-це номерэнть ало «Сырнень Теште» медалесь[2].
Тюрсь Вить чирень Украинасо, Молдавиясо, Румыниясо ды Венгриясо[3]. Ульнесь колмоксть ранязь ды контузязь.
1945-це иень умарьковсто ульнесь демобилизовазь. Велявтсь тиринь ёнксов. 1957-це иестэ прядызе Саранонь Советэнь партиянь школанть. 1958-це иестэ ютась эрямо Оренбург ёнксонь Новосергиевень буень Измайловка велев, важодсь комсомолонь организаторокс, культурань кудонь ды ловнома кудонь прявтокс.
Кулось 1983-це иень якшамковонь 19-це чистэ.
Теде башка казезель Якстере Тештень орденсэ ды зярыя медальсэ.
Тешкставкст
Ссылкат
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Россовский В. П. Золотые звёзды Оренбуржья: биографический справочник. — Челябинск: Южно-Уральское книжное издательство, 1989. — 508 с. — ISBN 5-7688-0185-5.
- Золотые звёзды Оренбуржья: биографический справочник / В. П. Россовский; ред. Е. А. Урбанович; рец. У. А. Батыров, Н. М. Румянцев. — изд. 2-е, перераб. и доп. — Оренбург: ИПК «Южный Урал», 2005. — С. 380—381. — 595 с. — ISBN 5-94461-009-3.
- Оренбуржцы — Герои Советского Союза: библиографический указатель / Библиогр. отд.; сост. Н. А. Кузнецова. — 1. — Оренбург: Областная научная библиотека имени Н. К. Крупской, 1987. — С. 77. — 155 с.
- Мордовия. Энциклопедия. — Саранск, 2007.